EJEKIEL 32:8 - Bibəl ta Sar̄

⁸ Yá̰á̰ kə́ unjə̄ kow gə̄ malang kə́ dɔ rā̰ tə́ ní, m-ā m̄-rāādə́ yā kadə̄ nin̄ a télən̄ yā tetə ndul najə̄ yāí ḭ̄ tə́ ō, m-ā m̄-rāā kadə̄ ɓē yāí a ndi tilií ō. I mā Kɔ́ɔ̄ɓē Nə́ɓā n m-ə́da najə̄ ń noō ní.

Bible sar

⁸ Yá̰á̰ kə́ unjə̄ kow gə̄ malang kə́ dɔ rā̰ tə́ ní, m-ā m̄-rāādə́ yā kadə̄ nin̄ a télən̄ yā tetə ndul najə̄ yāí ḭ̄ tə́ ō, m-ā m̄-rāā kadə̄ ɓē yāí a ndi tilií ō. I mā Kɔ́ɔ̄ɓē Nə́ɓā n m-ə́da najə̄ ń noō ní.

EJEKIEL 32:8 Referans Kwoze

TA KƏLA 1:14

Nə́ɓā əda ɓáý to̰ na kadə̄ yá̰á̰ kə́ ndə́lē gə̄ kə ton̄ no rā̰ tə́ yā kɔrə̄ń nin̄ loo kə́ kadaá naā tə́ kə loo kə́ ndɔ̄ɔ́, yā kɔjəń nāā gə̄ ō, ndɔ̄ gə̄ ō, ɓāl̄ gə̄ ō,

Gōsə̄ najə̄ gə̄ 20:20

Deē ń ndɔ̄ĺ bɔbə̄n aláa kó̰o̰n ní, hor lámba yān a oy kum loo kə́ risə til tə́.

Makətūbə̄ yā Job 9:7

Ni-əda kadə̄ mbang əɓa alé, anī mbang əɓa aĺ ō, ni utə̄ ta tə́yō̰ gə̄ kə lakélé ō.

KOHELET 12:2

Kum mbang ngeé ń noō tə́ ní, mbang ndə́lē aĺ ō, nāā ndaa aĺ ō, tə́yō̰ gə̄ unjə̄n̄ aĺ ō, kil̄ man̄ gə̄ tél ilə̄n̄ gogə́ gō man̄ kə́ edə tə́ ō.

IJAI 34:4

Ɓūtə̄ tə́yō̰ gə̄ malang tə́sōn̄, gájə́də́ gə̄ i dūbú. Dɔ rā̰ ɓír̄ rɔ̄n gidə naā tə́ tītə̄ makətūbə̄ beé. Yá̰á̰ kə́ dɔ rā̰ tə́ gə̄ malang urə̄n̄ tītə̄ mbī kāgə̄ nduú aláa mbī kāgə̄ kótə̄ kə́ tutə beé.

JOEL 2:10

Dɔ nang ndebə ō, dɔ rā̰ yéȳ ō. Mbang nin̄ kə nāá ō udən̄ tilií ō. Tə́yō̰ gə̄ unjə̄n̄ to̰ aĺ ō kété nodə́ tə́.

JAKARI 14:6

Ndɔ̄ ngeé ń noō tə́ ní, deē a sāā nja loo kə́ unjə̄ kow to̰ alé. Kūl̄ a o̰o̰ to̰ aĺ ō, kūl̄ a rāā man̄ kadə̄ a tél kɔ̄sə̄ to̰ aĺ ō.

Teē Ngán Israel gə̄ 10:22

Moijə əla jīn kə̄ dɔɔ́, anī loo risə til nding dɔ nang kə́ Ejiptə tə́ ndɔ̄ mətá.

IJAI 13:10

Tə́yō̰ kə́ dɔ rā̰ tə́ gə̄ ō, ɓūtə̄ tə́yō̰ gə̄ ō ní, a nujən̄ to̰ alé. Dan ń mbang a əɓa lap anī, a tetə ndul kɔ̄ɔ́ ō, nāā a ndaa to̰ aĺ ō.