EJEKIEL 30:8 - Bibəl ta Sar̄

⁸ Dan ń m-ā m-ə́la hor dɔ ɓē tə́ kə taá ō, a tə́tə̄n̄ kə̄ngā ngé rɔ̄ɔ̄ dɔ tə́ gə̄ rárák kɔ̄ɔ́ ō anī, de gə̄ malang a gerə̄n̄ kadə̄ Kɔ́ɔ̄ɓē i mā.

Bible sar

⁸ Dan ń m-ā m-ə́la hor dɔ ɓē tə́ kə taá ō, a tə́tə̄n̄ kə̄ngā ngé rɔ̄ɔ̄ dɔ tə́ gə̄ rárák kɔ̄ɔ́ ō anī, de gə̄ malang a gerə̄n̄ kadə̄ Kɔ́ɔ̄ɓē i mā.

EJEKIEL 30:8 Referans Kwoze

EJEKIEL 29:6

Loo ń noō tə́, de kə́ Ejiptə gə̄ malang a gerə̄n̄ kadə̄ Kɔ́ɔ̄ɓē i mā. Dḭḭ̄ ń ī-dḭḭ̄ ngán Israel gə̄ ní hɔɔ́lɔ̄ tītə̄ yā mu tə̄ɓā beé.

AMOS 1:14

M-ā m-ə́la hor dɔ ɓē yādə́ kə́ Raba tə́ tə́. Adə̄ a o̰o̰ kújə yān kə́ majə ngá̰ý gə̄ ndɔ̄ rɔ̄ɔ̄ tə́, dan ń de gə̄ a urnə̄ń kɔĺ rɔ̄ɔ̄ tə́ ní, dan ń nél man̄ a əlań ndɔ̄ kedə man̄ kə́ ngá̰ý tə́ ní.

AMOS 1:12

M-ā m-ə́la hor dɔ ɓē yādə́ kə́ Teman tə́ tə́, adə̄ a o̰o̰ kújə yādə́ kə́ majə gə̄ kə́ kem ɓē kə́ Bosra tə́ kɔ̄ɔ́.

AMOS 1:10

M-ā m-ə́la hor dɔ ɓē kə́ Tir tə́ tə́. Adə̄ a o̰o̰ kújə yān kə́ majə ngá̰ý gə̄.

AMOS 1:7

M-a m-ə́la hor tū ndogə̄ mbal̄ gə̄ yā ɓē kə́ Gaja tə́, kadə̄ o̰o̰ kújə́ kə́ majə gə̄ kə́ tū tə́ kɔ̄ɔ́.

AMOS 1:4

M-ā m-ə́la hor dɔ kújə mban̄g yā mban̄g gə̄ kə́ Aram tə́. A̰á̰ā̰, m-ā m-ə́la hor dɔ kújə mban̄g yā Hajael tə́ ō, yā Ben Hadad tə́ ō.

EJEKIEL 30:16

M-ā m-ə́la hor dɔ Ejiptə tə́, ɓōĺ a rāā de kə́ Sin gə̄ adə̄ nin̄ a ndewn̄. A mbutən̄ bəlo kógə̄ḿ tū ndogə̄ mbal̄ kə́ Tebə tə́, adə̄ man̄ a taā loo kem ɓēé.

EJEKIEL 30:14

M-ā m̄-nujə ɓē kə́ Ejiptə kə́ dām̄ mbɔ́r ɓē kə́ geleé tə́ kɔ̄ɔ́ ō, m-ā m-ə́la hor dɔ ɓē kə́ Soan tə́ ō, m-ā m-ún sarya gāngə̄ḿ yā rāań yá̰a̰ kə ɓē kə́ Tebə ō.

EJEKIEL 29:16

Yá̰á̰ kə́ kadə̄ ngán Israel gə̄ əndānəń kemdə́ dɔdə́ tə́ to̰ a gətóo. Nin̄ a rāān̄ majaĺ ń i tūr̄ rɔ̄də́ kə̄ rɔ̄ de gə̄ kə́ Ejiptə tə́ ní to̰ alé. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

EJEKIEL 29:9

A nujən̄ ɓē kə́ Ejiptə ō, ni a tél dəla loo ō. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā. Ḭ̄ ə́da na bā Nil na i yāí ḭ̄, ə́da na i ḭ̄ n na ī-rāā bā Nil.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

PĀ GƏ̄ 58:11

De kə́ súmūú a rāā rɔ̄nel̄ dan ń ni-a̰a̰ Nə́ɓā loo rāā ba̰ā̰ tə́ ní ō, a tə́go njan kum mósə́ ngé kem ndul gə̄ tə́ ō.

AMOS 2:5

M-ā m-ə́la hor dɔ ɓē kə́ Juda tə́, adə̄ a o̰o̰ kújə́ kə́ majə gə̄ kə́ Jerusalem kɔ̄ɔ́.

AMOS 2:2

M-ā m-ə́la hor dɔ ɓē kə́ Moab tə́, adə̄ a o̰o̰ kújə́ kə́ majə gə̄ kə́ kem ɓē kə́ Keriyot tə́ kɔ̄ɔ́. Moab a oy i dan kōō yá̰á̰ kə́ ɓār̄ ngá̰ý tə́ ō, kɔĺ rɔ̄ɔ̄ tə́ ō, kōō tōw̄ gajə batə̄ kə́ kɔ̄ĺ tə́ ō.

EJEKIEL 28:26

Nin̄ a ndin̄ loo ń kanjə̄ sōl̄ yá̰á̰ kógə̄ḿ. Nin̄ a rāān̄ kújə gə̄ ō, a ndɔrə̄n̄ kāgə̄ nduú gə̄ ō. Nin̄ a ndin̄ kanjə̄ sōl̄ yá̰á̰ kógə̄ḿ. Tɔdɔ̄ gír de gə̄ ndin̄ kadədə́ gə̄ tə́ á i madə̄ ɓēdə́ kə́ ngé kídə̄də́ gə̄ ní, m-ā m-ún sarya gāngə̄ḿ yā rāań yá̰a̰ sedə́. Loo ń noō tə́ nin̄ a gerə̄n̄ kadə̄ Kɔ́ɔ̄ɓē Nə́ɓā yādə́ i mā.

EJEKIEL 28:24

Kɔ́ɔ̄ɓē əda ɓáý to̰ na: Tə̄rā gə̄ ń ndin̄ gīrə̄n̄ gidə ɓē kə́ Israel ní, nin̄ a kídə̄n̄ Israel gə̄ to̰ alé. Nin̄ a télən̄ túpə kōn̄ gə̄ tām̄ yān tə́ to̰ alé. Adə̄ nin̄ a tɔ́sə̄n̄ deē ō, a já̰ā̰n̄ deē ō to̰ alé. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

NŌŌ RƆ̄ 4:11

Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

IJAI 42:25

I tām̄ najə̄ ń toō tə́ n Kɔ́ɔ̄ɓē bə̄gā wōn̄g yān kə́ ngá̰ý dɔdə́ tə́ ō, rāā adə̄ yá̰á̰ kə́ to ka̰ā̰ aĺ ngá̰ý gə̄ ń rɔ̄ɔ̄ a reēń ní, teē dɔdə́ tə́ ō ní. Wōn̄g yān ní əla hor kə̄ loo gə̄ tə́, banī Israel gə̄ gerə̄n̄ kum alé. Hor o̰o̰ Israel gə̄, banī nin̄ rāān̄ i yá̰a̰ ngōn̄ ndām̄ tə́.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

EJEKIEL 39:6

M-ā m-ə́la hor dɔ ɓē yā Magog tə́ ō, dɔ ɓē yā de gə̄ ń ndin̄ kə̄ dɔ dor̄ loo gə̄ tə́ á gírə̄n̄ kadə̄ yá̰á̰ kógə̄ḿ na a rāādə́ aĺ ní ō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.