EJEKIEL 34:8 - Bibəl ta Sar̄

⁸ Tītə̄ ń m̄-ndiń kə kumḿ rɔ̄kum noō, yá̰á̰ ń mā Kɔ́ɔ̄ɓē Nə́ɓā m-ə́dá ní n toó. Ɓūtə̄ yá̰a̰ kul̄ yāḿ gə̄ i kem jī ngé ɓogə gə̄ tə́. Dā̰ kə́ bembeé gə̄ malang əhɔn̄ batə̄ gə̄ əsan̄də́ kɔ̄ɔ́, tɔdɔ̄ nge kul̄də́ gətóo. Ngé ngɔ̄m̄ yá̰a̰ kul̄ yāḿ gə̄ aw̄n̄ ndəledə́ tə́ alé. Ni a a̰a̰n̄ i gō rɔ̄də́ nin̄ kɔ́ gə̄, nin̄ a̰a̰n̄ gō yá̰a̰ kul̄ yāḿ gə̄ alé.

Bible sar

⁸ Tītə̄ ń m̄-ndiń kə kumḿ rɔ̄kum noō, yá̰á̰ ń mā Kɔ́ɔ̄ɓē Nə́ɓā m-ə́dá ní n toó. Ɓūtə̄ yá̰a̰ kul̄ yāḿ gə̄ i kem jī ngé ɓogə gə̄ tə́. Dā̰ kə́ bembeé gə̄ malang əhɔn̄ batə̄ gə̄ əsan̄də́ kɔ̄ɔ́, tɔdɔ̄ nge kul̄də́ gətóo. Ngé ngɔ̄m̄ yá̰a̰ kul̄ yāḿ gə̄ aw̄n̄ ndəledə́ tə́ alé. Ni a a̰a̰n̄ i gō rɔ̄də́ nin̄ kɔ́ gə̄, nin̄ a̰a̰n̄ gō yá̰a̰ kul̄ yāḿ gə̄ alé.

EJEKIEL 34:8 Referans Kwoze

2 PIYER 2:13

Yá̰á̰ kə́ tōr̄ ń a rāādə́ ní, a əndānəń i njadə́ tām̄ yā yá̰á̰ kə́ gōtə́ aĺ ń nin̄-rāān̄ tə́ ní. Nin̄-əngen̄ rɔ̄nel̄ yādə́ loo rāā yá̰á̰ kə́ majaĺ gə̄ ń ngurən i kemdə́ tə́ ní. Dan ń nin̄-əsan̄ yá̰a̰ yāsí gə̄ sesí ō, rɔ̄nel̄ yādə́ i gól̄ loo ō ní, ndidə́ nin̄ sesí ta yá̰a̰ kəsa tə́ i yá̰á̰ kə́ to rɔ̄sɔl̄ ō, i yá̰á̰ kə́ to wōn̄g ngá̰ý ō.

Makətūbə̄ ń Jud ndang ní 1:12

Dan ń ī-ndiī ā ə́saī yá̰a̰ kə naá kə́ loo ngákó̰o̰ naā gə̄ tə́ ɓáa, nin̄ i yá̰á̰ kə́ adə̄ deē wōn̄g gə̄ dansí tə́. Nin̄ i de kə́ ngé kəsa wa kanjə̄ kadə̄ rɔ̄də́ sɔl̄də́ gə̄ ō, gírə̄n̄ i dɔ rɔ̄də́ nin̄ kɔ́ gə̄ tə́ ngóy ō. Nin̄-ton̄ i tītə̄ man̄ kə́ il̄ kanjə̄ kedə kə́ nél tə̄ndā tḭ̄ḭ̄ kɔ̄ɔ́ beē ō, ton̄ i tītə̄ kāgə̄ gə̄ kə́ nāā kan̄də́ ugə̄ banī anə̄n̄ aĺ gə̄ beé ō, ton̄ i tītə̄ kāgə̄ gə̄ kə́ ɔrə̄n̄də́ kɔ̄ɔ́ kə ngəradə́ gēé adə̄ oyn̄ kɔ̄ɔ́ beé ō.

1 KORḚNTƏ 9:15

Yá̰a̰ gə̄ ń noō ń m-ásə taā ní m̄-taā alé. Tá m̄-ndang makətūbə̄ ń toō i yā dəjeń aĺ ō. Koyḿ i só tə́ tɔȳ kadə̄ deē taā yá̰a̰ kɔsə gɔn rɔ̄ yāḿ jīḿ tə́!

KƏLA RĀĀ 20:33

Mā m̄-ndə̄ngā nar, aláa lɔ́r, aláa kūbə̄, yā deē kógə̄ḿ alé.

EJEKIEL 34:31

A̰á̰ā̰, sḭḭ̄ deē ndul gə̄, sḭḭ̄ i ɓūtə̄ yá̰a̰ kul̄ yāḿ gə̄ ō, mā m-á̰a̰ gōsí ō. A̰á̰ā̰, Nə́ɓā yāsí i mā. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 34:18

Ngé kə́rēý gə̄ dɔ dáńsí tə́ nel̄də́ kəsa mu kə́ loo kə́ majə ngá̰ý tə́ aĺ i tām̄ rí tə́? Gotə mu ń na̰y ní, nin̄ aw̄ tə́ɓān̄ njadə́ tə́ ɓáý to̰ i tām̄ rí tə́? Ka̰ȳ man̄ kə́ kumən unjə̄ asəsí aĺ a? Man̄ ń sḭḭ̄ ā̰yī aĺ ní, ə́laī njasí kum tə́ ī-pukə́tūiń adə̄ kumən kusə́rū i tām̄ rí tə́?

EJEKIEL 34:10

Mā Kɔ́ɔ̄ɓē Nə́ɓā m̄-tāāsí. M-ā m̄-rāā yá̰á̰ kógə̄ḿ sesí sḭḭ̄ ngé ngɔ̄m̄ yá̰a̰ kul̄ gēé. M-ā m̄-taā yá̰a̰ kul̄ yāḿ gə̄ jīsí tə́ kɔ̄ɔ́ ō, m-ā m-ɔ̄gə̄sí kɔr nodə́ ō. Loo ń noō tə́ sḭḭ̄ ā ásiī kənge yá̰á̰ kógə̄ḿ tū yá̰a̰ kul̄ yāḿ gə̄ tə́ to̰ alé. M-ā m̄-nār̄ batə̄ yāḿ gə̄ yā taādə́ tasí tə́ ō, ā ūlī rɔ̄sí kə batə̄ yāḿ gēé to̰ aĺ ō.

KƏLA RĀĀ 20:29

m̄-ger̄ majə kadə̄ ré m-āw̄ kɔ̄ɔ́ anī soó kə́ majaĺ ngá̰ý gə̄ a reēn̄ dansí tə́ ō, nin̄ a əya̰n̄ yá̰a̰ kul̄ gə̄ ní aĺ ō.

EJEKIEL 34:7

I beé ní, sḭḭ̄ ngé kul̄ Israel gə̄, ōōī najə̄ ḿ m-ə́dásí ní.

EJEKIEL 34:9

Adə̄ sḭḭ̄ ngé ngɔ̄m̄ Israel gə̄, ōōī najə̄ ń m-ə́dásí ní.

EJEKIEL 36:4

I beé ní, sḭḭ̄ mbal̄ bo gə̄ kə́ Israel tə́, ōōī najə̄ kɔrə̄ḿ! Mā Kɔ́ɔ̄ɓē Nə́ɓā, m-ə́da i mbal̄ bo gə̄ ō, ngán mbal̄ gə̄ ō, man̄ dɔ mbal̄ gə̄ ō, wól loo gə̄ ō. M-ə́da i loo kə́ nujə sák sák kə́ to dɔ naā tə́ bing gə̄ ō, ɓē bo gə̄ kə́ de gə̄ əya̰n̄ kɔ̄ɔ́ gə̄ ō. Nápar de kə́ rang gə̄ ń ndin̄ gīrə̄n̄ gidə ɓē bo gə̄ ngeé ń toō ní, ɔyn̄ yá̰a̰ kənge kə́ kemeé gə̄ kɔ̄ɔ́ dɔ gúú tə́ ō, tájə̄n̄ ɓē bo gə̄ ní ō.

JAKARI 10:2

Nə́ɓā kə́ rɔ̄kum aĺ gə̄, a ədan̄ i najə̄ kə́ rɔ̄kum aĺ gə̄ ō, kɔdə̄ sāā gə̄, a a̰a̰n̄ i yá̰á̰ kə́ rɔ̄kum aĺ gə̄ ō. Nī gə̄ ń nin̄ a ənīn̄ gotə ní, i nī kə́ kanjə̄ kumən gə̄ ō, nin̄ a sɔlə̄n̄ kem deē i kə nélé ō. I tām̄ najə̄ ń noō tə́ n ngán Israel gə̄ aw̄n̄ tītə̄ ɓūtə̄ yá̰a̰ kul̄ gə̄ kə́ kumdə́ tō ndoō beé ní, tɔdɔ̄ nge kul̄də́ gətóo.