EJEKIEL 33:8 - Bibəl ta Sar̄

⁸ Tītə̄ ń toō, i gáŕ kadə̄ m̄-tāā deē kógə̄ḿ kə́ majaĺ m-ə́dan na ni a oy rɔ̄kum. Banī ḭ̄ ī-tāan alé, ī-dəjen kadə̄ tūr̄ hálən alé. Adə̄ deē ní a oy najə̄ yá̰a̰ rāān gə̄ kə́ gōtə́ aĺ tə́, banī mā m-ā m̄-dəjeī ḭ̄ gír yon.

Bible sar

⁸ Tītə̄ ń toō, i gáŕ kadə̄ m̄-tāā deē kógə̄ḿ kə́ majaĺ m-ə́dan na ni a oy rɔ̄kum. Banī ḭ̄ ī-tāan alé, ī-dəjen kadə̄ tūr̄ hálən alé. Adə̄ deē ní a oy najə̄ yá̰a̰ rāān gə̄ kə́ gōtə́ aĺ tə́, banī mā m-ā m̄-dəjeī ḭ̄ gír yon.

EJEKIEL 33:8 Referans Kwoze

EJEKIEL 33:6

Banī yá̰á̰ ń asə kadə̄ a rāā yá̰á̰ ní n toó: Nge kum̄ loo a̰a̰ ngé rɔ̄ɔ̄ yā madə̄ ba̰ā̰ gə̄ loo reē tə́, ba kɔ̄ŕ bərúnjə alé adə̄ kósə de gə̄ i kə́ tāān̄də́ alé. Adə̄ madə̄ ba̰ā̰ reē tɔ̄l̄ deē kógə̄ḿ. Loo ń noō tə́ ní najə̄ i dɔ nge kum̄ loo tə́, adə̄ m-ā m̄-dəjen gír yo deē ní.

EJEKIEL 33:14

Ba ré m̄-tāā de kə́ majaĺ m-ə́dan na ni a oy rɔ̄kum, ba ni əya̰ róbə yān kə́ majaĺ kɔ̄ɔ́ ō, udə kə̄ rɔ̄ ɓōĺ gidə ndū najə̄ tə́ ō, kə̄ rɔ̄ rāā yá̰á̰ kə́ gōtə́ tə́ ō anī, deē ní a oy alé.

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

EJEKIEL 18:20

I deē ń rāā majaĺ ní n sɔɔ̄ kadə̄ ni-oy ní. A əndan̄ ngán gə̄ tām̄ majaĺ yā bɔbə̄də́ gə̄ tə́ aĺ ō, a əndan̄ bɔbə̄ ngán gə̄ tām̄ majaĺ yā ngáńdə́ gə̄ tə́ aĺ ō. Deē ń rāā yá̰á̰ kə́ majə ní, a əndān̄ njan tām̄ yá̰a̰ rāān gə̄ kə́ gōtə́ tə́ ō, deē ń rāā yá̰á̰ kə́ majaĺ ní, a əndanən̄ tām̄ yá̰a̰ rāān kə́ majaĺ tə́ ō.

EJEKIEL 18:18

I bɔbə̄n n rāā yá̰á̰ kə́ gōtə́ aĺ kə madə̄n gēé rāań kumdə́ ndoō tə́ ō, ɓogədə́ ō, rāā de gə̄ kə́ dan gír deē yān gə̄ tə́ yá̰á̰ kə́ majaĺ ō ní. Adə̄ i ni n a oy tām̄ yá̰a̰ rāān gə̄ kə́ gōtə́ aĺ tə́ ní.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

Gōsə̄ najə̄ gə̄ 11:21

Ta tɔ̄l̄ ta anī, nge kem ndul a ndi kanjə̄ kənge ndéy alé, banī a ajən̄ gír kaa yā de kə́ súmūú gə̄.

TA KƏLA 3:4

Lī tél ədan na: Kógə̄ḿ alé! Ā óyiī alé.

KOHELET 8:13

m̄-ger̄ ɓáý to̰ kadə̄ nge kem ndul a ndi majə aĺ ō, a mān̄ tītə̄ ndíl yá̰a̰ beé ō, adə̄ a ənī ndɔ̄n ta madə̄ tə́ kə̄ kété aĺ ō tɔdɔ̄ usən dɔ Nə́ɓā tə́ alé.

TƏ́DA 27:3

Bɔbə̄jí oy kɔ̄ɔ́ kem dəla loo tə́. Ni i dan de gə̄ yā Kore ń əndān̄ tadə́ naā tə́ ba ḭḭn̄ kə Kɔ́ɔ̄ɓēé kə najá ní tə́ alé. Ni-oy i tām̄ majaĺ yān nəkɔ́ tə́, ba ngōnə̄n kə́ dəngam gətóo.

TA KƏLA 2:17

ba ī-lōō kəsa kan̄ kāgə̄ kə́ ré deē əsa anī a ger̄ yá̰á̰ kə́ majə ō, yá̰á̰ kə́ majaĺ ō, tɔdɔ̄ ndɔ̄ ń ā ə́sá tə́ ní, ā óy.

EJEKIEL 3:18

Dan ń m-ā m-ə́da nge rāā majaĺ na: Ā óy rɔ̄kum, ba ré ī-tāān adə̄ tūr̄ hálən ba ndiń kə kumneé alé anī, nge rāā majaĺ ní a oy sɔɔ̄ń yá̰a̰ rāān kə́ gōtə́ aĺ gə̄, banī m-ā m-ə̄ndā najə̄ yon i dɔí ḭ̄ tə́.