EJEKIEL 32:10 - Bibəl ta Sar̄

¹⁰ Rɔ̄ gír de gə̄ ngá̰ý a nel̄də́ alé najə̄ yāí tə́. Dan ń m-ā m-ə̄nī kaskar yāḿ no mban̄g yādə́ gə̄ tə́ anī, ndíl mban̄g yādə́ gə̄ a a̰ȳ. Ndɔ̄ ń ḭ̄ ā ə̄sōń tə́ ní, a asədə́ nin̄ ndew alé, tām̄ nin̄ kógə̄ḿ kógə̄ḿ ní a ɓōlə́n̄ tām̄ yā rɔ̄də́ nin̄ kɔ́ gə̄ tə́.

Bible sar

¹⁰ Rɔ̄ gír de gə̄ ngá̰ý a nel̄də́ alé najə̄ yāí tə́. Dan ń m-ā m-ə̄nī kaskar yāḿ no mban̄g yādə́ gə̄ tə́ anī, ndíl mban̄g yādə́ gə̄ a a̰ȳ. Ndɔ̄ ń ḭ̄ ā ə̄sōń tə́ ní, a asədə́ nin̄ ndew alé, tām̄ nin̄ kógə̄ḿ kógə̄ḿ ní a ɓōlə́n̄ tām̄ yā rɔ̄də́ nin̄ kɔ́ gə̄ tə́.

EJEKIEL 32:10 Referans Kwoze

EJEKIEL 27:35

De gə̄ malang ń ndin̄ kə̄ dɔ dor̄ loo gə̄ tə́ ní, rɔ̄də́ nel̄də́ aĺ ngá̰ý najə̄ yāí ḭ̄ tə́. Ɓōĺ rāā mban̄g yādə́ gə̄ adə̄ ndewn̄ ngangan ō, deē a̰a̰ ɓōĺ kə́ ngá̰ý dɔ kumdə́ tə́ ger̄ ō.

EJEKIEL 26:16

Ngār gə̄ yā gír de gə̄ ń ndin̄ kə gō kadə bā boó ní, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́ yā ndi nang tə́. Nin̄ a ɔrə̄n̄ kūbə̄ yādə́ kə́ majə gə̄ rɔ̄də́ tə́ kɔ̄ɔ́ ō, a ɔrə̄n̄ kūbə̄ yādə́ gə̄ ń ɔsən̄ desḛ̄ḛ tū tə́ ní rɔ̄də́ tə́ kɔ̄ɔ́ ō. Nin̄ a əlan̄ ɓōĺ rɔ̄də́ tə́ tītə̄ kūbə̄ beé ō, a ndin̄ nang tə́ ō. A asədə́ ndew aĺ ō, ɓōĺ a rāādə́ ngá̰ý sɔɔ̄iń ḭ̄ ō.

JEJU TEĒ KUM JA̰A̰ 18:10

Nin̄-ndan̄ dan sa̰y tām̄ ɓōlə́n̄ yá̰á̰ kə́ tōr̄ ń rāān ní, ba ədan̄ na: Rɔ̄ tō ndoō, rɔ̄ tō ndoō! Tām̄ Babilon ń i ɓē kə́ bo kə́ tɔ́gən i ngá̰ý ní, gāngə̄n̄ sarya kə́ dɔn tə́ i kum mbang kógə̄ḿ beē ngóy.

JAKARI 11:2

Sḭḭ̄ kāgə̄ sipəres gə̄, ī-nōōī ādə̄ oōn̄ ndūsí, tɔdɔ̄ kāgə̄ sedər gə̄ tə́sōn̄ kɔ̄ɔ́. Nujən̄ kāgə̄ kə́ majə ngá̰ý gə̄ ń noō kɔ̄ɔ́. Sḭḭ̄ kāgə̄ sén gə̄ kə́ Basan, ī-nōōī ādə̄ oōn̄ ndūsí, tɔdɔ̄ nujən̄ ku kāgə̄ yāsí kə́ nder̄ nginding kɔ̄ɔ́.

EJEKIEL 30:9

Ndɔ̄ ń noō tə́ ní, ngé kaw̄ kəla gə̄ a aw̄n̄ i kə too boó. M-ā m-ə́ládə́ i yā kadə̄ nin̄ aw̄ rāān̄ ɓē kə́ Etiopi kadə̄ ndew, ni ń gír̄ kadə̄ na n-ndi na i kanjə̄ sōl̄ yá̰á̰ kógə̄ḿ ní. Ba ndɔ̄ ń m-ā m̄-nujəń ɓē kə́ Ejiptə ní, ɓōĺ a rāā de kə́ kemeé gə̄ kadə̄ a ndewn̄. Ndɔ̄ ní dɔ to ngɔr!

JEREMI 51:9

Jə-nāā rāā kadə̄ do Babilon edə̄, ba dum̄ kedə̄. Ɔ́tiī tan tə́, ādə̄ náā nəkɔ́ ɓáa tél aw̄ ɓē yān tə́. Tɔdɔ̄ najə̄ yān aw̄ bátə́ ɔtə̄ dɔ rā̰ tə́ ō, ugə̄ dɔ kil̄ man̄ gə̄ tə́ ō.

1 MBAN̄G GƏ̄ 9:8

Kújə́ kə́ ngāl̄ ngá̰ý kum kə̄ dɔɔ́ ń toō ní de gə̄ malang ń a mānə̄n̄ kadə tə́ ní a ɔr kumdə́ ngá̰ý ō, a yáādə́ ngá̰ý ō. Adə̄ a dəjen̄ na ké i tām̄ rí tə́ áké Kɔ́ɔ̄ɓē rāā yá̰á̰ kə́ tītə̄ ń toō kə ɓē ń toō ō, kə kújə́ ń toō ō wa.

NDŪ NAJƏ̄ 32:41

Ré m-ɔ́l kum kaskar yāḿ adə̄ atə ō, ndə́lē pipir ō, ré m-ún sarya kə̄ jīḿ tə́ ō anī, m-ā m̄-dal ba̰ā̰ dɔ madə̄ ba̰ā̰ḿ gə̄ tə́ ō, de gə̄ ń imə̄mə̄n̄ ní m-ā m-ə̄gādə́ ō.

NDŪ NAJƏ̄ 29:24

Anī a tél a ədan̄də́ na: I tām̄ nin̄ gāngə̄n̄ madə̄ naā ń Kɔ́ɔ̄ɓē Nə́ɓā yā kaadə́ gə̄ rāā sedə́ a teēń sedə́ kɔ̄ɔ́ dɔ nang kə́ Ejiptə tə́ ní.

IJAI 30:32

A dānə̄n̄ gō jī Kɔ́ɔ̄ɓē loo kəndan tə́ i kə kɔdə gə̄ ō, kənde gə̄ ō. Kɔ́ɔ̄ɓē a wél̄ jīn yā kəlań ɓōĺ kem Asiri tə́ ō, ni a rɔ̄ɔ̄n ō.