EJEKIEL 37:1 - Bibəl ta Sar̄

¹ Kɔ́ɔ̄ɓē əhɔm̄ kə tɔ́gəneé. Ndílən aw̄ seḿ, adə̄ m-á̰a̰ rɔ̄ḿ i kem wól loo kógə̄ḿ kə́ kə̄ngā taān̄ loo tū tə́ tə́.

Bible sar

¹ Kɔ́ɔ̄ɓē əhɔm̄ kə tɔ́gəneé. Ndílən aw̄ seḿ, adə̄ m-á̰a̰ rɔ̄ḿ i kem wól loo kógə̄ḿ kə́ kə̄ngā taān̄ loo tū tə́ tə́.

EJEKIEL 37:1 Referans Kwoze

EJEKIEL 3:22

Kɔ́ɔ̄ɓē əhɔm̄ kə tɔ́gəneé ɓáý to̰ ba ədam̄ na: Ḭ́ḭ dɔɔ́ āw̄ kem wól loo tə́, na m-ā m-ɔ̄r̄ najə̄ seí loo ń noō tə́.

KƏLA RĀĀ 8:39

Dan ń teēn̄ kum man̄ tə́ anī, Ndíĺ Kɔ́ɔ̄ɓē un Pilipə aw̄ seneé kɔ̄ɔ́. Áji mbang ní a̰a̰n to̰ alé, ba ni-un róbə yān kə rɔ̄nelēé.

EJEKIEL 33:22

Kété pá tá kadə̄ deē ní reē ugə̄ ní, Kɔ́ɔ̄ɓē rāā adə̄ m̄-ger̄ gō tɔ́gən, tām̄ ni-rāā adə̄ m̄-tél m-ɔ̄r̄ najə̄ gogə́. Dan ń teē kə ndɔ̄ kə́ noō dəloí á deē ní reē ugə̄ ní, gír kəlā ndo̰ḿ do̰ō̰ naā to̰ alé, adə̄ m-ɔ̄r̄ najə̄.

EJEKIEL 8:3

Ni-əla yá̰á̰ kógə̄ḿ kə́ to tītə̄ jīn beé əhɔń nənga. Anī loo ka̰a̰ yá̰á̰ kə́ ḭḭ rɔ̄ Nə́ɓā tə́ ngeé ń noō ní, Ndíl unəm̄ aw̄ seḿ ɓōdə̄ loo tə́, dɔ dán dɔ rā̰ nin̄ kə dɔ nangaá tə́, ba aw̄ seḿ Jerusalem. Ta róbə́ kə́ dām̄ mbɔ́r ɓē kə́ ko̰ó̰ tə́ kə́ yā kudəń kə̄ kem ɓēé ní, m-á̰a̰ rɔ̄ḿ i kemeé, loo ń udən̄ ɓesə̄ tū tə́ ní tə́. Ɓesə̄ ní i ndū kə́ tájə̄n̄neé Nə́ɓā.

JEJU TEĒ KUM JA̰A̰ 1:10

Ndíĺ Nə́ɓā reē dɔḿ tə́ ndɔ̄ yā Kɔ́ɔ̄ɓē tə́, əhɔm̄ adə̄ m̄-ger̄ gōn, anī m-ōō ndū deē kógə̄ḿ ɓār̄ ngá̰ý tītə̄ kōō bərúnjə beé gōḿ tə́,

Najə̄ kə́ Majə yā Jeju ń Luk ndang ní 4:1

Jeju ń Ndíĺ kə́ Táĺ rosə kemən ní tél bā Jurdḛ tə́, anī Ndíĺ kə́ Táĺ ɔrən ta róbə aw̄ seneé kem dəla loo tə́. Ni-ndi noó ndɔ̄ kutə sɔ́,

EJEKIEL 40:1

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə jōó gidə i mí kɔ̄ɔ́. Kem ɓāl̄ kə́ nge ko̰ kutə jōó gidə i mí tə́, ta kəla gír ɓāl̄ ní tə́, kə ndɔ̄ nāā kə́ nge ko̰ kutə, dan ngeé ń noō tə́ ní, taān̄ ɓē kə́ Jerusalem rāā ɓāl̄ kutə gidə i sɔ́ kɔ̄ɔ́, ndɔ̄ nəkɔ́ ń noō tə́ bang anī, Kɔ́ɔ̄ɓē əhɔm̄ kə ngangá ngá̰ý ba unəm̄ aw̄ seḿ nú.

JEREMI 7:32

Tām̄ ń toō tə́ ní, á̰a̰ī, ndɔ̄ gə̄ a reēn̄ noó, de gə̄ a ədan̄ kem ndɔ̄gə̄ ń noō tə́ na: Topet aláa na i wól loo kə́ Ben Hinom to̰ alé, ba a ədan̄ na i wól loo tɔ̄l̄ de gə̄, tɔdɔ̄ loo gətóo, adə̄ Topet nəkɔ́ tél i loo ɓōkə́ nīń gə̄. Najə̄ ń Kɔ́ɔ̄ɓē əda ní ń noó.

EJEKIEL 11:24

Kum mbang ń m-ā m-á̰a̰ń yá̰a̰ ngeé ń noō tə́ ní, Ndíĺ Nə́ɓā unəm̄ nang tə́ kum kə̄ dɔɔ́. Ni-tél reē seḿ gogə́ rɔ̄ de gə̄ ń ɔyn̄də́ aw̄n̄ sedə́ Babilon dɔ gúú tə́ ní. Yá̰á̰ ń Nə́ɓā əlań adə̄ m-á̰a̰ā̰ ní dəba.

EJEKIEL 3:14

Ndíĺ unəm̄ nang tə́ kum kə̄ dɔɔ́ ní, aw̄ seḿ. Kɔ́ɔ̄ɓē əhɔm̄ kə tɔ́gəneé i kəhɔ kə́ m-ásə dum̄ tan aĺ ō, m-āw̄ i kə kemḿ kə́ nelə̄m̄ aĺ ō, wōn̄g rāām̄ ō.

JEREMI 8:2

A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

2 MBAN̄G 2:16

ba ədanən̄ na n-aw̄n̄ kə de kə́ kəhɔ rɔ̄də́ tɔgə gə̄ kutə mí adə̄ na n-a n-əlan̄də́ sāā kɔ́ɔ̄n tə́. Tɔdɔ̄ Ndíĺ Kɔ́ɔ̄ɓē ń na un kɔ́ɔ̄n aw̄ seneé ní majanī na aw̄ ənīn dɔ mbal̄ kógə̄ḿ tə́, aláa wól loo kə́rēý tə́. Elije tél ədadə́ na: Ī-lōōī kəla deē!

1 MBAN̄G GƏ̄ 18:12

Ré m-ə́ya̰ī ba m-ɔ́tə kɔ̄ɔ́ anī, Ndíĺ Kɔ́ɔ̄ɓē a reē yā kuniī kaw̄ seí loo kə́ m-ā m̄-ger̄ aĺ tə́. Ré m-ə́da Akab kōōí ba əngeī aĺ anī a tɔ̄lə̄m̄. Tá mā m-ə́lá gír ɓōĺ Kɔ́ɔ̄ɓē i dan ń mā i balsáá ɓáý ní.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

JEREMI 7:2

Ī-ra ta kújə yā Kɔ́ɔ̄ɓē tə́, ə̄nī mbēr̄ najə̄ ń toō ə́da na: Sḭḭ̄ de kə́ Juda tə́ gə̄ malang ń údiī kə ta róbə gə̄ ń toō yā kɔsə nosí nang tə́ rɔȳń Kɔ́ɔ̄ɓē ní, ōōī najə̄ yā Kɔ́ɔ̄ɓē.

EJEKIEL 37:2

Kɔ́ɔ̄ɓē rāā adə̄ m̄-njə̄rā m̄-gīr̄ gidə loo ní. Kə̄ngā gə̄ ní i ngá̰ý ō, tutən̄ malang ō.

EJEKIEL 43:5

Ndíĺ Nə́ɓā unəm̄ dɔɔ́ ba aw̄ seḿ ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́. M-á̰a̰ kadə̄ kɔsə gɔn yā Kɔ́ɔ̄ɓē taā loo kem kújə yā Kɔ́ɔ̄ɓē tə́.

EJEKIEL 8:1

Dan ń ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ ní, rāā ɓāl̄ mehḛ́. Ba kem ɓāl̄ kə́ nge ko̰ mehḛ́ tə́, kə nāā kə́ nge ko̰ mehḛ́ kə́ kem ɓāl̄ ní tə́, kə ndɔ̄ kə́ nge ko̰ mí yā nāā kə́ nge ko̰ mehḛ́ ní anī, dan ń m̄-ndi kem kújə yāḿ tə́ ō, kum kɔɔ̄ kə́ Juda tə́ gə̄ ndin̄ nang tə́ noḿ tə́ ō anī, tɔ́gə yā Kɔ́ɔ̄ɓē Nə́ɓā əhɔm̄ gidə kógə̄ḿ.