EJEKIEL 36:1 - Bibəl ta Sar̄

¹ Ngōn̄ deē, najə̄ yā mbal̄ gə̄ kə́ Israel tə́ ń m-ə̄ndā taí tə́ ní, ɔ̄r̄ ngɔlaā. Ī-mēr̄də́ koō najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní.

Bible sar

¹ Ngōn̄ deē, najə̄ yā mbal̄ gə̄ kə́ *Israel tə́ ń m-ə̄ndā taí tə́ ní, ɔ̄r̄ ngɔlaā. Ī-mēr̄də́ koō najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní.

EJEKIEL 36:1 Referans Kwoze

EJEKIEL 37:22

M-ā m̄-rāāsí kadə̄ ā ī-téliī nápar de gə̄ kə́ kógə̄ḿ beē gə̄ dɔ mbal̄ gə̄ kə́ Israel tə́ tə́. Sḭḭ̄ malang ní, mban̄g yāsí i kógə̄ḿ beē. Ā ī-rāāī ɓē gír jōó to̰ aĺ ō, ā ī-kēgī naā kem ɓē ko̰o̰ gə̄ kə́ gír jōó tə́ to̰ aĺ ō.

EJEKIEL 37:4

Loo ń noō tə́ ni ədam̄ na: Ɔ̄r̄ najə̄ kə kə̄ngā gə̄ ń noō tītə̄ nge koō ta kógə̄ḿ ə́dádə́ na: Sḭḭ̄ ń i kə́ tutə kɔ̄ɔ́ gə̄ ní, ōōī najə̄ yā Kɔ́ɔ̄ɓē!

EJEKIEL 36:8

Kum mbang ngeé ń noō tə́ ní, kāgə̄ gə̄ kə́ dɔ mbal̄ bo gə̄ kə́ Israel tə́ a tɔ̄ɔ̄n̄ ta jīdə́ gə̄ ō, a anə̄n̄ tām̄ yāsí sḭḭ̄ Israel gə̄ ń i gír deē yāḿ gə̄ ní tə́ ō. Tɔdɔ̄ sḛ́ý laā anī ā ī-téliī yā kaw̄ gogə́ dɔ nang yāsí tə́.

EJEKIEL 36:4

I beé ní, sḭḭ̄ mbal̄ bo gə̄ kə́ Israel tə́, ōōī najə̄ kɔrə̄ḿ! Mā Kɔ́ɔ̄ɓē Nə́ɓā, m-ə́da i mbal̄ bo gə̄ ō, ngán mbal̄ gə̄ ō, man̄ dɔ mbal̄ gə̄ ō, wól loo gə̄ ō. M-ə́da i loo kə́ nujə sák sák kə́ to dɔ naā tə́ bing gə̄ ō, ɓē bo gə̄ kə́ de gə̄ əya̰n̄ kɔ̄ɔ́ gə̄ ō. Nápar de kə́ rang gə̄ ń ndin̄ gīrə̄n̄ gidə ɓē bo gə̄ ngeé ń toō ní, ɔyn̄ yá̰a̰ kənge kə́ kemeé gə̄ kɔ̄ɔ́ dɔ gúú tə́ ō, tájə̄n̄ ɓē bo gə̄ ní ō.

EJEKIEL 34:14

M-ā m-āw̄ sedə́ dɔ mu kə́ majə tə́ ō, nin̄ a əngen̄ loo kəsa mu yādə́ dɔ mbal̄ bo gə̄ kə́ dɔ nang kə́ Israel tə́ tə́ ō. Batə̄ yāḿ gə̄ a asən̄ kɔr̄ koō loo ngeé ń noō tə́, loo kə́ majə kə́ mu i tū tə́ tə́. Nin̄ a əsan̄ yá̰a̰ dɔ nang kə́ teē yá̰a̰ gə̄ tə́ tə́, dɔ mbal̄ bo gə̄ kə́ Israel tə́ tə́.

EJEKIEL 33:28

M-ā nujə ɓē kɔ̄ɔ́, m̄-rāā kadə̄ ɓē tél dəla loo. Tɔ́gə́ ń rāā adə̄ de kə́ kemeé gə̄ ɔjən̄ rɔ̄də́ ngá̰ý ní a gətóo kɔ̄ɔ́. De gə̄ a əya̰n̄ mbal̄ bo gə̄ kə́ Israel tə́ kɔ̄ɔ́, deē a mān̄ noó to̰ alé.

JEREMI 22:29

Dɔ nang yāḿ, dɔ nang yāḿ, ōō najə̄ yā Kɔ́ɔ̄ɓē.

EJEKIEL 35:15

Dan ń ḭ̄ á̰a̰ kadə̄ nujən̄ Israel gə̄ ń i gír deē yāḿ gə̄ ní anī, ḭ̄ ī-rāā rɔ̄nel̄. I beé ní, yá̰á̰ ń m-ā m̄-rāā seí ní, i yá̰á̰ kə́ tītə̄ ń noō ō. A nujən̄ mbal̄ bo yāí gə̄ ō, ɓē yāí kə taá malang ō. Loo ń noō tə́ de gə̄ a gerə̄n̄ kadə̄ Kɔ́ɔ̄ɓē i mā.

EJEKIEL 36:2

Madə̄ ba̰ā̰sí gə̄ lurən̄ loo ədan̄ na: Haw! Mbal̄ bo kə́ jóo gə̄ kə́ Israel tə́ i yājí ngɔlaā!

EJEKIEL 38:8

Ndɔ̄ń tə́, gō ɓāl̄ gə̄ kə́ ngá̰ý tə́ ní, m-ā m-ə́laī kadə̄ āw̄ ī-rɔ̄ɔ̄ ɓē kə́ Israel. Kum mbang ngeé ń noō tə́ ní, de kə́ kemeé gə̄ teēn̄ ta rɔ̄ɔ̄ tə́ i sa sat. Nin̄ teēn̄ kɔ̄ɔ́ kem ɓē gə̄ ń ndin̄ kemeé tə́ ní. A kánə̄n̄də́ dɔ mbal̄ gə̄ kə́ Israel tə́ ń de gə̄ gətóon̄ dɔ tə́ i jóó ngá̰ý ní. Dan ń nin̄ teēn̄ kɔ̄ɔ́ dan gír de kə́ rang gə̄ tə́ oy anī, nin̄ malang a ndin̄ kanjə̄ sōl̄ yá̰á̰ kógə̄ḿ.

JOEL 3:2

Kem ndɔ̄ gə̄ ngeé ń noō tə́ ní, m-ā m̄-rāā kadə̄ Ndílə́ḿ risə dɔ ngé kəla kə́ dəngam gə̄ tə́ ō, dɔ ngé kəla kə́ dəyá̰ gə̄ tə́ ō.