EJEKIEL 38:1 - Bibəl ta Sar̄

¹ Kɔ́ɔ̄ɓē ɔr̄ najə̄ seḿ, ədam̄ na:

Bible sar

¹ Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 38:1 Referans Kwoze

EJEKIEL 37:28

Dan ń kújə yāḿ a ra dansí tə́ kə́ njɔ́ḿ gə̄ tə́ anī, nápar de gə̄ a gerə̄n̄ yá̰á̰ ń toō: A gerə̄n̄ kadə̄ Kɔ́ɔ̄ɓē i mā ō, m-ə̄ndā Israel kə rī rāā kəla yāḿ ngándáńg ō.

EJEKIEL 38:2

Ḭ̄ ngōn̄ deē, ī-tūr̄ kumií kə̄ rɔ̄ Gog tə́. Ni i ngār kə́ bo yā gír de gə̄ kə́ Tubal ō, Mesek ō, dɔ nang yā Magog tə́. Ɔ̄r̄ najə̄ ń m-ə̄ndā taí tə́ ní ī-rɔ̄ɔń seneé ādə̄m̄.

IJAI 11:14

Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.

IJAI 24:21

Ndɔ̄ ngeé ń noō tə́ ní, Kɔ́ɔ̄ɓē a rāā yá̰á̰ kógə̄ḿ kə́ tə́yō̰ gə̄ malang kə́ dɔ rā̰ tə́ ō, dɔ nang tə́ laā ɓáa ni a rāā yá̰á̰ kógə̄ḿ kə mban̄g gə̄ kə́ dɔ nang tə́ ō.

EJEKIEL 39:1

Kɔ́ɔ̄ɓē ədam̄ na: Ḭ̄ ngōn̄ deē, ɔ̄r̄ najə̄ kə Gog ādə̄m̄, ī-rɔ̄ɔń seneé ə́dan na: Najə̄ ń Kɔ́ɔ̄ɓē Nə́ɓā əda ní n toó: Ḭ̄ Gog, ḭ̄ ń i ngār kə́ bo yā gír de gə̄ kə́ Mesek ō, Tubal ō ní, m-ā m̄-rāā yá̰á̰ kə́ tōr̄ seí.

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.

JEJU TEĒ KUM JA̰A̰ 16:12

Kə́ nge ko̰ mehḛ́ ɓōkə́ wōn̄g kə́ kem kópə yān tə́ kum bā kə́ bo ń i bā Opəratə ní tə́, anī man̄ kə́ tū tə́ iī kɔ̄ɔ́ kadə̄ róbə toń tām̄ yā mban̄g gə̄ ń a ḭḭn̄ gír ɓē tə́ yā reē ní tə́.

JEJU TEĒ KUM JA̰A̰ 20:8

Nápar de gə̄ malang ń ndin̄ dɔ nang tə́ á i Gog nin̄ kə Magog ní, ni a teē yā kaw̄ rāādə́ kadə̄ ndúmə̄n̄. Ni a ɔsə dɔdə́ naā tə́ tām̄ yā rɔ̄ɔ̄ tə́ ō, kutə de gə̄ ní i ngá̰ý tītə̄ nán̄g ngárə̄ḿnjēý kə́ ta bā bo tə́ ō.