EJEKIEL 32:2 - Bibəl ta Sar̄

² Ḭ̄ ngōn̄ deē, ə̄nī pā yo ń toō kə Parao̰, mban̄g kə́ Ejiptə tə́: Ī-to dan nápar de gə̄ tə́ tītə̄ balsáa ɓɔl beé. Banī ī-to tītə̄ mar kə́ to kum bā bo tə́ beé ō, ḭ̄ ī-yéȳ rɔ̄í kum bā yāí kə́ bo tə́, ḭ̄ ə́la njaí kum tə́ ī-rāań adə̄ kum man̄ majə alé. Ḭ̄ ī-rāā kum man̄ adə̄ kusə́rū.

Bible sar

² Ḭ̄ ngōn̄ deē, ə̄nī pā yo ń toō kə *Parao̰, mban̄g kə́ Ejiptə tə́: Ī-to dan nápar de gə̄ tə́ tītə̄ balsáa ɓɔl beé. Banī ī-to tītə̄ mar kə́ to kum bā bo tə́ beé ō, ḭ̄ ī-yéȳ rɔ̄í kum bā yāí kə́ bo tə́, ḭ̄ ə́la njaí kum tə́ ī-rāań adə̄ kum man̄ majə alé. Ḭ̄ ī-rāā kum man̄ adə̄ kusə́rū.

EJEKIEL 32:2 Referans Kwoze

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

EJEKIEL 27:2

Ḭ̄ ngōn̄ deē, ún pā yo kógə̄ḿ ī-nōoń ɓē kə́ Tir.

EJEKIEL 38:13

De kə́ Saba gə̄ ō, kə́ Dedan gə̄ ō, ngé rāā gātə̄ kə́ Tarsis gə̄ ō, ngé kə́ kem ɓē gə̄ kə́ kadə tə́ ō, a dəjenī najə̄ a ədan̄ na: Ḭ̄ ɔ́sə dɔ ngé rɔ̄ɔ̄ yāí gə̄ kə̄ naā tə́ i yā kɔyń yá̰a̰ dɔ gúú tə́ a? I yā kɔyń nar ō, lɔ́r ō, ɓūtə̄ yá̰a̰ kul̄ gə̄ ō, yá̰a̰ kənge gə̄ ō a? I yā kɔyń yá̰a̰ kənge kə́ ta rɔ̄ɔ̄ tə́ ngá̰ý a?

EJEKIEL 34:18

Ngé kə́rēý gə̄ dɔ dáńsí tə́ nel̄də́ kəsa mu kə́ loo kə́ majə ngá̰ý tə́ aĺ i tām̄ rí tə́? Gotə mu ń na̰y ní, nin̄ aw̄ tə́ɓān̄ njadə́ tə́ ɓáý to̰ i tām̄ rí tə́? Ka̰ȳ man̄ kə́ kumən unjə̄ asəsí aĺ a? Man̄ ń sḭḭ̄ ā̰yī aĺ ní, ə́laī njasí kum tə́ ī-pukə́tūiń adə̄ kumən kusə́rū i tām̄ rí tə́?

EJEKIEL 32:16

Pā yo kə́ kadə̄ dəyá̰ gə̄ kə́ dan nápar de gə̄ tə́ malang ənīn̄ dɔ ɓē kə́ Ejiptə tə́ ō, dɔ de gə̄ yān gə̄ kə́ nin̄ i ngá̰ý tə́ ō, ní n noó. I Kɔ́ɔ̄ɓē Nə́ɓā n əda najə̄ ń noó ní.

EJEKIEL 28:12

Ḭ̄ ngōn̄ deē, ún pā yo kógə̄ḿ dɔ mban̄g kə́ Tir tə́. Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Kété ní ḭ̄ i yá̰á̰ ndájə̄ kə́ majə ɔtə̄ kə taá, kum kedə̄ yāí i ngá̰ý ō, ī-majə deē ngá̰ý ō.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

EJEKIEL 32:18

Ḭ̄ ngōn̄ deē, ī-nōō tām̄ yā de gə̄ malang kə́ Ejiptə tə́. Ādə̄ pā yo yāí rāā adə̄ nin̄ gə̄gē, gotə nápar de gə̄ kə́ tɔ́gə́də́ i ngá̰ý gə̄gē, risə aw̄ ndin̄ gíŕ nángāá, loo ń de kə́ koy gə̄ risə aw̄n̄ tū tə́ ní tə́.

EJEKIEL 27:32

Dan ń wurdə́ tōr̄də́ ngá̰ý ní, nin̄ unən̄ pā yo ń toō dɔí tə́, nin̄ nōōn̄ ədan̄ na: Ɓē kə́ to tītə̄ ɓē kə́ Tir gətóo, ba ngɔlaā ɓáa i ni n nujənən̄ kɔ̄ɔ́ dan bā bo tə́ toō!

JEREMI 46:8

I Ejiptə n to tītə̄ bā Nil kə́ ḭḭ ō, tītə̄ bā bo gə̄ kə́ nēgə́n̄ wut wut ō ní. Ni-əda na: M-ā m-ḭ́ḭ kúkúkú yā taā dɔ dɔ nang. M-ā m̄-nujə ɓē gə̄ ō, de kə́ kemeé gə̄ ō.

JEREMI 9:18

De kə́ Siyo̰ gə̄ oōn̄ ndū de kə́ a nōō rɔ̄n. Aa! De gə̄ nujən̄ sejí sák sák kɔ̄ɔ́ ō, rɔ̄sɔl̄ taā tɔ́gə́jí kɔ̄ɔ́ ō, De gə̄ bótə̄yō̰n̄ kújə yājí gə̄ kɔ̄ɔ́ adə̄ j-a j-əya̰ī ɓē kɔ̄ɔ́.

IJAI 51:9

Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

Gōsə̄ najə̄ gə̄ 28:15

De kə́ nge kem ndul kə́ ndi dɔ gír de kə́ ngé ndoō gə̄ tə́ to i tītə̄ ɓɔl kə́ a nōō ō, dā̰ úrsə kə́ a ḭḭ bal ō.

TƏ́DA 24:9

Nin̄ tɔ́sə̄n̄ yár̄ pá tá ton̄ nang tə́ tītə̄ ɓɔl gə̄. I náā n asə kɔsə sedə́ ta kḭḭ dɔɔ́? Israel, deē ń a tɔ́r̄ tan dɔí tə́ ní, tɔ́r̄ ta i dɔ kɔ́ɔ̄ tə́, ba deē ń a ndɔ̄líī ní, a ndɔ̄lə́n̄ kɔ́ɔ̄.

TA KƏLA 49:9

Ngōnə̄ḿ Juda, ḭ̄ i ɓɔl kə́ əhɔ dā̰ əsan, ba tél a aw̄ kə̄ gogə́ loo ton tə́. Ɓɔl tétə̄ kejən ba to nang tə́ anī, i náā-n asə rāān kadə̄ ḭḭ dɔɔ́?

MATIYE 7:24

Adə̄ deē malang ń oō najə̄ ń m-ə́dásí toō ō, rāā yá̰a̰ gə̄ ń m-ə́dá ní ō anī, a to i tītə̄ de kə́ nge kum kedə̄ kə́ rāā kújə yān dɔ mbal̄ tə́.

Makətūbə̄ yā Job 7:12

Mā i bā bo, aláa dā̰ man̄, á ə̄ndā deē taḿ tə́ kadə̄ ngɔ̄mə̄m̄ a?

Gōsə̄ najə̄ gə̄ 25:26

De kə́ súmūú kə́ ndebə ta kum de kə́ nge kem ndul tə́ to i tītə̄ man̄ kə́ əɓa nang tə́ kə́ kumən kusə́rū beé ō, to i tītə̄ bəlo man̄ kə́ kumən majaĺ beē ō.

JEREMI 46:7

I náā n to tītə̄ bā Nil kə́ ḭḭ ō, tītə̄ bā bo gə̄ kə́ nēgə́n̄ wut wut ō ní?

EJEKIEL 26:17

Nin̄ a unən̄ pā yo ń toō dɔí tə́: Ajá, nujiīn̄ kɔ̄ɔ́, ḭ̄ ɓē ń rīí ɓār̄ ngá̰ý ní, ī-gətóo kɔ̄ɔ́ dan bā boó! Kété ní, de gə̄ ń ndin̄ kemií tə́ ní, tɔ́gə́də́ i ngá̰ý dɔ bā bo tə́, adə̄ de gə̄ malang ɓōlə́n̄də́.

EJEKIEL 29:15

I ɓē ko̰o̰ kə́ dūú tɔȳ gotə ɓē ko̰o̰ gə̄ malang ō, nin̄ a ɔsən̄ rɔ̄də́ kə̄ dɔɔ́ dɔ gotə nápar de gə̄ tə́ to̰ aĺ ō. M-ā m̄-rāā kadə̄ kutədə́ tél kə̄ gogə́ ō, nin̄ a asən̄ ndi dɔ madə̄də́ gə̄ tə́ to̰ aĺ bátə́ ō.

Makətūbə̄ yā Job 41:23

Dan ń ni udə kum man̄ tə́ anī, man̄ nēgə́. Ni-rāā adə̄ bā bo tél to tītə̄ jóó kə́ man̄ nēgə́ ngá̰ý kemeé beé.