EJEKIEL 30:9 - Bibəl ta Sar̄

⁹ Ndɔ̄ ń noō tə́ ní, ngé kaw̄ kəla gə̄ a aw̄n̄ i kə too boó. M-ā m-ə́ládə́ i yā kadə̄ nin̄ aw̄ rāān̄ ɓē kə́ Etiopi kadə̄ ndew, ni ń gír̄ kadə̄ na n-ndi na i kanjə̄ sōl̄ yá̰á̰ kógə̄ḿ ní. Ba ndɔ̄ ń m-ā m̄-nujəń ɓē kə́ Ejiptə ní, ɓōĺ a rāā de kə́ kemeé gə̄ kadə̄ a ndewn̄. Ndɔ̄ ní dɔ to ngɔr!

Bible sar

⁹ Ndɔ̄ ń noō tə́ ní, ngé kaw̄ kəla gə̄ a aw̄n̄ i kə too boó. M-ā m-ə́ládə́ i yā kadə̄ nin̄ aw̄ rāān̄ ɓē kə́ *Etiopi kadə̄ ndew, ni ń gír̄ kadə̄ na n-ndi na i kanjə̄ sōl̄ yá̰á̰ kógə̄ḿ ní. Ba ndɔ̄ ń m-ā m̄-nujəń ɓē kə́ Ejiptə ní, ɓōĺ a rāā de kə́ kemeé gə̄ kadə̄ a ndewn̄. Ndɔ̄ ní dɔ to ngɔr!

EJEKIEL 30:9 Referans Kwoze

IJAI 23:5

Dan ń ɓē kə́ Ejiptə a oō gotə najə̄ noō anī, a ndew tītə̄ ndew ń ni ndew dan ń ni oō gotə yá̰á̰ ń rāā ɓē kə́ Tir ní beē.

SOPONI 2:15

Ninibə ń i ɓē kə́ ɔjə rɔ̄n ngá̰ý ní, a tél yā to i tītə̄ ń noō. De kə́ kemeé gə̄ ɔjə̄nə̄ń na yá̰a̰ na a rāādə́ aĺ ō, nin̄ gírə̄n̄ yá̰a̰ ədan̄ na de kə́ tītə̄də́ na gətóo ō. Adə̄ Ninibə tél i kɔkərɔ kə́ to dɔ naā tə́ bing, tél i loo ɓɔ̄ɔ̄ rɔ̄ yā dā̰ gə̄! De gə̄ malang ń mānə̄n̄ kadən tə́ ní, a əgan̄ kɔŕ kə́ ɔjə kadə̄ yá̰á̰ kə́ to ka̰ā̰ aĺ i noó ō, a rāān̄ i yá̰á̰ kə́ ɔjə kadə̄ nin̄ kídə̄n̄ loo ō.

SOPONI 2:12

Sḭḭ̄ de kə́ Etiopi gə̄, m-ā m̄-rāāsí kadə̄ ā óyiī ta rɔ̄ɔ̄ tə́ ō.

AMOS 4:2

Kɔ́ɔ̄ɓē túbə̄ əda na: Tītə̄ nəkɔ́ ń mā i Nə́ɓā kə́ táĺ rɔ̄kum noó, ndɔ̄ a reē noó yā kadə̄ de gə̄ a əhɔn̄sí yā kaw̄ sesí ō, a ndɔ́rə̄n̄sí kógə̄ḿ kógə̄ḿ tītə̄ kānjə̄ gə̄ kə́ əhɔn̄də́ kə gində̄ kə́ ta ruguú, aláa kə kuyú beē yā kaw̄ń ndo̰ kanjāá.

EJEKIEL 39:6

M-ā m-ə́la hor dɔ ɓē yā Magog tə́ ō, dɔ ɓē yā de gə̄ ń ndin̄ kə̄ dɔ dor̄ loo gə̄ tə́ á gírə̄n̄ kadə̄ yá̰á̰ kógə̄ḿ na a rāādə́ aĺ ní ō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 38:11

Ɓē kə́ yá̰á̰ kə́ yā kadə̄ ni rɔ̄ɔń dɔ rɔ̄n tə́ gətóó ní, ḭ̄ ā ī-gḛy kənīn rɔ̄ɔ̄. Loo ngeé ń noō tə́ ní, de gə̄ ndin̄ i loo yādə́ jəke ō, nin̄ sōlə̄n̄ yá̰á̰ kógə̄ḿ aĺ ō. De gə̄ ənīn̄ ndogə̄ mbal̄ gə̄ dɔ ɓē bo gə̄ tə́ ngɔ̄mə̄n̄neé ɓē bo gə̄ aĺ ō. Bápə gə̄, kə lakélé gə̄ yā ɓē gə̄ ní gətóon̄ ō.

EJEKIEL 33:33

I tām̄ najə̄ ń toō tə́ n ré yá̰a̰ gə̄ ń noō a rāān̄ yá̰a̰ anī, ta dɔ yá̰a̰ gə̄ ní i ngɔr, nin̄ a gerə̄n̄ kadə̄ nge koō ta kógə̄ḿ ndi dandə́ tə́ kété ní.

EJEKIEL 27:35

De gə̄ malang ń ndin̄ kə̄ dɔ dor̄ loo gə̄ tə́ ní, rɔ̄də́ nel̄də́ aĺ ngá̰ý najə̄ yāí ḭ̄ tə́. Ɓōĺ rāā mban̄g yādə́ gə̄ adə̄ ndewn̄ ngangan ō, deē a̰a̰ ɓōĺ kə́ ngá̰ý dɔ kumdə́ tə́ ger̄ ō.

EJEKIEL 26:16

Ngār gə̄ yā gír de gə̄ ń ndin̄ kə gō kadə bā boó ní, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́ yā ndi nang tə́. Nin̄ a ɔrə̄n̄ kūbə̄ yādə́ kə́ majə gə̄ rɔ̄də́ tə́ kɔ̄ɔ́ ō, a ɔrə̄n̄ kūbə̄ yādə́ gə̄ ń ɔsən̄ desḛ̄ḛ tū tə́ ní rɔ̄də́ tə́ kɔ̄ɔ́ ō. Nin̄ a əlan̄ ɓōĺ rɔ̄də́ tə́ tītə̄ kūbə̄ beé ō, a ndin̄ nang tə́ ō. A asədə́ ndew aĺ ō, ɓōĺ a rāādə́ ngá̰ý sɔɔ̄iń ḭ̄ ō.

JEREMI 49:31

Ḭ́ḭī dɔɔ́, āw̄ ə̄nīī nápar de kə́ usədə́ yá̰a̰ aĺ gə̄ ń ndin̄ kanjə̄ sōl̄ yá̰á̰ kógə̄ḿ ní rɔ̄ɔ̄. Najə̄ ń Kɔ́ɔ̄ɓē əda ní n noó. Ta róbə yādə́ gə̄ gətóon̄ ō, gində̄ kutə ta róbə yādə́ gə̄ gətóon̄ ō. I de gə̄ kə́ nin̄ ndin̄ i kə kéŕdə́.

JEREMI 49:21

Əsōn̄ kəsō kə́ to ɓōĺ ngá̰ý adə̄ dɔ nang ndebə. Kōōdə́ ɓār̄ bátə́ ugə̄ bā tə̄ɓā gə̄ tə́.

IJAI 47:8

Ngɔlaā ní, ḭ̄ ń ī-gḛy rɔ̄nel̄ ngá̰ý ní, ōō yá̰á̰ ń toō: Ḭ̄ ī-ndi nang tə́ jəke ī-gírəń najə̄ ń toō ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo. M-ā m̄-tél dəyá̰ kə́ ngaa koy aĺ i kə́ bátə́ gə̄ tə́ ō, m-ā m̄-tḭ̄ḭ̄ ta ngánə́ḿ gə̄ aĺ ō!

IJAI 20:5

Ngé gə̄ ń ənīn̄ kemdə́ mámák adə̄n̄ ɓē kə́ Etiopi, aláa ɔjən̄ rɔ̄də́ najə̄ rāā kə́ ɓē kə́ Ejiptə a rāā sedə́ tə́ ní, ɓōĺ a rāādə́ ō, rɔ̄də́ a sɔl̄də́ ō.

IJAI 20:3

Kɔ́ɔ̄ɓē ɔr̄ najə̄ kə ta kūl̄ Ijai əda na: Nge kəla yāḿ Ijai njə̄rā kanjə̄ kūbə̄ ō, da njan karī ō, asə ɓāl̄ mətá kɔ̄ɔ́. Nge ń noō i yá̰á̰ kə́ yā kɔjəń yá̰a̰ ō, i tāā ō, kə́ tām̄ yā ɓē kə́ Ejiptə tə́ ō, Etiopi tə́ ō.

IJAI 19:17

Ɓē kə́ Juda a tél i yá̰a̰ kəga kem dɔ yá̰á̰ tə́ kə́ to rɔ̄sɔl̄ tām̄ yādə́ tə́. Kə dɔ kɔr̄ ń a ɔr̄nəń najə̄ yā ɓē ń noō ta kumdə́ tə́ ní, ɓōĺ a rāādə́ najə̄ yā yá̰a̰ gə̄ ń Kɔ́ɔ̄ɓē kə́ bo kə́ tɔ́gən i ngá̰ý un ndūn yā rāā sedə́ tə́ ní.

NGÉ SARYA 18:7

De kə́ mí gə̄ ní ɔrə̄n̄ dɔɔ́, aw̄n̄ bátə́ ugə̄n̄ kem ɓē kə́ Lais tə́. Nin̄ a̰a̰n̄ kadə̄ de kə́ Lais gə̄ i de gə̄ kə́ ndin̄ kanjə̄ sōl̄ yá̰á̰ kógə̄ḿ ō, háĺdə́ sɔl̄ lɔ́ḿ lɔ́ḿ ō, ənīn̄ kemdə́ báŕ báŕ ndinə̄ń ō, tītə̄ yā de kə́ Sidon gə̄. Tá ɓáý to̰ ní mban̄g gətóo kem ɓē ní tə́ ō, de kə́ yā ko̰o̰ ɓē dɔdə́ tə́ gətóo ō. Nin̄ ndin̄ ɓē i sa̰y rɔ̄ Sidon gə̄ tə́ ō, ndin̄ i kə ta kūl̄ deē kógə̄ḿ aĺ ō.

1 TESALONIK 5:2

tɔdɔ̄ sḭḭ̄ kɔ́ gə̄ ī-gerī majə kadə̄ ndɔ̄ ń Kɔ́ɔ̄ɓē a reēń tə́ ní, a to i tītə̄ nge ɓogə kə́ a reē dan ndɔ̄ɔ́ beē.

EJEKIEL 24:14

I mā Kɔ́ɔ̄ɓē m-ɔ̄r̄ najə̄ ō, yá̰á̰ m-ə́dá ní m-ā m̄-rāā ō. M-ā m̄-tél kə gōḿ aĺ ō, kumḿ a o̰o̰m̄ aĺ ō. M-ā m̄-ndə̄ngā rɔ̄ḿ najə̄ yá̰á̰ kógə̄ḿ tə́ aĺ ō. Jerusalem, m-ā m̄-rāā sarya seí sɔɔ̄ń hálí ō, yá̰a̰ rāāí gə̄ ō. Yá̰á̰ ń Kɔ́ɔ̄ɓē Nə́ɓā əda ní n noó.

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.