EJEKIEL 33:7 - Bibəl ta Sar̄

⁷ Ejekiel, ḭ̄ ngōn̄ deē ní, m-ə̄ndāī nge kum̄ loo tə́ tām̄ yā ngán Israel gə̄ tə́. A ōō najə̄ kɔrə̄ḿ ō, ā ī-tāā ngán Israel gə̄ ādə̄m̄ ō.

Bible sar

⁷ Ejekiel, ḭ̄ ngōn̄ deē ní, m-ə̄ndāī nge kum̄ loo tə́ tām̄ yā ngán *Israel gə̄ tə́. A ōō najə̄ kɔrə̄ḿ ō, ā ī-tāā ngán Israel gə̄ ādə̄m̄ ō.

EJEKIEL 33:7 Referans Kwoze

JEREMI 26:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-ra ndágə loo kə́ gīr̄ gidə kújə yā Kɔ́ɔ̄ɓē tə́, ba ə́da najə̄ gə̄ malang ń m-ə́daī dɔ de gə̄ ń ndin̄ kem ɓē gə̄ kə́ Juda tə́ á ɔsən̄ nodə́ nang tə́ kem kújə yā Kɔ́ɔ̄ɓē tə́ ní, kanjə̄ kɔr̄ kumən kógə̄ḿ kə̄ gogə́.

KƏLA RĀĀ 5:20

Āw̄ ī-raī kem kújə yā Kɔ́ɔ̄ɓē tə́ ba ɔjiī ngán Israel gə̄ najə̄ malang kə́ dɔ ndi kə kumuú ń toō tə́.

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

IJAI 62:6

Jerusalem, m̄-tə́ndā ngé ngɔ̄m̄ loo gə̄ dɔ ndogə̄ mbal̄ yāí gə̄ tə́. Kadaá gē ndɔ̄ɔ́ gē ní, i gáŕ kadə̄ nin̄ a ndin̄ tadə́ mbóo alé. Sḭḭ̄ ngé ngɔ̄m̄ loo gə̄ ń ī-raī kə Kɔ́ɔ̄ɓēé kadə̄ əga kemən dɔ Jerusalem tə́ ní, ī-lōōī kɔr̄ koō.

PĀ KƏ́ MAJƏ 5:7

Ngé ngɔ̄m̄ loo gə̄ ń njə̄rān̄ a gīrə̄n̄ gidə ɓē ní əngemən̄. Nin̄ əndamə̄n̄ ō, adə̄mə̄n̄ do ō. Nin̄ ɔrə̄n̄ kūbə̄ ń m̄-seĺ dɔḿ tə́ ní kɔ̄ɔ́.

EPEJƏ 4:11

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.

1 KORḚNTƏ 15:3

Yá̰á̰ ń m-ɔ́jə́sí ta kəga dɔ no yá̰á̰ gə̄ tə́ malang ní, i yá̰á̰ ń ɔjəmə̄n̄ mā kə̄ kété ō ní. Ɔjəmə̄n̄ kadə̄ Kərist oy tām̄ majaĺ yājí tə́, i kə gō najə̄ ń ndangən̄ kem makətūbə̄ yā Nə́ɓā tə́ ní.

1 KORḚNTƏ 11:23

Tɔdɔ̄ yá̰á̰ ń Kɔ́ɔ̄ɓē ɔjəm̄ mā á mā m-ɔ́jə́sí kə̄ kété ní n toó: Ndɔ̄ɔ́ ndɔ̄ ń a əlan̄neé Kɔ́ɔ̄ɓē Jeju jī de gə̄ tə́ ní, ni-un mápa,

KƏLA RĀĀ 20:20

Sḭḭ̄ ī-gerī kadə̄ mā m̄-ɓɔ̄ɔ̄sí dɔ yá̰á̰ kógə̄ḿ kə́ kadə̄ rāā majə sesí alé: M-ə́dásí yá̰a̰ malang ō, m-ɔ́jə́sí yá̰a̰ malang ō, i ndágə loo gə̄ tə́ ō, i kem kújə gə̄ tə́ ō.

MISE 7:4

De kə́ dandə́ tə́ kə́ majə tɔȳ gotə́ gə̄, to i tītə̄ mu kə́ ndo̰ō̰ kə́ to dɔ naā tə́ bing beé ō, majaĺ tɔȳ túpə kō̰n̄ ō. Ndɔ̄ kə́ yā kəndańsí tām̄ yá̰a̰ rāāsí kə́ gōtə́ aĺ tə́ n toó. Ngé ngɔ̄m̄ loo yāsí gə̄ ń i ngé koō ta gə̄ ní, ədan̄sí najə̄n kété. Sḭḭ̄ ə́laī gír ndi kə ɓōló kɔ̄ɔ́ ɓá.

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

JEREMI 23:28

Ādə̄ nge koō ta ń nī rāān ní, ənī gotə nī yān ní, ba ādə̄ deē ń m-ə̄ndā najə̄ yāḿ tan tə́ ní, ənī mbēr̄ dɔ ngarā̰ kum najə̄ ní tə́ kə ndū boó. Kádə́ yá̰á̰ ō, kumən ō ton̄ tītə̄ naā a? Najə̄ ń Kɔ́ɔ̄ɓē əda ní n noó.

JEREMI 6:27

M-ə̄ndāī kadə̄ ḭ̄ i nge nāā gír deē yāḿ gə̄ ō, kadə̄ ḭ̄ i tītə̄ kújə kə ngan̄g ngá̰ý ō, m-ə̄ndāī kadə̄ ḭ̄ i yá̰á̰ kə́ ngan̄g kə́ nge nāā gír deē yāḿ gə̄ ō, nge kəndā ma̰ȳ háĺdə́ ō, nge ger̄ háĺdə́ ō.

PĀ KƏ́ MAJƏ 3:3

Ngé ngɔ̄m̄ loo gə̄ ń njə̄rā a gīrə̄n̄ gidə ɓē ní əngemə̄n̄, m̄-dəjedə́ na: Nge ń kemḿ gḛyn ní á̰a̰niī a?

2 YÁ̰A̰ GƏ̄ 19:10

Kə dɔ reē ngákó̰ó̰sí gə̄ ń ḭḭn̄ kə̄ kem ɓē yādə́ gə̄ tə́ a reēn̄ kə najə̄ yādə́ gēé nosí tə́ noō, ká i najə̄ kə́ dɔ tɔ̄l̄ deē tə́, aké i kə́ dɔ ndū najə̄ tə́, aké i kə́ dɔ yá̰a̰ gə̄ ń ī-ndang kadə̄ yā rāā gə̄ ní tə́, aké i kə́ dɔ yá̰a̰ kāgə̄ ɓē tə́ anī, ī-ndóōīdə́ ādə̄ gerə̄n̄, na sōgə́ rāān̄ yá̰á̰ kə́ majaĺ kə Kɔ́ɔ̄ɓē kadə̄ najə̄ i dɔdə́ tə́. Loo ń noō tə́ wōn̄g a rāā Kɔ́ɔ̄ɓē sesí aĺ ō, wōn̄g a rāān kə ngákó̰ó̰sí gēé aĺ ō. Ī-rāāī tītə̄ ń noō anī najə̄ a əsō dɔsí tə́ alé.

1 MBAN̄G GƏ̄ 22:14

Anī Mise tél əda na: Tītə̄ ń Kɔ́ɔ̄ɓē ndiń kə kumneé noō, i yá̰á̰ ń Kɔ́ɔ̄ɓē a ədam̄ ní n m-ā m-ə́dá ní!

IJAI 21:11

Najə̄ yā Duma. De kógə̄ḿ ra Seir əga kɔŕ adə̄ m-ōō ndūn, ni ədam̄ na: Nge ngɔ̄m̄ loo, ə́da na i rí dɔ loo kə́ ndɔ̄ɔ́ tə́? Nge ngɔ̄m̄ loo, ə́da na i rí dɔ loo kə́ ndɔ̄ɔ́ tə́?

HABAKUK 2:1

Mā m̄-ndigə ra loo ngɔ̄m̄ loo ń əndāmə̄n̄ tū tə́ ní tə́. M-ā m̄-ra kə njaḿ dɔɔ́ dɔ ndogə̄ mbal̄ kə́ yā rɔ̄ɔ̄ń dɔ ɓē tə́ tə́. M-ā m̄-ngóō yā ger̄ yá̰á̰ ń Nə́ɓā a ədam̄ ní ō, yā ger̄ loo dal ń ni a dal nōō rɔ̄ yāḿ gə̄ ní ō.