EJEKIEL 39:1 - Bibəl ta Sar̄

¹ Kɔ́ɔ̄ɓē ədam̄ na: Ḭ̄ ngōn̄ deē, ɔ̄r̄ najə̄ kə Gog ādə̄m̄, ī-rɔ̄ɔń seneé ə́dan na: Najə̄ ń Kɔ́ɔ̄ɓē Nə́ɓā əda ní n toó: Ḭ̄ Gog, ḭ̄ ń i ngār kə́ bo yā gír de gə̄ kə́ Mesek ō, Tubal ō ní, m-ā m̄-rāā yá̰á̰ kə́ tōr̄ seí.

Bible sar

¹ Kɔ́ɔ̄ɓē ədam̄ na: Ḭ̄ ngōn̄ deē, ɔ̄r̄ najə̄ kə Gog ādə̄m̄, ī-rɔ̄ɔń seneé ə́dan na: Najə̄ ń Kɔ́ɔ̄ɓē Nə́ɓā əda ní n toó: Ḭ̄ Gog, ḭ̄ ń i ngār kə́ bo yā gír de gə̄ kə́ Mesek ō, Tubal ō ní, m-ā m̄-rāā yá̰á̰ kə́ tōr̄ seí.

EJEKIEL 39:1 Referans Kwoze

EJEKIEL 35:3

Ə́dádə́ na najə̄ ń Kɔ́ɔ̄ɓē Nə́ɓā əda ní n toó: M-ā m̄-rāā yá̰á̰ kə́ tōr̄ sesí! Ḭ̄ Edom, m-ā m-ɔ́jə́ tɔ́gə́ḿ dɔí tə́. M-ā m̄-nujiī kɔ̄ɔ́ ō, m-ā m̄-rāāī kadə̄ ā ī-tél dəla loo ō.

NAHUM 3:5

Kɔ́ɔ̄ɓē kə́ bo kə́ tɔ́gən i ngá̰ý ədan wáńg na: M-ā m̄-rāā yá̰á̰ kə́ tōr̄ seí. M-ā m̄-sa̰ā̰ kūbə̄ yāí yā reēń ta kumií tə́ dɔɔ́, m-ā m-ɔ́jə́ nápar de gə̄ gírí kə́ karī kadə̄ a̰a̰n̄. I beé n gotə ɓē ko̰o̰ kə́ rang gə̄ a a̰a̰nə̄ń rɔ̄sɔl̄ yāí ní.

NAHUM 2:13

Ni əhɔ dā̰ ō, rə́yā̰ dā̰ ní naā tə́ ō tām̄ yā kó̰o̰ ɓɔl tə́ ō, ngánən gə̄ tə́ ō. Dā̰ gə̄ ń ni ndo̰o̰də́ ō, rə́yā̰də́ naā tə́ ō ní, kán̄ dā̰də́ kem bəlo yān gə̄ tə́ adə̄ rosə.

JEJU TEĒ KUM JA̰A̰ 20:8

Nápar de gə̄ malang ń ndin̄ dɔ nang tə́ á i Gog nin̄ kə Magog ní, ni a teē yā kaw̄ rāādə́ kadə̄ ndúmə̄n̄. Ni a ɔsə dɔdə́ naā tə́ tām̄ yā rɔ̄ɔ̄ tə́ ō, kutə de gə̄ ní i ngá̰ý tītə̄ nán̄g ngárə̄ḿnjēý kə́ ta bā bo tə́ ō.

PĀ GƏ̄ 120:5

Yá̰á̰ kə́ to kum kaȳ aĺ kə́ ba̰ý beē! Tɔdɔ̄ m̄-ndi ɓē dan tə̄rā gə̄ tə́, m̄-ndi dan de kə́ kumdə́ o̰o̰də́ aĺ gə̄ tə́.

EJEKIEL 27:13

Gír de gə̄ kə́ dɔ nang kə́ Gəresə tə́ ō, kə́ gō nang kə́ Tubal tə́ ō, kə́ Mesek tə́ ō, a rāān̄ gātə̄ i seí ḭ̄ḭ́. Nin̄ adīn̄ ɓəlo gə̄ ō, yá̰á̰ kə́ rāā kə gində̄ nə̄ngá kasaá gə̄ ō, gíŕ yá̰a̰ gātə̄ yāí gə̄ tə́.

EJEKIEL 32:26

Mban̄g kə́ Mesek ō, kə́ Tubal ō nin̄ i noó kə ngé rɔ̄ɔ̄ yādə́ gēé. Dɔ ɓádə́ ngé rɔ̄ɔ̄ yādə́ gə̄ gīr̄ gidədə́. De kə́ dəngam gə̄ malang ń noō ń əjan̄ mɔtədə́ aĺ ní, tɔ̄lə̄n̄də́ i ta rɔ̄ɔ̄ tə́. Kété ní, de gə̄ ń ndin̄ kə kumdə́ ní, ɓōĺ rāādə́ adə̄ ndewn̄ i najə̄ yādə́ nin̄ tə́.

EJEKIEL 39:2

Ɓē yāí ń ndi ta ngóy ɓē tə́ dām̄ mbɔ́r ɓē kə́ ko̰ó̰ tə́ ní, m-ā m̄-rāāī kadə̄ ā ī-teē kɔ̄ɔ́ kemeé. M-ā m̄-rā seí gúu kadə̄ ā ī-teē kɔ̄ɔ́ kemeé yā kaw̄ kənī mbal̄ bo gə̄ kə́ Israel tə́ rɔ̄ɔ̄.

OJEE 2:18

Kɔ́ɔ̄ɓē əda na: Ndɔ̄ ń noō tə́ ní, ni a ɓārə́m̄ na i Ngaaḿ, ni a ɓārə́m̄ na i ɓesə̄ Baal yāḿ ń kumən na i ngoləḿ ní to̰ alé.

IJAI 24:21

Ndɔ̄ ngeé ń noō tə́ ní, Kɔ́ɔ̄ɓē a rāā yá̰á̰ kógə̄ḿ kə́ tə́yō̰ gə̄ malang kə́ dɔ rā̰ tə́ ō, dɔ nang tə́ laā ɓáa ni a rāā yá̰á̰ kógə̄ḿ kə mban̄g gə̄ kə́ dɔ nang tə́ ō.

EJEKIEL 38:1

Kɔ́ɔ̄ɓē ɔr̄ najə̄ seḿ, ədam̄ na: