EJEKIEL 34:16 - Bibəl ta Sar̄

¹⁶ Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

Bible sar

¹⁶ Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

EJEKIEL 34:16 Referans Kwoze

Najə̄ kə́ Majə yā Jeju ń Luk ndang ní 19:10

Tɔdɔ̄ Ngōn̄ Deē reē i sāā ngé kə́ tadə́ tḭ̄ḭ̄ gə̄ tə́ ō, kajədə́ tə́ ō.

EJEKIEL 34:4

Batə̄ kə́ tɔ́gə gətóo gə̄ ní sḭḭ̄ ī-rāāīdə́ adə̄ tɔ́gə́də́ to aĺ ō, ngé kə́ mo̰y gə̄ ní, sḭḭ̄ ī-rāāīdə́ ādə̄ rɔ̄də́ ngáā aĺ ō, ngé kə́ nja tétə̄ gə̄ ní, sḭḭ̄ ɔ́riīdə́ nam̄ aĺ ō, ngé gə̄ əya̰n̄ madə̄də́ gə̄ ba aw̄n̄ sa̰y ní, sḭḭ̄ ī-tél ī-reēī sedə́ gogə́ aĺ ō, ngé gə̄ ń tadə́ tḭ̄ḭ̄ ní, sḭḭ̄ ī-ndəleīdə́ aĺ ō. Banī sḭḭ̄ ó̰o̰ḭ̄ ɓē dɔ batə̄ gə̄ tə́ kə dɔ́nɔ́ ō kə kem ngangá ō.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

EJEKIEL 34:11

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, mə̄kɔ́ m-āw̄ yā sāā batə̄ yāḿ gə̄ ō, m-ā m-á̰a̰ gōdə́ ō.

MARK 2:17

Loo ń Jeju oō beé anī ədadə́ na: I ngé rɔ̄ ngan̄g gə̄ n a sāān̄ nja doktór ní alé, ba i ngé rɔ̄ ngan̄g aĺ gə̄ n a sāān̄ njan ní.

EJEKIEL 39:18

Ā ə́saī nīń go̰ rɔ̄ɔ̄ gə̄ ō, ā ā̰yī mósə ngār gə̄ kə́ dɔ nang tə́ laā ō. Nin̄ i yá̰á̰ kə́ tun̄ kum gotə bal batə̄ gə̄ ō, ngán batə̄ gə̄ ō, bal bə̄yā̰ gə̄ ō, kum gotə ngán man̄g kə́ yḛmbə gə̄ kə́ Basan ō.

IJAI 10:16

I tām̄ najə̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, a rāā kadə̄ yá̰a̰ kənge yā gō nang gə̄ kə́ yá̰a̰ kənge i ngá̰ý tū tə́ gə̄ tél kə̄ nang tə́ ní. Hor kógə̄ḿ a taā loo gír majədə́ tə́ gírí nang tə́, tītə̄ hor kə́ o̰o̰ loo beé.

IJAI 5:17

Batə̄ gə̄ a əsan̄ mu kem ɓē kə́ nujə kɔ̄ɔ́ tə́ i tītə̄ kə́ ran̄ i loo ko̰o̰ yādə́ tə́ beē ō, ngán bə̄yā̰ gə̄ ń ulə̄n̄də́ kadə̄ boon̄ ní, a əngen̄ yá̰á̰ kəsa yādə́ i noó ō.

MISE 7:14

Kɔ́ɔ̄ɓē, ɔ́ŕ gír deē yāí gə̄ ta róbə kə kāgə̄ yāí ń ā ī-ngɔ̄məń yá̰a̰ kul̄ gə̄ ní. Nin̄ ndin̄ i kə kéŕdə́ dɔ nang kə́ tutə kɔ̄ɔ́ tə́. Kāgə̄ kə́ kan̄ gə̄ gīrə̄n̄ gidədə́. Ɔ́ŕdə́ ta róbə tītə̄ kə́ kété, āw̄ sedə́ dɔ mu gə̄ kə́ Basan tə́ ō, dɔ nang kə́ Galaad tə́ ō!

JEREMI 10:24

Kɔ́ɔ̄ɓē, ə́ndam̄, banī ādə̄ i kə looneé tá. ī-lōō kəndam̄ kə wōngōó na sōgə́ ī-rāām̄ ādə̄ m̄-to yá̰a̰ alé.

JEREMI 9:15

M-ā m̄-tə̄ndā m̄-tḭ̄ḭ̄də́ kə̄ dan nápar de gə̄ kə́ nin̄ kɔ́ gə̄ gə̄gē, kaadə́ gə̄ gə̄gē, gerə̄n̄də́ aĺ ɓáý tə́ ō, m-ā m̄-ngɔ̄də̄də́ kə kaskaraá bátə́ kadə̄ m̄-tɔ̄l̄də́ təgā ō.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

MATIYE 15:24

Jeju tūr̄ ədadə́ na əlamə̄n̄ i rɔ̄ ngán Israel gə̄ ń i batə̄ kə́ ta tḭ̄ḭ̄ kɔ̄ɔ́ gə̄ ní tə́ ngóy.

JEREMI 50:11

A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

JEREMI 23:15

Anī Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ kə́ dɔ ngé koō ta gə̄ tə́ əda na: M-ā m-ādə̄də́ man̄ ngəra kāgə̄ kə́ katə̄ kárárá ō, man̄ kə́ yḛl kum ō, kadə̄ a̰ȳn̄, tɔdɔ̄ i ngé koō ta kə́ Jerusalem tə́ gə̄ n ndóōn̄ ɓē kə taá malang loo kim̄ Nə́ɓā ní.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

PĀ GƏ̄ 147:3

I ni n i nge sɔl̄ kem ngé gə̄ ń kemdə́ nujə sá sák kɔ̄ɔ́ ní ō, nge kun rɔ̄ tōr̄ yādə́ gə̄ ō ní.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

JEREMI 31:8

M-ā m-ḭ́ḭ sedə́ dɔ nang kə́ mbɔ́r ɓē kə́ ko̰ó̰ tə́ ō, ta ngóy dɔ nang tə́ ō, yā reē kɔsə dɔdə́ naā tə́. A télən̄ yā reē naā tə́ malang kə ngé kum tɔ̄ɔ̄ gə̄ ō, ngé tə́sō motə gə̄ ō, dəyá̰ kə́ ndān̄ ngán gə̄ ō, kó ndōō gə̄ ō adə̄ i kósə de kə́ ngá̰ý gə̄ n a ɔsən̄ dɔdə́ naā tə́ ní.

JEREMI 50:6

Gír deē yāḿ gə̄ télən̄ batə̄ gə̄ kə́ tadə́ tḭ̄ḭ̄. Ngé kul̄də́ gə̄ rāān̄də́ adə̄ ndómə̄n̄, rāān̄də́ adə̄ dáyə̄n̄ kə̄ dɔ mbal̄ gə̄ tə́. Nin̄ ḭḭn̄ dɔ mbal̄ kə́ bo gə̄ tə́ aw̄n̄ dɔ ngán mbal̄ gə̄ tə́, kanjə̄ kadə̄ əga kemdə́ dɔ gong yādə́ gə̄ tə́.

EJEKIEL 20:34

M-ā m̄-teē sesí kɔ̄ɔ́ dan gír de kə́ tayā gə̄ tə́ ō, kem ɓē gə̄ ń ī-tḭ̄ḭ̄ naā tū tə́ ní ō, ba m-ā m-ɔ́sə njasí kə̄ naā tə́. Loo rāā tə́ beé ní, m-ā m-ɔ́jə́sí tɔ́gə́ḿ malang ō, m-ā m̄-bə̄gā wōn̄g yāḿ kə́ ngá̰ý dɔsí tə́ ō.

SOPONI 3:19

Kum mbang ngeé ń noō tə́ ní, de gə̄ malang ń rējə̄n̄sí kə yá̰a̰ rāā kə́ gōtə́ aĺ ní, m-ā m̄-rāādə́ kadə̄ oyn̄. Kum mbang ngeé ń noō tə́ ní, de gə̄ yāsí gə̄ ń əngen̄ do ní, m-ā m̄-ndem̄ ta dodə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-tél yā reē sedə́ gogə́. M-ā m̄-rāā kadə̄ a rɔyn̄sí ō, a gerə̄n̄ rīsí kə̄ kem ɓē gə̄ malang ń əlan̄ rɔ̄sɔl̄ dɔsí tə́ tū tə́ ní tə́ ō.

PĀ GƏ̄ 72:2

Ādə̄ o̰o̰ ɓē dɔ gír deē yāí gə̄ tə́ kə háĺ kə́ gōtə́ ō, dɔ ngé ndoō yāí gə̄ tə́ kə háĺ kə́ súmūú ō.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

EJEKIEL 24:5

Ɔ́y dā̰ ngán batə̄ gə̄ ń i dā̰ kə́ ngəra aĺ ní ō, ī-ɓōkə́ kə̄ngā gə̄ gíŕ jóó ō, ba ə̄ndā horó malang ādə̄ nēgə́ dul dul. Ādə̄ kə̄ngā gə̄ gə̄gē a ndīrə̄n̄ ō.

MISE 5:3

Ba ni kə́ ngār ń ədan̄ najə̄ yān kété ní, a ḭḭ yān ō, a tél nge kul̄də́ ō, kə ta kūl̄ tɔ́gə yā Kɔ́ɔ̄ɓēé ō, kə ta kūl̄ ndi kə́ to kɔsə gɔn yā Kɔ́ɔ̄ɓē Nə́ɓā yān ō. De gə̄ kə́ dan gír deē yān gə̄ tə́ a ndin̄ kanjə̄ sōl̄ yá̰á̰ kógə̄ḿ. Tām̄ tɔ́gən a aw̄ bátə́ yā kugə̄ ta ngóy dɔ nang tə́.

JAKARI 10:3

Wōn̄g rāām̄ kə ngé kul̄ kə́ majaĺ gēé ō, m-ā m̄-rāā yá̰á̰ kógə̄ḿ kə bal bə̄yā̰ gēé ō. A̰á̰ā̰, mā Kɔ́ɔ̄ɓē kə́ bo kə́ tɔ́gən i ngá̰ý, ɓūtə̄ yá̰a̰ kul̄ yāḿ ń i de gə̄ kə́ Juda ní, m-ā m̄-rāā yá̰á̰ kə́ tōr̄ sedə́. M-ā m̄-rāādə́ sə́nda rɔ̄ɔ̄ yāḿ kə́ majə tə́.