EJEKIEL 38:3 - Bibəl ta Sar̄

³ Ā ə́dan na: Najə̄ gə̄ Kɔ́ɔ̄ɓē Nə́ɓā ɔr̄ ní n toó: Ngār kə́ bo yā gír de gə̄ kə́ Mesek ō kə́ Tubal ō, m-ā m̄-rāā yá̰á̰ kə́ tōr̄ seí.

Bible sar

³ Ā ə́dan na: Najə̄ gə̄ Kɔ́ɔ̄ɓē Nə́ɓā ɔr̄ ní n toó: Ngār kə́ bo yā gír de gə̄ kə́ Mesek ō kə́ Tubal ō, m-ā m̄-rāā yá̰á̰ kə́ tōr̄ seí.

EJEKIEL 38:3 Referans Kwoze

EJEKIEL 13:8

Adə̄ yá̰á̰ kə́ rɔ̄kum ń mā Kɔ́ɔ̄ɓē Nə́ɓā m-ə́dásí ní n toó: Dan ń i sḭḭ̄ kɔ́ gə̄ n ə́daī najə̄ kə́ reē dɔsí tə́ ō, yá̰a̰ gə̄ ń á̰a̰ī ní i yá̰á̰ kə́ rɔ̄kum aĺ gə̄ ō ní, m-ā m̄-rāā yá̰á̰ kə́ tōr̄ sesí. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 35:3

Ə́dádə́ na najə̄ ń Kɔ́ɔ̄ɓē Nə́ɓā əda ní n toó: M-ā m̄-rāā yá̰á̰ kə́ tōr̄ sesí! Ḭ̄ Edom, m-ā m-ɔ́jə́ tɔ́gə́ḿ dɔí tə́. M-ā m̄-nujiī kɔ̄ɔ́ ō, m-ā m̄-rāāī kadə̄ ā ī-tél dəla loo ō.

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

PĀ GƏ̄ 120:5

Yá̰á̰ kə́ to kum kaȳ aĺ kə́ ba̰ý beē! Tɔdɔ̄ m̄-ndi ɓē dan tə̄rā gə̄ tə́, m̄-ndi dan de kə́ kumdə́ o̰o̰də́ aĺ gə̄ tə́.

EJEKIEL 32:26

Mban̄g kə́ Mesek ō, kə́ Tubal ō nin̄ i noó kə ngé rɔ̄ɔ̄ yādə́ gēé. Dɔ ɓádə́ ngé rɔ̄ɔ̄ yādə́ gə̄ gīr̄ gidədə́. De kə́ dəngam gə̄ malang ń noō ń əjan̄ mɔtədə́ aĺ ní, tɔ̄lə̄n̄də́ i ta rɔ̄ɔ̄ tə́. Kété ní, de gə̄ ń ndin̄ kə kumdə́ ní, ɓōĺ rāādə́ adə̄ ndewn̄ i najə̄ yādə́ nin̄ tə́.

EJEKIEL 38:2

Ḭ̄ ngōn̄ deē, ī-tūr̄ kumií kə̄ rɔ̄ Gog tə́. Ni i ngār kə́ bo yā gír de gə̄ kə́ Tubal ō, Mesek ō, dɔ nang yā Magog tə́. Ɔ̄r̄ najə̄ ń m-ə̄ndā taí tə́ ní ī-rɔ̄ɔń seneé ādə̄m̄.

EJEKIEL 38:4

M-ā m̄-mbutə taí kə gində̄ kə́ ruguú ō, m-ā m̄-ndɔ́rī dɔ gúú tə́ ō. M-ā m̄-teē seí kɔ̄ɔ́ ɓē yāí tə́, ḭ̄ ō, ngé rɔ̄ɔ̄ yāí gə̄ malang ō, sə́nda gə̄ ō, ngé kal̄ sə́nda gə̄ ō, sḭḭ̄ malang ní kə kūbə̄ kə́ majə ngá̰ý gēé rɔ̄sí tə́. Ā ī-téliī ɓūtə̄ áskar kə́ ngá̰ý gə̄, kə́ yá̰a̰ rɔ̄ɔ̄ yādə́ i der ō, kaskar ō.