EJEKIEL 38:4 - Bibəl ta Sar̄

⁴ M-ā m̄-mbutə taí kə gində̄ kə́ ruguú ō, m-ā m̄-ndɔ́rī dɔ gúú tə́ ō. M-ā m̄-teē seí kɔ̄ɔ́ ɓē yāí tə́, ḭ̄ ō, ngé rɔ̄ɔ̄ yāí gə̄ malang ō, sə́nda gə̄ ō, ngé kal̄ sə́nda gə̄ ō, sḭḭ̄ malang ní kə kūbə̄ kə́ majə ngá̰ý gēé rɔ̄sí tə́. Ā ī-téliī ɓūtə̄ áskar kə́ ngá̰ý gə̄, kə́ yá̰a̰ rɔ̄ɔ̄ yādə́ i der ō, kaskar ō.

Bible sar

⁴ M-ā m̄-mbutə taí kə gində̄ kə́ ruguú ō, m-ā m̄-ndɔ́rī dɔ gúú tə́ ō. M-ā m̄-teē seí kɔ̄ɔ́ ɓē yāí tə́, ḭ̄ ō, ngé rɔ̄ɔ̄ yāí gə̄ malang ō, sə́nda gə̄ ō, ngé kal̄ sə́nda gə̄ ō, sḭḭ̄ malang ní kə kūbə̄ kə́ majə ngá̰ý gēé rɔ̄sí tə́. Ā ī-téliī ɓūtə̄ áskar kə́ ngá̰ý gə̄, kə́ yá̰a̰ rɔ̄ɔ̄ yādə́ i der ō, kaskar ō.

EJEKIEL 38:4 Referans Kwoze

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

EJEKIEL 29:4

I beé ɓá ní m-ā m̄-mbútə̄ taí yā tə́la gində̄ kə́ ta rugə tū tə́. M-ā m̄-tə́ya̰ kānjə̄ gə̄ kə́ kum bā bo yāí tə́ tū kə̄yā̰ gidií gə̄ tə́.

EJEKIEL 38:15

Ɓē yāí ń ndi i ta ngóy dɔ nang tə́ dām̄ mbɔ́r ɓē kə́ ko̰ó̰ tə́ ní, ā ḭ́ḭ tū tə́ yā reē, naā tə́ kə áskar gə̄ yā ɓē gə̄ kə́ gíŕdə́ i ngá̰ý. Sḭḭ̄ malang ní ā ī-ndiī i dɔ sə́nda gə̄ tə́ ō, kutəsí i ngá̰ý ō, ā ī-téliī ngé rɔ̄ɔ̄ gə̄ kə́ tɔ́gə́də́ i ngá̰ý ō.

2 MBAN̄G 19:28

ī-rāā wōn̄g seḿ ō, najə̄ kə́ to ngonjə̄ gə̄ ń ɔ̄r̄ dɔḿ tə́ ní m-ōō ō, Adə̄ m-ā m-ə́la nə̄ngá kó̰ní tə́ ō, m-ā m-ə́lá jámá taí tə́ ō. M-ā m-ādə̄ ā úń róbə́ gír njaí yā tél kaw̄ń gogə́ ɓēé.

EJEKIEL 39:2

Ɓē yāí ń ndi ta ngóy ɓē tə́ dām̄ mbɔ́r ɓē kə́ ko̰ó̰ tə́ ní, m-ā m̄-rāāī kadə̄ ā ī-teē kɔ̄ɔ́ kemeé. M-ā m̄-rā seí gúu kadə̄ ā ī-teē kɔ̄ɔ́ kemeé yā kaw̄ kənī mbal̄ bo gə̄ kə́ Israel tə́ rɔ̄ɔ̄.

JEREMI 46:9

Ngé sə́nda gə̄, ə̄nīī rɔ̄ɔ̄. Ngé púsə́ sə́nda gə̄, ā̰yī ngɔ̄də̄ ngá̰ý. Ādə̄ ngé kəhɔ rɔ̄də́ tɔgə ngá̰ý gə̄ əndan̄ loo teēn̄, adə̄ i Kus gə̄ ō, Put gə̄ ō, ń gerə̄n̄ kəhɔ der majə ní ō, Lud gə̄ ń gerə̄n̄ kur gərā majə ní ō.

IJAI 37:29

A̰á̰ā̰ wōn̄g rāāī dɔḿ tə́, najə̄ kə́ ɔjə kadə̄ ī-kídə̄m̄ ń ɔ̄r̄ ní m-ōō. I tām̄ najə̄ ń toō tə́ n m-ā m-ə́la gində̄ kə́ ta rugə kóní tə́ ō, m-ā m-ə́lá sáā gində̄ kógə̄ḿ mbo̰ō̰ ngāngīí kə́ dɔɔ́ gə̄ tə́ kə ngāngīí kə́ nang tə́ gə̄ tə́ ō ní. M-ā m̄-tél yā kaw̄ sesí gogə́ ɓēé kə róbə́ ń úń á ī-reēń laā ní.

2 YÁ̰A̰ GƏ̄ 25:5

Amasia adə̄ de kə́ dəngam kə́ kem ɓē yān tə́ gə̄ kánə̄n̄ naā, adə̄ i Juda gə̄ ō, Benjamḛ gə̄ ō. Ba ni tə́ndā ngol ngé rɔ̄ɔ̄ gə̄ dɔ de kə́ dūbú gə̄ tə́ ō, de kə́ ɓú gə̄ tə́ ō, kə dɔ gír kaa gēé. Ni tə́da de gə̄ ń ɓāl̄də́ ḭḭ dɔ kutə jōó tə́ kum kə̄ dɔɔ́ ní anī ənge de gə̄ i dūbú ɓú mətá. I de kə́ asən̄ kaw̄ ta rɔ̄ɔ̄ tə́ gə̄ ō, gerə̄n̄ rɔ̄ɔ̄ kə nəngaá gə̄ ō, kə dereé gə̄ ō.

1 YÁ̰A̰ GƏ̄ 12:8

Yoela ō, Jebadia ō ń nin̄ i ngán Yeoram kə́ Gedor ní ō.

EJEKIEL 23:12

Ni gḛy Asiri gə̄ ń i madə̄ ɓē gə̄ ní ngá̰ý. Nin̄ i ngé ko̰o̰ ɓē gə̄ ō, ngé gān̄g sarya gə̄ ō, kə́ kūbə̄ ko̰ō̰də́ gə̄ i kūbə̄ kə́ majə ngá̰ý gə̄. Nin̄ gerə̄n̄ kal̄ sə́nda ngá̰ý ō, nin̄ malang i ngásáā gə̄ ō, majən̄ deē ngá̰ý ō.

IJAI 43:17

Ni-rāā adə̄ púsə rɔ̄ɔ̄ gə̄ ō, sə́nda gə̄ ō teēn̄, kósə́ ngé rɔ̄ɔ̄ gə̄ kə́ ɓūtə̄ de gə̄ yādə́ gə̄ kə́ ngé kənī rɔ̄ɔ̄ kə ngangá gə̄ teēn̄. Nin̄ əsōn̄ i yā kḭḭ dɔɔ́ to̰ alé. Nin̄ kɔ́ gə̄ oyn̄ muk. Nin̄ o̰o̰n̄ hor tītə̄ kəlā hor kə́ to kem lámbá tə́ beē.

EJEKIEL 38:3

Ā ə́dan na: Najə̄ gə̄ Kɔ́ɔ̄ɓē Nə́ɓā ɔr̄ ní n toó: Ngār kə́ bo yā gír de gə̄ kə́ Mesek ō kə́ Tubal ō, m-ā m̄-rāā yá̰á̰ kə́ tōr̄ seí.

EJEKIEL 39:20

Loo yá̰a̰ kəsa kə́ ngá̰ý ngeé ń noō tə́ ní, ā ə́saī yá̰a̰ tītə̄ ń kemsí ndigə ní. Ā ə́saī sə́nda gə̄ ō, ngé kal̄ sə́nda gə̄ ō, áskar gə̄ ō, ngé rɔ̄ɔ̄ kə́ tayā tayā gə̄ ō. Najə̄ ń mā Kɔ́ɔ̄ɓē Nə́ɓā m-ə́dá ní n noó.

AMOS 4:2

Kɔ́ɔ̄ɓē túbə̄ əda na: Tītə̄ nəkɔ́ ń mā i Nə́ɓā kə́ táĺ rɔ̄kum noó, ndɔ̄ a reē noó yā kadə̄ de gə̄ a əhɔn̄sí yā kaw̄ sesí ō, a ndɔ́rə̄n̄sí kógə̄ḿ kógə̄ḿ tītə̄ kānjə̄ gə̄ kə́ əhɔn̄də́ kə gində̄ kə́ ta ruguú, aláa kə kuyú beē yā kaw̄ń ndo̰ kanjāá.