EJEKIEL 33:16 - Bibəl ta Sar̄

¹⁶ Yá̰á̰ kə́ gōtə́ aĺ gə̄ ń ni-rāā kété ní, deē a tə́da aĺ ō, ni a ndi kə kumneé tɔdɔ̄ ni ɓōĺ gidə ndū najə̄ gə̄ ō, ni ɓōĺ gidə rāā yá̰á̰ kə́ gōtə́ ō.

Bible sar

¹⁶ Yá̰á̰ kə́ gōtə́ aĺ gə̄ ń ni-rāā kété ní, deē a tə́da aĺ ō, ni a ndi kə kumneé tɔdɔ̄ ni ɓōĺ gidə *ndū najə̄ gə̄ ō, ni ɓōĺ gidə rāā yá̰á̰ kə́ gōtə́ ō.

EJEKIEL 33:16 Referans Kwoze

EJEKIEL 18:22

Yá̰a̰ malang kə́ gōtə́ aĺ ń ni-rāā ní, dɔdə́ a ndígə̄nal dɔ tə́ kɔ̄ɔ́ ō, ni a ndi kə kumneé sɔɔ̄ń yá̰á̰ kə́ majə ń ni-rāā ní ō.

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

IJAI 44:22

m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

Makətūbə̄ ń Pol ndang adə̄ Rom gə̄ ní 5:16

Yá̰á̰ kə́ teē loo kadə̄ karī yā Nə́ɓā tə́ ō, kə́ loo rāā majaĺ yā de kə́ kal kógə̄ḿ beé tə́ ō, a asən̄ naā i ba̰ý? Tɔdɔ̄ sarya rāā majaĺ yā de kə́ kal kógə̄ḿ beē ń toō a teē i yo. Ba yá̰á̰ ń Nə́ɓā adə̄ de gə̄ karī gō majaĺ yādə́ gə̄ kə́ rāān̄ nja ngá̰ý gə̄ tə́ ní, i kadə̄ nin̄-télən̄ de kə́ súmūú gə̄.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

EJEKIEL 33:17

Ngán Israel gə̄ ədan̄ na: Loo rāā yá̰a̰ yā Kɔ́ɔ̄ɓē na majə alé. Banī i loo rāā yá̰a̰ yādə́ nin̄ n i kə́ majaĺ ní!

PĀ GƏ̄ 103:9

Ni kɔ̄l̄ kə dɔ ndɔ̄ gə̄ aĺ ō, əhɔ deē kemən tə́ bátə́ kə̄ non tə́ aĺ ō.

EJEKIEL 20:11

M-ādə̄də́ ndū najə̄ yāḿ gə̄ ō, jī bēl̄ loo rāā yá̰a̰ yāḿ gə̄ ń deē un gō anī a ndi kə kumneé ní, m-ɔ́jə́də́ adə̄ gerə̄n̄ ō.