EJEKIEL 30:4 - Bibəl ta Sar̄

⁴ Rɔ̄ɔ̄ a ugə̄ dɔ nang kə́ Ejiptə tə́. Ɓōĺ a rāā de gə̄ kadə̄ a ndewn̄ bátə́ ta kaw̄ kə̄ dɔ nang kə́ Etiopi tə́. A tɔ̄lə̄n̄ de gə̄ kə́ Ejiptə tə́ ō, a ɓogən̄ yá̰a̰ kənge yādə́ gə̄ ō, a nujən̄ ɓē yādə́ kɔ̄ɔ́ ō.

Bible sar

⁴ Rɔ̄ɔ̄ a ugə̄ dɔ nang kə́ Ejiptə tə́. Ɓōĺ a rāā de gə̄ kadə̄ a ndewn̄ bátə́ ta kaw̄ kə̄ dɔ nang kə́ *Etiopi tə́. A tɔ̄lə̄n̄ de gə̄ kə́ Ejiptə tə́ ō, a ɓogən̄ yá̰a̰ kənge yādə́ gə̄ ō, a nujən̄ ɓē yādə́ kɔ̄ɔ́ ō.

EJEKIEL 30:4 Referans Kwoze

EJEKIEL 29:19

Tām̄ najə̄ ń noō tə́ ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m-ə́la ɓē kə́ Ejiptə kem jī Nabukodonosor, mban̄g kə́ Babilon tə́ tə́. Ni a ɔy yá̰a̰ kənge kə́ kem ɓēé malang kɔ̄ɔ́ ō, ni a nujə ɓē ō. Loo ń noō tə́ ni a ɔy yá̰a̰ kənge yān gə̄ kə́ kəhɔ ta rɔ̄ɔ̄ tə́ yā nə̄ɓō áskar yān gə̄ kadə̄ i kəgā yādə́.

EJEKIEL 29:8

I tām̄ najə̄ ń noō tə́ n yá̰á̰ mā Kɔ́ɔ̄ɓē Nə́ɓā m-ə́dá ní n toó ní: M-ā m-ə́la kə ngé rɔ̄ɔ̄ gēé kadə̄ a rɔ̄ɔ̄īn̄ ō, m-ā m̄-rāā kadə̄ de gə̄ gē dā̰ gə̄ gē kə́ dɔ nang yāí tə́ a oyn̄ ō.

EJEKIEL 29:12

M-ā m̄-rāā ɓē kə́ Ejiptə kadə̄ tél dəla loo kə́ ndágə doy tɔȳ gotə dəla loo gə̄ malang. Ɓē yān gə̄ a nujən̄ tɔȳ gotə ɓē gə̄ malang. M-ā m̄-rāā de kə́ Ejiptə gə̄ kadə̄ a tḭ̄ḭ̄n̄ naā kə̄ loo gə̄ tə́ kə̄ dan nápar de gə̄ tə́ ō, bátə́ ɓāl̄ kutə sɔ́.

JEREMI 50:15

Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.

IJAI 19:2

Kɔ́ɔ̄ɓē əda na: M-ā m̄-tɔ́sə̄ ta kó̰n de kə́ Ejiptə gə̄ naā tə́, adə̄ nin̄ a rɔ̄ɔ̄n̄ naā ō, madə̄ naā gə̄ a rɔ̄ɔ̄n̄ naā ō, ɓē gə̄ a rɔ̄ɔ̄n̄ naā ō, ɓē ko̰o̰ gə̄ a rɔ̄ɔ̄n̄ naā ō.

IJAI 16:7

Ngɔlaā ní Moab gə̄ a nōōn̄ i Moab, de gə̄ malang a nōōn̄ i mbée. Nin̄ a sō̰mə́n̄ ō, a ndə̄ngān̄ gotə makəla kan̄ nduú gə̄ ń kété a rāān̄ kem ɓē kə́ Kir Heres tə́ ní ō. Tɔ́gə́də́ teē malang kɔ̄ɔ́.

IJAI 18:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē yā too bo gə̄ kə́ kūbə̄ yādə́ gə̄ i jōó jōó tə́, adə̄ i tām̄ yā ɓē ń to kə gō kadə bā gə̄ kə́ Etiopi ní!

EJEKIEL 38:5

Áskar gə̄ kə́ Persə ō, Etiopi ō, Put ō ní, nin̄ malang a əhɔn̄ der jīdə́ tə́ ō, a əlan̄ jākā gində̄ dɔdə́ tə́ ō, nin̄ a aw̄n̄ seí ō.

DANIEL 11:43

Lɔ́r ō gində̄ arjā̰a̰ ō yá̰á̰ kə́ gātə̄də́ i ngá̰ý gə̄ ō, kə́ kem kújə ngɔ̄m̄ yá̰a̰ kənge gə̄ kə́ Ejiptə tə́ ní, ni a ɔydə́ dɔ gúú tə́. de kə́ Libi tə́ gə̄ ō Etiopi tə́ gə̄ ō a əlan̄ dɔdə́ gíŕ tɔ́gə yān tə́.

SOPONI 2:12

Sḭḭ̄ de kə́ Etiopi gə̄, m-ā m̄-rāāsí kadə̄ ā óyiī ta rɔ̄ɔ̄ tə́ ō.

IJAI 20:3

Kɔ́ɔ̄ɓē ɔr̄ najə̄ kə ta kūl̄ Ijai əda na: Nge kəla yāḿ Ijai njə̄rā kanjə̄ kūbə̄ ō, da njan karī ō, asə ɓāl̄ mətá kɔ̄ɔ́. Nge ń noō i yá̰á̰ kə́ yā kɔjəń yá̰a̰ ō, i tāā ō, kə́ tām̄ yā ɓē kə́ Ejiptə tə́ ō, Etiopi tə́ ō.

JEREMI 46:9

Ngé sə́nda gə̄, ə̄nīī rɔ̄ɔ̄. Ngé púsə́ sə́nda gə̄, ā̰yī ngɔ̄də̄ ngá̰ý. Ādə̄ ngé kəhɔ rɔ̄də́ tɔgə ngá̰ý gə̄ əndan̄ loo teēn̄, adə̄ i Kus gə̄ ō, Put gə̄ ō, ń gerə̄n̄ kəhɔ der majə ní ō, Lud gə̄ ń gerə̄n̄ kur gərā majə ní ō.

EJEKIEL 28:23

M-ā m-ə̄nī mo̰y ngāl̄bɔ̄gīí dɔí tə́ ō, mósə a a̰ȳ nang tə́ kum róbə kɔsə yāí gə̄ tə́ ō. Madə̄ ba̰ā̰í gə̄ a ənīīn̄ rɔ̄ɔ̄ kə̄ ta gə̄ tə́ ō, de gə̄ ń ndin̄ kemií tə́ ní, ngá̰ý gə̄ a tə́sōn̄ kem ɓēé ō. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.