EJEKIEL 33:12 - Bibəl ta Sar̄

¹² Ba ḭ̄ ngōn̄ deē, de gə̄ kə́ dan gír deē yāí gə̄ tə́ ní, ə́dádə́ yá̰á̰ ń toō ɓáý to̰: Ré de kə́ nge rāā yá̰á̰ kə́ gōtə́ ḭḭ rāā yá̰á̰ kə́ majaĺ ndɔ̄ kə́rēý tə́ anī, yá̰á̰ kə́ majə ń ni-rāā kété ní, a ajən alé. Ré deē kógə̄ḿ kə́ majaĺ əya̰ róbə yān kə́ majaĺ ndɔ̄ kə́rēý tə́ anī, yá̰á̰ kə́ majaĺ ń ni-rāā kété ní, a rāā kadə̄ tan a tḭ̄ḭ̄ alé. Adə̄ háĺ kə́ majə yā de kə́ gōtə́ a rāā kadə̄ ni a ndi kə kumneé, ndɔ̄ ń ni a rāań yá̰á̰ kə́ majaĺ tə́ ní alé.

Bible sar

¹² Ba ḭ̄ ngōn̄ deē, de gə̄ kə́ dan gír deē yāí gə̄ tə́ ní, ə́dádə́ yá̰á̰ ń toō ɓáý to̰: Ré de kə́ nge rāā yá̰á̰ kə́ gōtə́ ḭḭ rāā yá̰á̰ kə́ majaĺ ndɔ̄ kə́rēý tə́ anī, yá̰á̰ kə́ majə ń ni-rāā kété ní, a ajən alé. Ré deē kógə̄ḿ kə́ majaĺ əya̰ róbə yān kə́ majaĺ ndɔ̄ kə́rēý tə́ anī, yá̰á̰ kə́ majaĺ ń ni-rāā kété ní, a rāā kadə̄ tan a tḭ̄ḭ̄ alé. Adə̄ háĺ kə́ majə yā de kə́ gōtə́ a rāā kadə̄ ni a ndi kə kumneé, ndɔ̄ ń ni a rāań yá̰á̰ kə́ majaĺ tə́ ní alé.

EJEKIEL 33:12 Referans Kwoze

2 YÁ̰A̰ GƏ̄ 7:14

ba ré gír deē yāḿ gə̄ ń m-ə̄ndā rīḿ dɔdə́ tə́ ní télən̄ kə rɔ̄də́ kə̄ nang tə́ ō, ndɔ̄ȳmə̄n̄ ō, sāāmə̄n̄ ō, lōōn̄ gíŕ háĺdə́ kə́ majaĺ gə̄ tə́ ō anī, mā m-ā m̄-nēl̄ mbīḿ dɔ rā̰ tə́ yā koōń ndūdə́. M-ā m̄-mā̰ȳ rɔ̄ḿ dɔ majaĺ yādə́ tə́ ō, m-ā m̄-rāā kadə̄ ɓē yādə́ ndi kə lápə́yaá ō.

Makətūbə̄ ń Pol ndang adə̄ Rom gə̄ ní 3:25

I Jeju ngeé ń toō n Nə́ɓā əndān nojí tə́ tām̄ kadə̄ ni-tél yá̰á̰ kə́ tun̄ kɔrə̄ń majaĺ ní. Ni-adə̄ mósən nəkɔ́ tām̄ yā ngé gə̄ ń taān̄ kem tə́ ní. Nə́ɓā əhɔ gír majaĺ kə́ kété jóo gə̄ to̰ alé, yā kɔjəń kadə̄ ni i de kə́ gōtə́.

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

EJEKIEL 33:2

Ḭ̄ ngōn̄ deē, loo ń ré m̄-rāā adə̄ rɔ̄ɔ̄ reē dɔ ɓē kógə̄ḿ tə́ anī, ī-ter̄ kem ngán Israel gə̄ dɔ yá̰á̰ ń rāā yá̰á̰ tə́ ní. De kə́ kem ɓē ní tə́ gə̄ gə̄rān̄ deē kógə̄ḿ kə́ dandə́ tə́ kadə̄ ni i nge kum̄ loo.

EJEKIEL 18:21

Yá̰á̰ ń asə kadə̄ a rāā yá̰á̰ ní n toó: Ré de kə́ majaĺ tūr̄ gidən ta yá̰a̰ rāān gə̄ kə́ gōtə́ aĺ gə̄ tə́ kɔ̄ɔ́ malang, ba rāā yá̰a̰ malang ń m-ə́da kadə̄ yā rāā ní ō, ɓōĺ ndū najə̄ gə̄ ō, rāā yá̰á̰ kə́ gōtə́ ō anī, rɔ̄kum ni a ndi kə kumneé banī ni a oy alé.

EJEKIEL 3:18

Dan ń m-ā m-ə́da nge rāā majaĺ na: Ā óy rɔ̄kum, ba ré ī-tāān adə̄ tūr̄ hálən ba ndiń kə kumneé alé anī, nge rāā majaĺ ní a oy sɔɔ̄ń yá̰a̰ rāān kə́ gōtə́ aĺ gə̄, banī m-ā m-ə̄ndā najə̄ yon i dɔí ḭ̄ tə́.

EJEKIEL 33:20

Loo ń noō tə́ sḭḭ̄ Israel gə̄ ə́daī na: Loo rāā yá̰a̰ yā Kɔ́ɔ̄ɓē na majə alé. I beé ní, majə kadə̄ ī-gerī kadə̄ m-ā m̄-rāā sarya sesí kógə̄ḿ kógə̄ḿ i kə gō háĺsí gēé.

JEREMI 18:8

Ba ré nápar de gə̄ ń m-ɔ̄r̄ najə̄ sɔɔ̄ dɔdə́ ní lōōn̄ gír rāā yá̰á̰ kə́ majaĺ tə́ anī, m-ā m̄-lōō gíŕ yá̰á̰ ń m̄-gír̄ ra sedə́ tə́ ní.

JEREMI 18:10

Banī ré nin̄ rāān̄ yá̰á̰ kə́ majaĺ ń m̄-mbātə́ kɔ̄ɔ́ ní kanjə̄ kadə̄ oōn̄ najə̄ yāḿ anī, m-ā m̄-lōō gír rāā yá̰á̰ kə́ majə ń m-ɔ́jə rāā sedə́ tə́ ní.