EJEKIEL 39:18 - Bibəl ta Sar̄

¹⁸ Ā ə́saī nīń go̰ rɔ̄ɔ̄ gə̄ ō, ā ā̰yī mósə ngār gə̄ kə́ dɔ nang tə́ laā ō. Nin̄ i yá̰á̰ kə́ tun̄ kum gotə bal batə̄ gə̄ ō, ngán batə̄ gə̄ ō, bal bə̄yā̰ gə̄ ō, kum gotə ngán man̄g kə́ yḛmbə gə̄ kə́ Basan ō.

Bible sar

¹⁸ Ā ə́saī nīń go̰ rɔ̄ɔ̄ gə̄ ō, ā ā̰yī mósə ngār gə̄ kə́ dɔ nang tə́ laā ō. Nin̄ i yá̰á̰ kə́ tun̄ kum gotə bal batə̄ gə̄ ō, ngán batə̄ gə̄ ō, bal bə̄yā̰ gə̄ ō, kum gotə ngán man̄g kə́ yḛmbə gə̄ kə́ Basan ō.

EJEKIEL 39:18 Referans Kwoze

PĀ GƏ̄ 22:12

Ní ī-lōō kadə̄ danií i sa̰y rɔ̄ḿ tə́, tɔdɔ̄ yá̰á̰ kə́ ngan̄g dɔ i ngɔr ō, de kə́ yā rāā seḿ gətóo ō.

JEREMI 51:40

M-āw̄ sedə́ loo tɔ̄l̄ dā̰ gə̄ tə́ tītə̄ bal batə̄ gə̄ beé ō, tītə̄ kó̰o̰ batə̄ gə̄ naā tə́ kə bal bə̄yā̰ gēé ō.

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

EJEKIEL 29:5

M-ā m-ə̄nīsí kem dəla loo tə́, ḭ̄ ō kānjə̄ gə̄ ń noō malang ō. Ā óy nang tə́. De kə́ yā kuniī a gətóo, de kə́ yā kənī kem bəlo yo tə́ a gətóo. M-ā m-ādə̄ ā ī-téĺ yá̰a̰ kəsa yā dā̰ kə́ bembeé gə̄ ō, yā yel̄ gə̄ ō.

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

JEJU TEĒ KUM JA̰A̰ 19:21

Kaskar ń teē ta deē ń ndi dɔ sə́ndá tə́ ní tɔ̄l̄ gotə de kə́ rang gə̄, adə̄ yel̄ gə̄ malang əsan̄ dā̰də́ ndānə̄n̄.

EJEKIEL 34:17

Yá̰á̰ ń mā Kɔ́ɔ̄ɓē Nə́ɓā m-ə́da ɓūtə̄ yá̰a̰ kul̄ yāḿ gə̄ ní n toó: M-ā m̄-gān̄g sarya kə́ dɔ dán ɓūtə̄ batə̄ gə̄ tə́ ō, bal batə̄ gə̄ tə́ ō, bal bə̄yā̰ gə̄ tə́ ō.

EJEKIEL 34:8

Tītə̄ ń m̄-ndiń kə kumḿ rɔ̄kum noō, yá̰á̰ ń mā Kɔ́ɔ̄ɓē Nə́ɓā m-ə́dá ní n toó. Ɓūtə̄ yá̰a̰ kul̄ yāḿ gə̄ i kem jī ngé ɓogə gə̄ tə́. Dā̰ kə́ bembeé gə̄ malang əhɔn̄ batə̄ gə̄ əsan̄də́ kɔ̄ɔ́, tɔdɔ̄ nge kul̄də́ gətóo. Ngé ngɔ̄m̄ yá̰a̰ kul̄ yāḿ gə̄ aw̄n̄ ndəledə́ tə́ alé. Ni a a̰a̰n̄ i gō rɔ̄də́ nin̄ kɔ́ gə̄, nin̄ a̰a̰n̄ gō yá̰a̰ kul̄ yāḿ gə̄ alé.

JEREMI 50:11

A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

IJAI 34:7

Dɔgə gə̄, kə man̄g kə́ bəra gə̄ ō, kə man̄g gə̄ ō əsōn̄ ndɔ̄ naā tə́. Mósə taā loo dɔ nang tə́ ō, mból dā̰ taā loo dɔ nang tə́ ō.

PĀ GƏ̄ 68:30

Dan ń mban̄g gə̄ a̰a̰n̄ kújə mban̄g yāí ń dɔn un dɔ kújə gə̄ malang kə́ Jerusalem tə́ ní anī, a reēn̄ kə kadə̄ karī yādə́ gēé yā ndējī.

NDŪ NAJƏ̄ 32:14

Adə̄də́ yibə̄ man̄g gə̄ ō, mba batə̄ gə̄ ō, yibə̄ ngán batə̄ gə̄ ō, yibə̄ bal batə̄ gə̄ kə́ Basan ō, yibə̄ bal bə̄yā̰ gə̄ ō, ndujə̄ gémē kə́ lándə̄ ō. Nin̄-a̰yn̄ kasə kan̄ kāgə̄ nduú yādə́ gə̄ ō.

JEREMI 46:5

I tām̄ rí tə́ á m-á̰á̰də́ ra a ndewn̄ ní? Nin̄-télən̄ kə gōdə́. Ɓōĺ əsō kə̄ loo gə̄ tə́ malang. Najə̄ ń Kɔ́ɔ̄ɓē əda ní n noó.

EJEKIEL 39:19

Ā ásiī kəsa yibə̄ dā̰ tītə̄ ń kemsí ndigə ní ō, ka̰ȳ mósə batə̄ kadə̄ rāāsí ō. Yá̰á̰ ń m̄-tun̄ tām̄ yāsí tə́ ní n noó.

IJAI 34:6

Kaskar yā Kɔ́ɔ̄ɓē i mósə malang, mból dā̰ i gidə tə́ malang. To i tītə̄ mósə́ ngán batə̄ gə̄ kə mósə bal bə̄yā̰ gə̄ beé. To i tītə̄ mból bal batə̄ gə̄ kə́ gidə mənjodə́ gə̄ tə́ beē. Kɔ́ɔ̄ɓē əndā dɔ yá̰a̰ tun̄ kógə̄ḿ kem ɓē kə́ Bosra tə́, ɓē kə́ Bosra ń i ɓē bo ní tə́. I nujə loo kə́ to ɓōĺ ngá̰ý kə́ dɔ nang kə́ Edom tə́.