EJEKIEL 32:7 - Bibəl ta Sar̄

⁷ Dan ń ā ī-ndi kə kumií to̰ aĺ ní, m-ā m-ūtə̄ gidə dɔ rā̰ kə kūbə̄ kógə̄ḿ ō, tə́yō̰ gə̄ a ndulən̄ ō. M-ā m-ūtə̄ gidə mbang kə kil̄ maná ō, nāā a ndaa aĺ ō.

Bible sar

⁷ Dan ń ā ī-ndi kə kumií to̰ aĺ ní, m-ā m-ūtə̄ gidə dɔ rā̰ kə kūbə̄ kógə̄ḿ ō, tə́yō̰ gə̄ a ndulən̄ ō. M-ā m-ūtə̄ gidə mbang kə kil̄ maná ō, nāā a ndaa aĺ ō.

EJEKIEL 32:7 Referans Kwoze

MATIYE 24:29

Sḛ́ý gō wur kɔl gə̄ kə́ kem ndɔ̄ gə̄ ngeé ń noō tə́ anī, mbang a ndul ō, nāā a ndaa to̰ aĺ ō, tə́yō̰ kə́ dɔ rā̰ tə́ gə̄ a tə́sōn̄ dɔ nang tə́ ō, ngé tɔ́gə́ kə́ dɔ rā̰ tə́ gə̄ a ndewn̄ ō.

JOEL 2:2

I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.

EJEKIEL 30:3

A̰á̰ā̰, ndɔ̄ yā Kɔ́ɔ̄ɓē a reē noó, dɔ to ngɔr ngá̰ý. I ndɔ̄ kə́ kil̄ man̄ a ndul ndí ndḭ́. I kum mbang ń a gāngə̄nəń sarya dɔ nápar de gə̄ tə́ ní.

IJAI 34:4

Ɓūtə̄ tə́yō̰ gə̄ malang tə́sōn̄, gájə́də́ gə̄ i dūbú. Dɔ rā̰ ɓír̄ rɔ̄n gidə naā tə́ tītə̄ makətūbə̄ beé. Yá̰á̰ kə́ dɔ rā̰ tə́ gə̄ malang urə̄n̄ tītə̄ mbī kāgə̄ nduú aláa mbī kāgə̄ kótə̄ kə́ tutə beé.

IJAI 13:10

Tə́yō̰ kə́ dɔ rā̰ tə́ gə̄ ō, ɓūtə̄ tə́yō̰ gə̄ ō ní, a nujən̄ to̰ alé. Dan ń mbang a əɓa lap anī, a tetə ndul kɔ̄ɔ́ ō, nāā a ndaa to̰ aĺ ō.

JEJU TEĒ KUM JA̰A̰ 8:12

De kə́ dɔ rā̰ tə́ kə́ nge ko̰ sɔ́ kɔ̄ŕ bərúnjə, anī mbang ń gángə̄n̄ gír loo mətá ō, nāā ń gángə̄n̄ gír loo mətá ō, ɓūtə̄ tə́yō̰ gə̄ ń gángə̄n̄də́ gír loo mətá ō ní, gíŕdə́ kə́ ko̰ mətá gə̄ tetən̄ ndul malang. Adə̄ ré gángə̄n̄ loo kə́ kadaá gír loo mətá anī, gírən kə́ ko̰ mətá tetə ndul ō, ré gángə̄n̄ loo kə́ ndɔ̄ɔ́ gír loo mətá anī, gírən kə́ ko̰ mətá tetə ndul ō.

MARK 13:24

Banī kem ndɔ̄ gə̄ ngeé ń noō tə́ ní, gō wur kɔl ń noō tə́ ní, mbang a ndul ō, nāā a ndaa to̰ aĺ ō,

AMOS 8:9

Najə̄ ń Kɔ́ɔ̄ɓē Nə́ɓā əda ní n toó: Ndɔ̄ ngeé ń noō tə́ ní, m-ā m̄-rāā kadə̄ mbang udə dan kadə ndaá ō, loo ndul dɔ nang tə́ dan kadə ndaá ō.

EJEKIEL 30:18

Dan ń m-ā m̄-tetə tɔ́gə ɓē kə́ Ejiptə kɔ̄ɔ́, adə̄ tɔ́gən ń a ɔjəń rɔ̄n ní gətóo kɔ̄ɔ́ anī, mbang a əɓa dɔ ɓē kə́ Tapanes tə́ alé. Kil̄ man̄ kə́ ndul ndí ndḭ́ a utə̄ dɔ ɓē kɔ̄ɔ́ ō, a ɔyn̄ de gə̄ ń ndin̄ gō nang kə́ kadə tə́ gə̄ ní yā kaw̄ sedə́ dɔ ɓē kə́ rang tə́ dɔ gúú tə́.

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

Gōsə̄ najə̄ gə̄ 13:9

Ta kum de kə́ súmūú a ndə́lē tītə̄ loo kə́ unjə̄ kow beē, ba nge kem ndul tél to tītə̄ lámbá kə́ hor oy kemeé kɔ̄ɔ́ beē.

Najə̄ kə́ Majə yā Jeju ń Luk ndang ní 21:25

Yá̰á̰ kə́ yáā gə̄ ō, kə́ yā kɔjəń dɔ yá̰a̰ gə̄ ń a reēn̄ ní ō, a teēn̄ kum mbang tə́ ō, kum nāā tə́ ō, kum tə́yō̰ gə̄ tə́ ō. Adə̄ dɔ nang tə́ ní, kem gíŕ nápar de gə̄ a tetə man̄ ō, a sōlə̄n̄ kekəre tām̄ yā kōō bā bo kə́ a ɓār̄ tə́ ō, tām̄ yā bəngál bā bo tə́ ō.

Makətūbə̄ yā Job 9:7

Ni-əda kadə̄ mbang əɓa alé, anī mbang əɓa aĺ ō, ni utə̄ ta tə́yō̰ gə̄ kə lakélé ō.

KOHELET 12:2

Kum mbang ngeé ń noō tə́ ní, mbang ndə́lē aĺ ō, nāā ndaa aĺ ō, tə́yō̰ gə̄ unjə̄n̄ aĺ ō, kil̄ man̄ gə̄ tél ilə̄n̄ gogə́ gō man̄ kə́ edə tə́ ō.

EJEKIEL 31:15

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń kāgə̄ sedər a aw̄ń ɓádá ní, m-ā m̄-rāā kadə̄ yá̰a̰ malang ń jī deē rāā aĺ ní əhɔ ndoō. M-ā m-ɔ̄gə̄ man̄ kə́ bo kə́ gíŕ nángāá nūgə́ najə̄ yān tə́ ō, m-ā m̄-dəba bā yān gə̄ ō, m-ā m-ə́hɔ man̄ kə́ ngá̰ý gotə kógə̄ḿ ō. Mbal̄ gə̄ kə́ Liban tə́ a ndulən̄ najə̄ yān ni tə́ ō, kāgə̄ malang kə́ bembeé a tutən̄ ō.

EJEKIEL 34:12

Loo ń ré nge ngɔ̄m̄ yá̰a̰ kul̄ gə̄ ra dan ɓūtə̄ yá̰a̰ kul̄ gə̄ kə́ tə̄ndān̄ naā tḭ̄ḭ̄n̄ kə̄ loo gə̄ tə́ anī, ni a̰a̰ gō batə̄ yān gə̄. M-ā m-á̰a̰ gō yá̰a̰ kul̄ yāḿ gə̄ i tītə̄ ń noō ō. M-ā m-āw̄ gō batə̄ gə̄ tə́, loo malang ń nin̄ aw̄n̄ tū tə́ ní tə́, yā kaw̄ gān̄g dɔdə́. M-ā m̄-njə̄rā kum kə́ tuú tū tə́ ō, kum loo kə́ risə til tə́ ō, yā kaw̄ń gōdə́ tə́.

JOEL 2:10

Dɔ nang ndebə ō, dɔ rā̰ yéȳ ō. Mbang nin̄ kə nāá ō udən̄ tilií ō. Tə́yō̰ gə̄ unjə̄n̄ to̰ aĺ ō kété nodə́ tə́.