EJEKIEL 32:22 - Bibəl ta Sar̄

²² Mban̄g kə́ Asiri i noó kə ngé rɔ̄ɔ̄ yān gēé. Dɔ ɓádə́ ngé rɔ̄ɔ̄ yān gə̄ gīr̄ gidən.

Bible sar

²² Mban̄g kə́ Asiri i noó kə ngé rɔ̄ɔ̄ yān gēé. Dɔ ɓádə́ ngé rɔ̄ɔ̄ yān gə̄ gīr̄ gidən.

EJEKIEL 32:22 Referans Kwoze

EJEKIEL 32:26

Mban̄g kə́ Mesek ō, kə́ Tubal ō nin̄ i noó kə ngé rɔ̄ɔ̄ yādə́ gēé. Dɔ ɓádə́ ngé rɔ̄ɔ̄ yādə́ gə̄ gīr̄ gidədə́. De kə́ dəngam gə̄ malang ń noō ń əjan̄ mɔtədə́ aĺ ní, tɔ̄lə̄n̄də́ i ta rɔ̄ɔ̄ tə́. Kété ní, de gə̄ ń ndin̄ kə kumdə́ ní, ɓōĺ rāādə́ adə̄ ndewn̄ i najə̄ yādə́ nin̄ tə́.

EJEKIEL 32:24

Mban̄g kə́ Elam i noó kə ngé rɔ̄ɔ̄ yān gēé. Dɔ ɓádə́ ngé rɔ̄ɔ̄ yān gə̄ gīr̄ gidən. Nin̄ malang ní tɔ̄lə̄n̄də́ i ta rɔ̄ɔ̄ tə́. De kə́ dəngam gə̄ ń noō ń əjan̄ mɔtədə́ aĺ ní, kété ní nin̄ rāān̄ de gə̄ ń ndin̄ kə kumdə́ ní adə̄ ɓōĺ rāādə́ adə̄ ndewn̄, ba ngɔlaā nin̄ aw̄n̄ gíŕ nángāá kɔ̄ɔ́. Ngɔlaā ní rɔ̄də́ sɔl̄də́, nin̄ gəgē de gə̄ malang ń ton̄ ɓádá ní gə̄gē.

IJAI 30:33

Rāān̄ hor kógə̄ḿ jóó ngá̰ý kɔ̄ɔ́. Hor ní i tām̄ yā mban̄g tə́ ō. Ɓōkə́n̄ kīr̄ ngá̰ý kem bəlo kógə̄ḿ kə́ laa tə́ ō, ɗúú tə́ ō, adə̄ gōr̄ gong tām̄ yā hor tə́. Koō kə́ ta Kɔ́ɔ̄ɓē tə́ ń to tītə̄ bā bursu kə́ təngā ní, a əla hor tū kīr̄ ní tə́.

TƏ́DA 24:24

To bo gə̄ ḭḭn̄ kum kā̰ kə́ Kitim tə́ reē ugə̄n̄. Ngé taā ɓē gə̄ rāān̄ kum Asiri gə̄ ndoō tə́ ō, rāān̄ kum Eber gə̄ ndoō tə́ ō, banī ta tɔ̄l̄ tadə́ anī, nin̄ kɔ́ gə̄ a nujən̄ sák sák kɔ̄ɔ́ ō.

EJEKIEL 27:23

Ɓē gə̄ kə́ Haran ō, kə́ Kane ō, kə́ Eden ō, ngé rāā gātə̄ gə̄ Saba ō, ɓē gə̄ kə́ Asur ō, kə́ Kilmad ō, a rāān̄ gātə̄ i seí ḭ̄ḭ́.

NAHUM 1:14

Yá̰á̰ ń Kɔ́ɔ̄ɓē gḛy rāā sesí sḭḭ̄ de kə́ Ninibə gə̄ ní n toó: Ngán gə̄ kə́ kadə̄ rīsí i dɔdə́ tə́ ní, sḭḭ̄ ā ə́ngeī to̰ alé. Ɓesə̄ kāgə̄, aláa ɓesə̄ gində̄ yāsí gə̄ ń ī-tɔ́sídə́ aláa ī-nōōīdə́ horoó, ba ī-tə́ndāīdə́ kem kújə yā nə́ɓā yāsí gə̄ tə́ ní, m-ā m̄-nujəń kɔ̄ɔ́. M-ə̄ndā dɔ bəlo yosí danaá, tām̄ sḭḭ̄ i yá̰á̰ kógə̄ḿ kə́ sáláńg alé.

IJAI 14:25

M-ā m̄-nujə ko̰o̰ ɓē yā Asiri kɔ̄ɔ́ kem ɓē yān tə́, m-ā m̄-rējə̄də́ dɔ mbal̄ bo yāḿ gə̄ tə́. Nin̄ rāān̄ adə̄ ko̰o̰ ɓē yādə́ ɔȳ gír deē yāḿ gə̄ tītə̄ njúkə beé, m-ā m-ún kɔ̄ɔ́. Nin̄ əndān̄ yá̰á̰ kə́ ɔȳ dɔ bɔ̄gə̄ gír deē yāḿ gə̄ tə́. M-ā m-ūsə̄ yá̰á̰ kə́ ɔȳ ní nang tə́ kɔ̄ɔ́.