EJEKIEL 39:2 - Bibəl ta Sar̄

² Ɓē yāí ń ndi ta ngóy ɓē tə́ dām̄ mbɔ́r ɓē kə́ ko̰ó̰ tə́ ní, m-ā m̄-rāāī kadə̄ ā ī-teē kɔ̄ɔ́ kemeé. M-ā m̄-rā seí gúu kadə̄ ā ī-teē kɔ̄ɔ́ kemeé yā kaw̄ kənī mbal̄ bo gə̄ kə́ Israel tə́ rɔ̄ɔ̄.

Bible sar

² Ɓē yāí ń ndi ta ngóy ɓē tə́ dām̄ mbɔ́r ɓē kə́ ko̰ó̰ tə́ ní, m-ā m̄-rāāī kadə̄ ā ī-teē kɔ̄ɔ́ kemeé. M-ā m̄-rā seí gúu kadə̄ ā ī-teē kɔ̄ɔ́ kemeé yā kaw̄ kənī mbal̄ bo gə̄ kə́ *Israel tə́ rɔ̄ɔ̄.

EJEKIEL 39:2 Referans Kwoze

EJEKIEL 38:15

Ɓē yāí ń ndi i ta ngóy dɔ nang tə́ dām̄ mbɔ́r ɓē kə́ ko̰ó̰ tə́ ní, ā ḭ́ḭ tū tə́ yā reē, naā tə́ kə áskar gə̄ yā ɓē gə̄ kə́ gíŕdə́ i ngá̰ý. Sḭḭ̄ malang ní ā ī-ndiī i dɔ sə́nda gə̄ tə́ ō, kutəsí i ngá̰ý ō, ā ī-téliī ngé rɔ̄ɔ̄ gə̄ kə́ tɔ́gə́də́ i ngá̰ý ō.

IJAI 37:29

A̰á̰ā̰ wōn̄g rāāī dɔḿ tə́, najə̄ kə́ ɔjə kadə̄ ī-kídə̄m̄ ń ɔ̄r̄ ní m-ōō. I tām̄ najə̄ ń toō tə́ n m-ā m-ə́la gində̄ kə́ ta rugə kóní tə́ ō, m-ā m-ə́lá sáā gində̄ kógə̄ḿ mbo̰ō̰ ngāngīí kə́ dɔɔ́ gə̄ tə́ kə ngāngīí kə́ nang tə́ gə̄ tə́ ō ní. M-ā m̄-tél yā kaw̄ sesí gogə́ ɓēé kə róbə́ ń úń á ī-reēń laā ní.

PĀ GƏ̄ 40:14

Kɔ́ɔ̄ɓē, ɓɔ́ ī-gān̄g dɔḿ! Kɔ́ɔ̄ɓē, ī-reē láẃ ī-dḭḭ̄m̄!

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

PĀ GƏ̄ 68:2

Nə́ɓā ḭḭ dɔɔ́ anī madə̄ ba̰ā̰n gə̄ tḭ̄ḭ̄n̄ naā kə̄ loo gə̄ tə́ ō, madə̄ kɔ̄lən gə̄ a̰ȳn̄ naā kɔ̄ɔ́ non tə́ ō.

EJEKIEL 32:30

Ngār gə̄ malang yā gír de gə̄ kə́ dām̄ mbɔ́r ɓē kə́ ko̰ó̰ tə́ nin̄ i noó ō, naā tə́ kə de kə́ Sidon gə̄ ń oy aw̄n̄ ɓádá ní. Kété ní nin̄ əhɔn̄ rɔ̄də́ tɔgə ngá̰ý, adə̄ nin̄ rāān̄ adə̄ ɓōĺ rāā de gə̄ adə̄ ndewn̄. Ba ngɔlaā ní, de kə́ dəngam gə̄ kə́ kəja mɔtədə́ aĺ gə̄ ń noō ton̄ naā tə́ kə ngé gə̄ ń oyn̄ ta rɔ̄ɔ̄ tə́ ní. Rɔ̄də́ sɔl̄də́ naā tə́ kə de gə̄ ń ton̄ ɓádá ní.

EJEKIEL 39:1

Kɔ́ɔ̄ɓē ədam̄ na: Ḭ̄ ngōn̄ deē, ɔ̄r̄ najə̄ kə Gog ādə̄m̄, ī-rɔ̄ɔń seneé ə́dan na: Najə̄ ń Kɔ́ɔ̄ɓē Nə́ɓā əda ní n toó: Ḭ̄ Gog, ḭ̄ ń i ngār kə́ bo yā gír de gə̄ kə́ Mesek ō, Tubal ō ní, m-ā m̄-rāā yá̰á̰ kə́ tōr̄ seí.

EJEKIEL 39:3

Gō tə́ anī m-ā m-ə́ndaī: M-ā m̄-tetə ga̰ gərā yāí kə́ jī gelií tə́ kɔ̄ɔ́ ō, m-ā m̄-rāā kum gərā yāí gə̄ kə́ jī ko̰í tə́ kadə̄ teē tə́sōn̄ nang tə́ kɔ̄ɔ́ ō.