EJEKIEL 32:19 - Bibəl ta Sar̄

¹⁹ Ə́dádə́ na: Sḭḭ̄ ī-majə ī-tɔyī gotə de gə̄ a? Ī-risə āwī ɓádá, naā tə́ kə gotə de kə́ rang gə̄ ń əjan̄ mɔtədə́ aĺ á tɔ̄lə̄n̄də́ ta rɔ̄ɔ̄ tə́ ní!

Bible sar

¹⁹ Ə́dádə́ na: Sḭḭ̄ ī-majə ī-tɔyī gotə de gə̄ a? Ī-risə āwī ɓádá, naā tə́ kə gotə de kə́ rang gə̄ ń əjan̄ mɔtədə́ aĺ á tɔ̄lə̄n̄də́ ta rɔ̄ɔ̄ tə́ ní!

EJEKIEL 32:19 Referans Kwoze

EJEKIEL 31:18

Kem ndɔr̄ kə́ Eden tə́ ní, kāgə̄ kə́ majə tītīí gətóo ō, kə́ bo tītīí gətóo ō. Ɓá tā ba m-ā m̄-rāāī kadə̄ āw̄ gíŕ nángāá naā tə́ kə kāgə̄ gə̄ ń noō. Ā ī-to loo ń noō tə́ kə de gə̄ kə́ əjan̄ mɔtədə́ aĺ ō, kə de gə̄ kə́ oyn̄ yo rɔ̄ɔ̄ ō. Yá̰á̰ ń a rāā mban̄g kə́ Ejiptə ō, a rāā gír deē yān gə̄ malang ō ni n noó. I Kɔ́ɔ̄ɓē Nə́ɓā n əda najə̄ ń noō ní.

EJEKIEL 32:24

Mban̄g kə́ Elam i noó kə ngé rɔ̄ɔ̄ yān gēé. Dɔ ɓádə́ ngé rɔ̄ɔ̄ yān gə̄ gīr̄ gidən. Nin̄ malang ní tɔ̄lə̄n̄də́ i ta rɔ̄ɔ̄ tə́. De kə́ dəngam gə̄ ń noō ń əjan̄ mɔtədə́ aĺ ní, kété ní nin̄ rāān̄ de gə̄ ń ndin̄ kə kumdə́ ní adə̄ ɓōĺ rāādə́ adə̄ ndewn̄, ba ngɔlaā nin̄ aw̄n̄ gíŕ nángāá kɔ̄ɔ́. Ngɔlaā ní rɔ̄də́ sɔl̄də́, nin̄ gəgē de gə̄ malang ń ton̄ ɓádá ní gə̄gē.

EJEKIEL 32:21

Ɓádá ní, ngé rɔ̄ɔ̄ gə̄ kə́ nin̄ əhɔn̄ rɔ̄də́ tɔgə tɔȳ madə̄də́ gə̄ ō, de gə̄ kə́ kété jóo nin̄ ɓoon̄ rɔ̄də́ tū yā de kə́ Ejiptə tə́ ō, a ədan̄ na: Ngé kəja mɔtə aĺ gə̄ ń noō ń tɔ̄lə̄n̄də́ ta rɔ̄ɔ̄ tə́ ní, nin̄ reē ton̄ danjí tə́.

EJEKIEL 31:2

Ḭ̄ ngōn̄ deē, ə́da Parao̰, mban̄g kə́ Ejiptə tə́ ō, kósə de gə̄ ń ni a o̰o̰ ɓē dɔdə́ tə́ ní ō na: Ḭ̄ ń tɔ́gí i ngá̰ý ní, ī-to i tītə̄ náā ō?

EJEKIEL 28:10

Ā óy yo kə́ to rɔ̄sɔl̄ yā de gə̄ ń əjan̄ mɔtədə́ aĺ ní, jī tə̄rā gə̄ kə́ ngé tɔ́sī tə́. I mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

EJEKIEL 32:26

Mban̄g kə́ Mesek ō, kə́ Tubal ō nin̄ i noó kə ngé rɔ̄ɔ̄ yādə́ gēé. Dɔ ɓádə́ ngé rɔ̄ɔ̄ yādə́ gə̄ gīr̄ gidədə́. De kə́ dəngam gə̄ malang ń noō ń əjan̄ mɔtədə́ aĺ ní, tɔ̄lə̄n̄də́ i ta rɔ̄ɔ̄ tə́. Kété ní, de gə̄ ń ndin̄ kə kumdə́ ní, ɓōĺ rāādə́ adə̄ ndewn̄ i najə̄ yādə́ nin̄ tə́.