EJEKIEL 33:4 - Bibəl ta Sar̄

⁴ Tītə̄ ń toō: Ré deē kógə̄ḿ oō kōō bərúnjə, ba tāā ń tāānən̄ ní usən dɔ tə́ alé, adə̄ madə̄ ba̰ā̰ reē ugə̄ ba tɔ̄lə̄n anī, najə̄ yo deē ń noō i dɔn nəkɔ́ tə́.

Bible sar

⁴ Tītə̄ ń toō: Ré deē kógə̄ḿ oō kōō bərúnjə, ba tāā ń tāānən̄ ní usən dɔ tə́ alé, adə̄ madə̄ ba̰ā̰ reē ugə̄ ba tɔ̄lə̄n anī, najə̄ yo deē ń noō i dɔn nəkɔ́ tə́.

EJEKIEL 33:4 Referans Kwoze

EJEKIEL 18:13

Ni-adə̄ nar yān loo tə̄nā tə́ yā kəngeń manə̄n dɔ tə́ ō, yā kəngeń yá̰á̰ gírí ō. Ngōn̄ ń noō ní a ndi kə kumneé a? Rɔ̄kum, a ndi kə kumneé alé! Yá̰á̰ kə́ majaĺ ngá̰ý gə̄ malang ń noō ni-rāādə́. Adə̄ ni a oy ō, najə̄ yon a tél yā kəsō i dɔn nəkɔ́ tə́ ō.

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

EJEKIEL 33:9

Ba ré ḭ̄ ī-tāā de kə́ majaĺ ní, ī-dəjen kadə̄ tūr̄ hálən, banī ni-rāā nge ń noō alé. Anī deē ngeé ń noō a oy najə̄ yá̰a̰ rāān gə̄ kə́ gōtə́ aĺ tə́, banī ḭ̄ ā ájə rɔ̄í.

JEREMI 6:17

m̄-ɓāŕ ngé ngɔ̄m̄ loo gə̄ kadə̄ əndān̄ kumdə́ gíŕsí tə́. Ī-nēlī mbīsí majə ōōneé kōō tōw̄. Ba nin̄ ədan̄ na: J-a jə-nēl̄ mbījí alé.

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

EJEKIEL 33:5

Ni oō kōō bərúnjə, ba usən dɔ tāā ń tāānən̄ tə́ ní alé. Adə̄ najə̄ yon i dɔn nəkɔ́ tə́. Ré usən i dɔ tə́ anī, loo kə́ beē tə́ ni a ajə rɔ̄n.

JAKƏ 1:22

Ī-rāāī yá̰a̰ kə gō najə̄ ní, ba ī-lōōī koō kə mbīsí ngóy. Tɔdɔ̄ ré ā ī-rāāī i beé anī, ā ī-gólī i rɔ̄sí sḭḭ̄ kɔ́ gə̄.

KƏLA RĀĀ 20:26

Adə̄ m-ə́dásí wáńg ɓōólaā: Ré deē kógə̄ḿ kə́ dansí tə́ tḭ̄ḭ̄ ta rɔ̄n anī najə̄n i dɔḿ tə́ alé.

Gōsə̄ najə̄ gə̄ 29:1

Deē ń ndán̄gnən̄ ba dum̄ naā ní, a tétə̄n̄ kə̄ngōn̄ rárák gidə kógə̄ḿ ō, a gətóo ō!

1 MBAN̄G GƏ̄ 2:37

Ndɔ̄ ń ā ī-teē tə́, adə̄ ī-teē wól man̄ Sedəron kə̄ gidə kə́rēý tə́ anī ā óý ní m-ə́daī m-ādə̄ gān̄g. Mósí a tél yā kəsō i dɔí īkɔ́ tə́.

2 SAMUEL 1:16

Dabid əda Amalek ní na: Ādə̄ mósí i dɔí īkɔ́ tə́, tɔdɔ̄ īkɔ́ ī-gān̄g sarya dɔ rɔ̄í īkɔ́ tə́ ə́da na mban̄g ń Kɔ́ɔ̄ɓē ur yibə̄ dɔn tə́ gə̄rānneé ní i ḭ̄ n na ī-tɔ̄lə̄n ní.

LEBI GƏ̄ 20:9

Adə̄ ré dəngam tájə̄ bɔbə̄n aláa kó̰o̰n anī, a tɔ̄l̄nən̄ kɔ̄ɔ́. Ni-tájə̄ bɔbə̄n ō, kó̰o̰n ō ní, mósən a na̰y i dɔn nəkɔ́ tə́.

JEREMI 25:3

Əla gír kem ɓāl̄ kə́ nge ko̰ kutə gidə i mətá ń Josias ngōn̄ Amon ndiń mban̄g dɔ ɓē kə́ Juda tə́ bátə́ ɓōólaā, adə̄ i kem ɓāl̄ kutə jōó gidə i mətá tə́ ní, Kɔ́ɔ̄ɓē ɔr̄ najə̄ seḿ ō, m̄-to dan kɔr̄ najə̄ sesí ō, banī sḭḭ̄ ōōī najə̄ ń m-ɔ̄r̄ ní alé.