EJEKIEL 33:10 - Bibəl ta Sar̄

¹⁰ Ḭ̄ ngōn̄ deē, ə́dá ngán Israel gə̄ na: Sḭḭ̄ ɔ̄rī najə̄ i beé, ə́daī na: Yá̰a̰ rāājí kə́ gōtə́ aĺ gə̄ ō, mān̄ dɔ ndū najə̄ gə̄ yā Nə́ɓā yājí ō, ɔyn̄jí. Nin̄ taān̄ tɔ́gə́jí kɔ̄ɔ́. Ní, j-a jə-rāā i ba̰ý n j-a j-asəń ndi kə kumjí ní?

Bible sar

¹⁰ Ḭ̄ ngōn̄ deē, ə́dá ngán *Israel gə̄ na: Sḭḭ̄ ɔ̄rī najə̄ i beé, ə́daī na: Yá̰a̰ rāājí kə́ gōtə́ aĺ gə̄ ō, mān̄ dɔ *ndū najə̄ gə̄ yā Nə́ɓā yājí ō, ɔyn̄jí. Nin̄ taān̄ tɔ́gə́jí kɔ̄ɔ́. Ní, j-a jə-rāā i ba̰ý n j-a j-asəń ndi kə kumjí ní?

EJEKIEL 33:10 Referans Kwoze

EJEKIEL 37:11

Gō tə́ anī Kɔ́ɔ̄ɓē ədam̄ na: Ḭ̄ ngōn̄ deē, ōō! Kə̄ngā gə̄ ń noō ní ɔsən̄ i kum gotə ngáń Israel gə̄ malang. Israel gə̄ ədan̄ na: Jə-to tītə̄ kə̄ngā kə́ tutə gə̄ beé, kəndā kem dɔ tə́ yājí oy kɔ̄ɔ́, tají tḭ̄ḭ̄ kɔ̄ɔ́!

EJEKIEL 24:23

Ta kūbə̄ ń ə́ndaīń dɔsí ní a to dɔsí tə́ beé ō, sākə̄rā yāsí gə̄ ī-tə́laī njasí tə́ ní, a ton̄ njasí tə́ beē ō, ā ī-nōōī rɔ̄sí aĺ ō, ā ī-nōōī kə man̄ kumsí aĺ ō.

IJAI 49:14

Kété ní Siyo̰ əda na: Kɔ́ɔ̄ɓē əya̰m̄ kɔ̄ɔ́, dɔ Kɔ́ɔ̄ɓē ndígə̄naləḿ kɔ̄ɔ́.

EJEKIEL 4:17

Yá̰a̰ kəsa ō, man̄ ō a gətóon̄. Adə̄ jī de gə̄ a ur̄ wak kɔ̄ɔ́ ō, tɔ́gə́də́ a gətóo sɔɔ̄ń yá̰a̰ rāādə́ kə́ gōtə́ aĺ gə̄ ō.

LEBI GƏ̄ 26:39

De kə́ dansí tə́ gə̄ ń a ndin̄ kə kumdə́ kem ɓē yā madə̄ ba̰ā̰sí gə̄ tə́ ní, tɔ́gə́də́ a gətóo sɔɔ̄ń dɔ majaĺ yādə́ gə̄ ō, yā bɔbə̄də́ gə̄ ō, yā kaadə́ gə̄ ō.

JEREMI 2:25

Ī-dəba aĺ anī, ā ī-tél de kə́ nge njə̄rā da njan karī ō, kem míndí a tutə ō. Banī ə́da na: Yá̰á̰ kə́ yā rāā to̰ gətóo! Nelə̄m̄ kə mbā gēé ō, m̄-ndigə ngɔ̄də̄ gōdə́ tə́ ō.

IJAI 51:20

Ngání gə̄ ton̄ nang tə́ bəlim bəlim kíĺ róbə kɔsə gə̄ tə́ malang. Nin̄ ton̄ loo ń noō tə́, tɔ́gə́də́ gətóo, tītə̄ jal̄ gə̄ kə́ gūmbə̄ əhɔdə́. Nə́ɓā yāí əndadə́ kə ndéy ɓōĺ kə́ ni-əla kemdə́ tə́.

PĀ GƏ̄ 130:7

Israel, ə̄ndā kemií dɔ Kɔ́ɔ̄ɓē tə́ tɔdɔ̄ ni i nge kem majə. Ta róbə gə̄ kə́ kadə̄ ni gāngəń dɔí i ngá̰ý.

LEBI GƏ̄ 26:16

yá̰á̰ ń m-ā m̄-rāā sesí ní n toó: M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄.

2 YÁ̰A̰ GƏ̄ 34:24

najə̄ ń Kɔ́ɔ̄ɓē əda ní n toó: M-ā m̄-reē kə yá̰á̰ kə́ to kum kaȳ aĺ dɔ ɓē kə́ Jerusalem tə́ ō, dɔ de kə́ kemeé gə̄ tə́ ō. Tām̄ m-ā m̄-rāā kadə̄ ndɔ̄ĺ gə̄ malang ń ndangən̄ kem makətūbə̄ ń tə́dan̄ ta kum mban̄g kə́ Juda tə́ ní rāān̄ yá̰a̰.

ESDRAS 9:15

Kɔ́ɔ̄ɓē, Nə́ɓā yā Israel, ḭ̄ i de kə́ sew, tɔdɔ̄ ɓōólaā jḭḭ i gotə de gə̄ kə́ teēn̄ ta yo tə́ gə̄. Jḭḭ ní n jə-ra ta kumií tə́ kə majaĺ yājí gēé toō. Tá ré i kə gō gēé ɓáa deē asə ra ta kumií tə́ kə majaĺ gēé dɔn tə́ alé.

EJEKIEL 18:19

Sḭḭ̄ ī-dəjeī najə̄ ə́daī na ké i tām̄ rī tə́ áké ngōn̄ ətō ndə̄tō yá̰á̰ kə́ gōtə́ aĺ ń bɔbə̄n rāā ní alé ní wa. I tɔdɔ̄ ni ɓōĺ ndū najə̄ gə̄ ō, rāā yá̰á̰ kə́ gōtə́ ō. Yá̰a̰ malang ń m-ə́da kadə̄ yā rāā ní, ni oō taḿ ba rāādə́ rɔ̄kum. Adə̄ ni a ndi kə kumneé tām̄ yā nge ń noō tə́.