EJEKIEL 39:21 - Bibəl ta Sar̄

²¹ M-ā m-ɔ́jə́ nápar de gə̄ kɔsə gɔn yāḿ. Nin̄ malang a a̰a̰n̄ loo kun ń m-ā m-úń tɔ́gə́ḿ yā rāań yá̰á̰ ń m-ə́da m̄-gāngəń sarya ní.

Bible sar

²¹ M-ā m-ɔ́jə́ nápar de gə̄ *kɔsə gɔn yāḿ. Nin̄ malang a a̰a̰n̄ loo kun ń m-ā m-úń tɔ́gə́ḿ yā rāań yá̰á̰ ń m-ə́da m̄-gāngəń sarya ní.

EJEKIEL 39:21 Referans Kwoze

EJEKIEL 38:23

M-ā m-ɔ́jə́ nápar de gə̄ malang kadə̄ mā i Nə́ɓā kə́ bo ō, kə́ táĺ ō, i tītə̄ ń noō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.

EJEKIEL 36:23

Nápar de gə̄ kídə̄n̄ rīḿ i najə̄ yāsí sḭḭ̄ tə́. I beé ní, m-ā m-ɔ́jə́də́ kadə̄ mā i Nə́ɓā kə́ bo ō, kə́ táĺ ō. Ba i sḭḭ̄ n m-ā m-úńsí yā rāań yá̰á̰ ń noō ní. Loo ń noō tə́ nápar de gə̄ ngeé ń noō a gerə̄n̄ kadə̄ i mā Kɔ́ɔ̄ɓē Nə́ɓā n m-ə́da najə̄ ń noō ní.

IJAI 37:20

Banī ḭ̄ Kɔ́ɔ̄ɓē Nə́ɓā yājí, ájə́jí ta ko̰o̰ ɓē yā Senakerib tə́! Loo ń noō tə́ ko̰o̰ ɓē gə̄ malang kə́ dɔ nang tə́ a gerə̄n̄, Kɔ́ɔ̄ɓē, kadə̄ i ḭ̄ kógə̄ḿ beē ngóy n i Nə́ɓā ní.

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

Teē Ngán Israel gə̄ 7:4

banī Parao̰ a oō najə̄ yāsí alé. M-ā m-ə́nda ɓē kə́ Ejiptə kənda kə́ kadə̄ əla ɓōĺ kem de gə̄ tə́ ō, kadə̄ ɓē kə́ Ejiptə gerə̄ń gō tɔ́gə́ḿ ō, ba ngán Israel gə̄ ń i gír deē yāḿ gə̄ ní tá m-ā m-ə̄ndādə́ kə gō naá majə yā teēń sedə́ kɔ̄ɔ́ dɔ nang kə́ Ejiptə tə́.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

EJEKIEL 39:13

De gə̄ malang kə́ gō nang ngeé ń noō tə́ a rāān̄ kəla ngeé ń noō ō, rɔ̄də́ a nel̄də́ ngá̰ý najə̄n tə́ ndɔ̄ ń m-ā m-ɔ́jəńdə́ kɔsə gɔn yāḿ tə́ ní ō. Najə̄ ń mā Kɔ́ɔ̄ɓē Nə́ɓā m-ə́dá ní n noó.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

1 SAMUEL 6:9

Ba á̰a̰ī gōdə́: Ré man̄g gə̄ unən̄ i róbə́ kə́ ta kaw̄ kə̄ dɔ nang kə́ Israel tə́ adə̄ kumdə́ sɔɔ̄ Bet Semes anī, kumən na i Nə́ɓā yā Israel gə̄ nəkɔ́ n rāājí yá̰á̰ kə́ tōr̄ ń toō ní. Ba ré unən̄ i róbə́ kə́ rang anī i ni alé ba i kɔ́l n rāājí ní.

1 SAMUEL 5:11

Ə́lan̄ gō ngār gə̄ yā Pilistin gə̄ tə́ adə̄ reēn̄ malang ba ədan̄də́ na: Əlaī kə sandúkə yā Nə́ɓā yā Israel gēé gogə́ ɓēé. Ré ə́laīneé aĺ anī j-a j-oyiī malang. Kɔ́ɔ̄ɓē rāā adə̄ yá̰á̰ kə́ to yo reē dɔ ɓē yādə́ tə́, adə̄ de gə̄ malang ɓōlə́n̄ ngá̰ý.

1 SAMUEL 5:7

Dan ń de kə́ Asdod gə̄ a̰a̰n̄ yá̰á̰ ń rāā yá̰á̰ ní anī ədan̄ na: Ādī sandúkə yā Nə́ɓā yā ngán Israel gə̄ ndi loojí laā alé. Tɔdɔ̄ rāā adə̄ yá̰á̰ kə́ tōr̄ rāājí ō, rāā Dagon nə́ɓā yājí ō.

Teē Ngán Israel gə̄ 14:4

M-ā m̄-rāān kadə̄ a dum̄ naā, adə̄ a ngɔ̄də̄ gōsí. Ba m-ā m̄-tetən rɔ̄ɔ̄ kə deē yān gēé malang kadə̄ m-ɔ́səń gɔn rɔ̄ḿ. Loo ń noō tə́ de kə́ Ejiptə gə̄ a gerə̄n̄ kadə̄ mā i Kɔ́ɔ̄ɓē. Ngán Israel gə̄ rāān̄ yá̰á̰ ń Kɔ́ɔ̄ɓē ɔjədə́ ní.

Teē Ngán Israel gə̄ 8:19

Yá̰á̰ kə́ tōr̄ ń a reē dɔ gír deē yān gə̄ tə́ ní na a reē dɔ gír deē yān ni Kɔ́ɔ̄ɓē tə́ alé. Yá̰á̰ kə́ yáā ń noō na a rāā yá̰a̰ na i bírí.

PĀ GƏ̄ 32:4

Tɔdɔ̄ kadaá gē, ndɔ̄ɔ́ gē ní, Kɔ́ɔ̄ɓē, ndéy jīí ɓār̄ dɔḿ tə́ rututu. Adə̄ tɔ́gə́ḿ gətóo tītə̄ yā kōō kə́ man̄ əhɔ laa dɔ tə́ beé.

MISE 2:9

Sḭḭ̄ ī-tə̄ɓāī dəyá̰ gə̄ kə́ dan gír deē yāḿ gə̄ tə́ kɔ̄ɔ́ kem kújə gə̄ ń nel̄də́ tə́ ní. Kii ń m-íí ngáńdə́ gə̄ ní, sḭḭ̄ ī-taāī jīdə́ tə́ kɔ̄ɔ́, kə́ njɔ́ḿ gə̄ tə́.

PĀ GƏ̄ 94:10

Ni ń ənda nápar de gə̄ tām̄ majaĺ yādə́ tə́ ní, asə kənda deē tām̄ yá̰á̰ kə́ majaĺ kə́ kɔ́ɔ̄ rāā tə́ aĺ a? Kɔ́ɔ̄ɓē ń rāā adə̄ deē ger̄ yá̰á̰ ní,

MALASI 1:5

Sḭḭ̄ Israel gə̄ a á̰a̰ī yá̰á̰ ń noō ba ā ə́daī na: I kem ɓē kə́ Israel tə́ ngóy n Kɔ́ɔ̄ɓē i de kə́ bo ní alé, ni i de kə́ bo gidə tə́ ndágá ō.