EJEKIEL 39:10 - Bibəl ta Sar̄

¹⁰ Nin̄ a sāān̄ kīr̄ bembeé to̰ aĺ ō, a tə́gān̄ kīr̄ kem ku gə̄ tə́ to̰ aĺ ō. Tɔdɔ̄ nin̄ a rāān̄ hor i kə yá̰a̰ rɔ̄ɔ̄ gə̄ ń noō. Nin̄ a ɓogən̄ ngé gə̄ ń ɓogən̄də́ nin̄ kété ní ō, ngé gə̄ ń kété ɔyn̄ yá̰a̰ yādə́ nin̄ dɔ gúú tə́ ní, nin̄ a ɔyn̄ yá̰a̰ yādə́ dɔ gúú tə́ ō. I mā Kɔ́ɔ̄ɓē Nə́ɓā n m-ə́da najə̄ ń noō.

Bible sar

¹⁰ Nin̄ a sāān̄ kīr̄ bembeé to̰ aĺ ō, a tə́gān̄ kīr̄ kem ku gə̄ tə́ to̰ aĺ ō. Tɔdɔ̄ nin̄ a rāān̄ hor i kə yá̰a̰ rɔ̄ɔ̄ gə̄ ń noō. Nin̄ a ɓogən̄ ngé gə̄ ń ɓogən̄də́ nin̄ kété ní ō, ngé gə̄ ń kété ɔyn̄ yá̰a̰ yādə́ nin̄ dɔ gúú tə́ ní, nin̄ a ɔyn̄ yá̰a̰ yādə́ dɔ gúú tə́ ō. I mā Kɔ́ɔ̄ɓē Nə́ɓā n m-ə́da najə̄ ń noō.

EJEKIEL 39:10 Referans Kwoze

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

IJAI 14:2

Gotə gír de kə́ rang gə̄ a reēn̄ sāā Israel tə́ yā tél kaw̄ seneé gogə́ dɔ nang yān tə́. Loo ń noō tə́ gír deē yā Israel gə̄ a əhɔn̄ de gə̄ ngeé ń toō ɓəlo tə́, dəngam gē dəyá̰ gē, dɔ nang yā Kɔ́ɔ̄ɓē tə́. Ngé gə̄ ń əhɔnən̄ dəngáý kété ní, ni a əhɔdə́ dəngáy i tītə̄ ń noō, ngé gə̄ ń kété rējə̄nən̄ ní, ni a téĺ kɔ́ɔ̄də́ i tītə̄ ń noō.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

JEJU TEĒ KUM JA̰A̰ 18:6

Yá̰á̰ ń ni-rāā kə madə̄n gēé ní, ī-rāāī seneé ō, yá̰á̰ ń ni-rāā ní ī-rāāī seneé loo nja kə́ jōó tə́ ō, kópə ń ni guŕ kasə nduú kemeé adə̄ de gə̄ ní, ī-guríī kemeé loo nja kə́ jōó tə́ ādīin̄ ō.

JEJU TEĒ KUM JA̰A̰ 13:10

Deē ń kadə̄ aw̄ ɓəloó anī, a aw̄ ɓəloó ō, deē ń kadə̄ oy yo kaskar anī, a oy yo kaskar ō. I yá̰á̰ ń noō n majə kadə̄ de gə̄ yā Nə́ɓā ɔjən̄ kadə̄ nin̄ i de kə́ ngé tə́gā tadə́ gə̄ ō, de kə́ ngé taā kem gə̄ ō ní.

MATIYE 7:2

Tām̄ a gāngə̄n̄ sarya dɔsí tə́ i tītə̄ ń ī-gāngīneé dɔ madə̄sí gə̄ tə́ ní ō, a mbɔ̄jə́n̄ yá̰a̰ yā kadə̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō.

HABAKUK 3:8

Kɔ́ɔ̄ɓē, ī-rāā wōn̄g i kə ngán man̄ gēé a? A̰á̰ā̰, i kə ngán man̄ gēé a? Wōn̄g ń rāāī ngá̰ý ní i kə bā boó a? Ḭ̄ āl̄ ī-ndi dɔ kil̄ man̄ gə̄ tə́ tītə̄ kə́ ī-ndi i dɔ púsə tetə rɔ̄ɔ̄ tə́ beē, tītə̄ kə́ āl̄ ī-ndi dɔ púsə tetə rɔ̄ɔ̄ tə́ beē.

HABAKUK 2:8

Sḭḭ̄ ɔ́yiī yá̰a̰ yā nápar de gə̄ ngá̰ý dɔ gúú tə́. Adə̄ gotə gír de gə̄ ń na̰ȳn̄ ní, a ɔyn̄ yá̰a̰ yāsí gə̄ dɔ gúú tə́ tītə̄ ń noō ō. Tɔdɔ̄ sḭḭ̄ ī-ɓōkíī mósə de gə̄ nang tə́ ō, ī-rāāī yá̰a̰ kə dɔ́nɔ́ ō. Ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

Teē Ngán Israel gə̄ 12:36

Kɔ́ɔ̄ɓē rāā adə̄ de kə́ Ejiptə gə̄ rāān̄ kem majə kə ngán Israel gēé, adə̄ adə̄n̄də́ yá̰a̰ gə̄ ń nin̄-dəjen̄də́ ní. Ngán Israel gə̄ taān̄ yá̰a̰ jī de kə́ Ejiptə gə̄ tə́ i tītə̄ ń noō.

Teē Ngán Israel gə̄ 3:22

Dəyá̰ kə́ Israel gə̄ a dəjen̄ dəyá̰ kə́ Ejiptə gə̄ ń ndin̄ kújú gōdə́ tə́, aláa ndin̄ madə̄ ɓēdə́ ní, yá̰á̰ kə́ rāā kə gində̄ arjā̰a̰á̰ ō kə lɔ́rɔ́ ō, kūbə̄ kə́ yā tə́la rɔ̄ ngáńdə́ kə́ dəngam gə̄ tə́ ō, kə́ dəyá̰ gə̄ tə́ ō. I beé n ā ī-taāīneé yá̰a̰ yā de kə́ Ejiptə gə̄ jīdə́ tə́ ní.

EJEKIEL 39:11

Kum mbang ngeé ń noō tə́ ní, m-ā m-ādə̄ Gog loo, loo ngeé ń noō tə́ kadə̄ dubə̄nən̄ tū tə́ dɔ nang kə́ Israel tə́. I kem wól loo ń rīn na i Ngé mān̄ róbə gə̄ ní tə́. Ré deē ra bā bo tə́ anī, loo ní i kə̄ dām̄ kə́ gír ɓē tə́ ō, bəlo ɓádə́ ní a ɔgə̄ ngé mān̄ róbə gə̄ mān̄ ō. A dubə̄n̄ Gog ō, ngé rɔ̄ɔ̄ yān gə̄ malang ō, i loo ngeé ń noō tə́. A əndān̄ rī loo ní na i Wól loo yā Kósə de gə̄ yā Gog.

JAKARI 14:14

De kə́ dəngam gə̄ kə́ Juda a rɔ̄ɔ̄n̄ kem ɓē kə́ Jerusalem tə́. Nin̄ a ɔyn̄ yá̰a̰ kənge gə̄ kə́ kem ɓē gə̄ kə́ kadədə́ gə̄ tə́ malang. Adə̄ i lɔ́r ō, i gində̄ arjā̰a̰ ō, i kūbə̄ gə̄ kə́ ngá̰ý ō. Nin̄ a kánə̄n̄ yá̰a̰ gə̄ ń noō kə̄ dɔ naā tə́ gidə ɓēé.