EJEKIEL 32:12 - Bibəl ta Sar̄

¹² M-ā m-ə́la kə ngé rɔ̄ɔ̄ gə̄ kə́ nin̄ ton̄ ɓōĺ tɔȳn̄ nápar de gə̄ malang kadə̄ a tɔ̄lə̄n̄ de kə́ kem ɓē yāí tə́ gə̄ malang kɔ̄ɔ́. Nin̄ a nujən̄ ɓē kə́ Ejiptə ń i ɓē kə́ ɔjə rɔ̄n ngá̰ý ní kɔ̄ɔ́ ō, de kə́ kemeé gə̄ a gətóon̄ kɔ̄ɔ́ malang ō.

Bible sar

¹² M-ā m-ə́la kə ngé rɔ̄ɔ̄ gə̄ kə́ nin̄ ton̄ ɓōĺ tɔȳn̄ nápar de gə̄ malang kadə̄ a tɔ̄lə̄n̄ de kə́ kem ɓē yāí tə́ gə̄ malang kɔ̄ɔ́. Nin̄ a nujən̄ ɓē kə́ Ejiptə ń i ɓē kə́ ɔjə rɔ̄n ngá̰ý ní kɔ̄ɔ́ ō, de kə́ kemeé gə̄ a gətóon̄ kɔ̄ɔ́ malang ō.

EJEKIEL 32:12 Referans Kwoze

EJEKIEL 28:7

Tām̄ najə̄ ń noō tə́ ní, m-ā m-ə́la kə nápar de gə̄ ń nin̄ i ngé rāā yá̰a̰ kə dɔ́nɔ́ tɔȳ de gə̄ malang ní kadə̄ rɔ̄ɔ̄īn̄. Nin̄ a nujən̄ yá̰á̰ kə́ majə gə̄ ń ī-rāā kə ta kūl̄ kum kedə̄ yāí ní kɔ̄ɔ́ kə kaskaraá ō, nin̄ a kídə̄n̄ bo yāí ō.

EJEKIEL 31:11

I tām̄ najə̄ ń noō tə́ n m-ə́ya̰n kɔ̄ɔ́ ō, m-ə́lan kem jī ngār kə́ dɔ nápar de gə̄ tə́ ō ní. Ni a rāā kāgə̄ sedər yá̰á̰ kə́ tōr̄ sɔɔ̄ ń yá̰á̰ kə́ majaĺ ń ni-rāā ní.

EJEKIEL 29:19

Tām̄ najə̄ ń noō tə́ ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m-ə́la ɓē kə́ Ejiptə kem jī Nabukodonosor, mban̄g kə́ Babilon tə́ tə́. Ni a ɔy yá̰a̰ kənge kə́ kem ɓēé malang kɔ̄ɔ́ ō, ni a nujə ɓē ō. Loo ń noō tə́ ni a ɔy yá̰a̰ kənge yān gə̄ kə́ kəhɔ ta rɔ̄ɔ̄ tə́ yā nə̄ɓō áskar yān gə̄ kadə̄ i kəgā yādə́.

EJEKIEL 30:11

Nin̄ ō, gír deē yān gə̄ ō, ń rāā yá̰á̰ kə́ kə dɔ́nɔ́ yādə́ tɔȳ yā gotə nápar de gə̄ malang ní, a reēn̄ yā nujə ɓē ń toō kɔ̄ɔ́. Nin̄ a rɔ̄ɔ̄n̄ de kə́ Ejiptə gə̄ ō, nin̄ a rāān̄ kadə̄ nīń gə̄ a taān̄ loo kem ɓē ō.

EJEKIEL 28:19

Gír de gə̄ malang ń gerīīn̄ ní, rɔ̄də́ a nel̄də́ aĺ ngá̰ý najə̄ yāí ḭ̄ tə́. Ā ī-rāā de gə̄ malang kadə̄ ɓōĺ rāādə́. A nujən̄ seí i kə́ njɔ́ḿ gə̄ tə́.

EJEKIEL 31:12

Loo ń noō tə́ tə̄rā gə̄ kə́ ngé rāā yá̰á̰ kə́ tɔ́gə́də́ tɔȳ yā nápar de gə̄ a gān̄gnən̄ naā tə́ ō, a əya̰nən̄ kɔ̄ɔ́ kə̄ loo ń noō tə́ ō. Ta jīn gə̄ malang tə́sōn̄ ō, taān̄ loo dɔ mbal̄ gə̄ tə́ ō, taān̄ loo kum wól loo gə̄ kə́ kem ɓēé tə́ ō. Ba de gə̄ kə́ dan gír de gə̄ tə́ malang ń kété ndin̄ ndíl kāgə̄ sedər tə́ ní, əya̰n̄ kāgə̄ sedər ba aw̄n̄ ō, nin̄ əya̰n̄ ɓē kɔ̄ɔ́ ō.

JEREMI 46:12

Nápar de gə̄ oōn̄ najə̄ rɔ̄sɔl̄ yāí, tɔdɔ̄ kɔŕ yāí taā dɔ nang. Nja go̰ rɔ̄ɔ̄ kógə̄ḿ tə́gā yā madə̄n adə̄ teē tə́sōn̄ jōó mbak.

EJEKIEL 32:18

Ḭ̄ ngōn̄ deē, ī-nōō tām̄ yā de gə̄ malang kə́ Ejiptə tə́. Ādə̄ pā yo yāí rāā adə̄ nin̄ gə̄gē, gotə nápar de gə̄ kə́ tɔ́gə́də́ i ngá̰ý gə̄gē, risə aw̄ ndin̄ gíŕ nángāá, loo ń de kə́ koy gə̄ risə aw̄n̄ tū tə́ ní tə́.