EJEKIEL 32:13 - Bibəl ta Sar̄

¹³ De gə̄ ń ḭ̄ āwń kadə bā Nil tə́ ní, m-ā m̄-rāā kadə̄ a a̰ȳn̄ malang. Nja de gə̄, aláa nja dā̰ gə̄ a rāān̄ kum man̄ bā Nil kadə̄ a kusə́rū to̰ alé.

Bible sar

¹³ De gə̄ ń ḭ̄ āwń kadə bā Nil tə́ ní, m-ā m̄-rāā kadə̄ a a̰ȳn̄ malang. Nja de gə̄, aláa nja dā̰ gə̄ a rāān̄ kum man̄ bā Nil kadə̄ a kusə́rū to̰ alé.

EJEKIEL 32:13 Referans Kwoze

EJEKIEL 29:11

Deē aké dā̰ kə́ yā mān̄ loo ń noō tə́ a gətóo ō, ɓē kə́ Ejiptə a rāā ɓāl̄ kutə sɔ́ kanjə̄ kadə̄ deē kógə̄ḿ i kemeé ō.

EJEKIEL 29:8

I tām̄ najə̄ ń noō tə́ n yá̰á̰ mā Kɔ́ɔ̄ɓē Nə́ɓā m-ə́dá ní n toó ní: M-ā m-ə́la kə ngé rɔ̄ɔ̄ gēé kadə̄ a rɔ̄ɔ̄īn̄ ō, m-ā m̄-rāā kadə̄ de gə̄ gē dā̰ gə̄ gē kə́ dɔ nang yāí tə́ a oyn̄ ō.

EJEKIEL 34:18

Ngé kə́rēý gə̄ dɔ dáńsí tə́ nel̄də́ kəsa mu kə́ loo kə́ majə ngá̰ý tə́ aĺ i tām̄ rí tə́? Gotə mu ń na̰y ní, nin̄ aw̄ tə́ɓān̄ njadə́ tə́ ɓáý to̰ i tām̄ rí tə́? Ka̰ȳ man̄ kə́ kumən unjə̄ asəsí aĺ a? Man̄ ń sḭḭ̄ ā̰yī aĺ ní, ə́laī njasí kum tə́ ī-pukə́tūiń adə̄ kumən kusə́rū i tām̄ rí tə́?

EJEKIEL 32:2

Ḭ̄ ngōn̄ deē, ə̄nī pā yo ń toō kə Parao̰, mban̄g kə́ Ejiptə tə́: Ī-to dan nápar de gə̄ tə́ tītə̄ balsáa ɓɔl beé. Banī ī-to tītə̄ mar kə́ to kum bā bo tə́ beé ō, ḭ̄ ī-yéȳ rɔ̄í kum bā yāí kə́ bo tə́, ḭ̄ ə́la njaí kum tə́ ī-rāań adə̄ kum man̄ majə alé. Ḭ̄ ī-rāā kum man̄ adə̄ kusə́rū.

EJEKIEL 30:12

M-ā m̄-rāā kadə̄ ta jī bā Nil kə́ tɔ̄gə̄ iīn̄ kɔ̄ɔ́ ō, m-ā m-ə́la ɓē kem jī de kə́ majaĺ gə̄ tə́ ō. M-ā m̄-nujə ɓē kɔ̄ɔ́ ō, M-ā m̄-nujə yá̰a̰ kənge yān gə̄ malang kɔ̄ɔ́ ō, kə ta kūl̄ tə̄rā gə̄. I mā Kɔ́ɔ̄ɓē n m-ə́da najə̄ ń noō ní.

EJEKIEL 32:14

M-ā m-ə́ya̰n kadə̄ a to jəke ō, m-ā m̄-rāā kadə̄ ngán man̄ gə̄ a nūgə́n̄ jəke tītə̄ yibə̄ beé ō. I mā Kɔ́ɔ̄ɓē n m-ə́da najə̄ ń noō ní.