EJEKIEL 32:11 - Bibəl ta Sar̄

¹¹ Najə̄ ń Kɔ́ɔ̄ɓē Nə́ɓā əda ní n toó: Ngé rɔ̄ɔ̄ gə̄ yā mban̄g kə́ Babilon a reēn̄ dɔí tə́.

Bible sar

¹¹ Najə̄ ń Kɔ́ɔ̄ɓē Nə́ɓā əda ní n toó: Ngé rɔ̄ɔ̄ gə̄ yā mban̄g kə́ *Babilon a reēn̄ dɔí tə́.

EJEKIEL 32:11 Referans Kwoze

EJEKIEL 30:4

Rɔ̄ɔ̄ a ugə̄ dɔ nang kə́ Ejiptə tə́. Ɓōĺ a rāā de gə̄ kadə̄ a ndewn̄ bátə́ ta kaw̄ kə̄ dɔ nang kə́ Etiopi tə́. A tɔ̄lə̄n̄ de gə̄ kə́ Ejiptə tə́ ō, a ɓogən̄ yá̰a̰ kənge yādə́ gə̄ ō, a nujən̄ ɓē yādə́ kɔ̄ɔ́ ō.

EJEKIEL 26:7

Yá̰á̰ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: Nabukodonosor, mban̄g kə́ Babilon ń i mban̄g kə́ bo tɔȳ madə̄n gə̄ ní, m-ā m̄-rāā kadə̄ ni a ḭḭ dām̄ mbɔ́r kə́ geleé tə́ yā reē rɔ̄ɔ̄ī ḭ̄ ɓē kə́ Tir. Ni a reē kə sə́nda gə̄ ō, kə púsə rɔ̄ɔ̄ gə̄ ō, kə ngé kal̄ sə́nda gə̄ ō, kə ngé rɔ̄ɔ̄ kə́ ngá̰ý gə̄ ō.

JEREMI 46:13

Kɔ́ɔ̄ɓē ɔr̄ najə̄ kə Jeremi nge koō ta əda na: Nabukodonosor, mban̄g kə́ Babilon a reē yā kənda ɓē kə́ Ejiptə.

JEREMI 43:10

Gō tə́ anī ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m-ə́la gō nge kəla yāḿ Nabukodonosor mban̄g kə́ Babilon tə́, m-ā m-ə̄ndā kōr̄ kāgə̄ mbang yān dɔ mbal̄ gə̄ ń ī-dubə̄ tə́ ní ō, ni a udə təndā mban̄g yān dɔ tə́ dɔɔ́ ō.

EJEKIEL 29:19

Tām̄ najə̄ ń noō tə́ ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m-ə́la ɓē kə́ Ejiptə kem jī Nabukodonosor, mban̄g kə́ Babilon tə́ tə́. Ni a ɔy yá̰a̰ kənge kə́ kem ɓēé malang kɔ̄ɔ́ ō, ni a nujə ɓē ō. Loo ń noō tə́ ni a ɔy yá̰a̰ kənge yān gə̄ kə́ kəhɔ ta rɔ̄ɔ̄ tə́ yā nə̄ɓō áskar yān gə̄ kadə̄ i kəgā yādə́.

EJEKIEL 31:11

I tām̄ najə̄ ń noō tə́ n m-ə́ya̰n kɔ̄ɔ́ ō, m-ə́lan kem jī ngār kə́ dɔ nápar de gə̄ tə́ ō ní. Ni a rāā kāgə̄ sedər yá̰á̰ kə́ tōr̄ sɔɔ̄ ń yá̰á̰ kə́ majaĺ ń ni-rāā ní.