EJEKIEL 30:21 - Bibəl ta Sar̄

²¹ Ḭ̄ ngōn̄ deē, ōō! m̄-tētə̄ jī Parao̰, mban̄g kə́ Ejiptə tə́ kɔ̄ɔ́. De kə́ do̰ō̰ ta do kə́ jīn tə́ gətóo ō, de kə́ adə̄n kḭ̄ḭ̄ gətóo ō. De kə́ do̰ō̰ jīn kə ta kūbūú kadə̄ əngeń tɔ́gə yā kəhɔń kaskar gətóo.

Bible sar

²¹ Ḭ̄ ngōn̄ deē, ōō! m̄-tētə̄ jī *Parao̰, mban̄g kə́ Ejiptə tə́ kɔ̄ɔ́. De kə́ do̰ō̰ ta do kə́ jīn tə́ gətóo ō, de kə́ adə̄n kḭ̄ḭ̄ gətóo ō. De kə́ do̰ō̰ jīn kə ta kūbūú kadə̄ əngeń tɔ́gə yā kəhɔń kaskar gətóo.

EJEKIEL 30:21 Referans Kwoze

JEREMI 46:11

Ngōmandə kə́ Ejiptə, āw̄ Galaad ī-sāā bəto kāgə̄ kə́ yā rāā ta do tə́. Ī-rɔ̄ɔ̄ dɔ rɔ̄í tə́ kə kḭ̄ḭ̄ gə̄ kə́ gíŕdə́ i ngá̰ý ɓá tā, ba i ndańg karī, yá̰á̰ kógə̄ḿ kə́ asə kadī rɔ̄ ngān̄g gətóo.

JEREMI 30:13

De kə́ yā kəndā rɔ̄n ta najə̄ yāí tə́ gətóo. Kḭ̄ḭ̄ kə́ yā do̰ō̰ń do səya̰ yāí kadə̄ edə̄ gətóo.

JEREMI 48:25

Tɔ́gə Moab təgā malang kɔ̄ɔ́ jīn i kə́ tetə kɔ̄ɔ́. Najə̄ ń Kɔ́ɔ̄ɓē əda ní n noó.

PĀ GƏ̄ 37:17

Tɔdɔ̄ jī ngé kem ndul gə̄ a tétə̄. Banī Kɔ́ɔ̄ɓē rāā kə de kə́ súmūú gēé.

EJEKIEL 30:24

M-ā m̄-rāā mban̄g kə́ Babilon kadə̄ tɔ́gə jīn to tɔȳ kə́ kété ō, m-ā m-ə́la kaskar yāḿ jīn tə́ ō. M-ā m̄-tétə̄ jī mban̄g kə́ Ejiptə kɔ̄ɔ́ ō, ni a sōḿ tītə̄ de kə́ ənge do kə́ asə yon beé ō.

PĀ GƏ̄ 10:15

Ī-taā tɔ́gə nge kem ndul. Ādə̄ əgā kə̄rā yá̰á̰ kə́ gōtə́ aĺ ń ni-rāā ní ō, ādə̄ deē ɓār̄ rīn to̰ aĺ ō.

JEJU TEĒ KUM JA̰A̰ 18:21

Anī de kə́ dɔ rā̰ tə́ kógə̄ḿ kə́ tɔ́gən i ngá̰ý, un mbal̄ kógə̄ḿ kə́ bo tītə̄ mbal̄ riī yá̰á̰ kə́ bo beé, ənī kum bā bo tə́ ba əda na: A unən̄ Babilon ń i ɓē kə́ bo ní yā kənīn gidə kógə̄ḿ tītə̄ ń noō ō, a əngen̄ ɓē kə́ Babilon gogə́ to̰ aĺ ō.

NAHUM 3:16

Kété ní, kutə ngé rāā gātə̄ kə́ looí gə̄ tɔȳ kutə tə́yō̰ gə̄ kə́ dɔ rā̰ tə́. Ngɔlaā nin̄ hində̄n̄ lim kɔ̄ɔ́, tītə̄ yim̄ gə̄ kə́ ḭḭn̄ bɔ̄gə̄ aw̄n̄ kɔ̄ɔ́ beē.

IJAI 1:6

Ḭḭ njasí tə́ bátə́ dɔsí tə́ ní, loosí kógə̄ḿ kə́ yá̰a̰ rāā aĺ gətóo. Rɔ̄sí malang i do ō, gotə ndéy ō, do kə́ ta ra kə wōyōó ō. Deē tə́go ta aĺ ō, deē ndem̄ ta aĺ ō, deē rāā yibə̄ ta tə́ aĺ ō.

JEREMI 44:30

M-ā m-ə́la Parao̰ Hopəra, mban̄g kə́ Ejiptə kem jī madə̄ ba̰ā̰n gə̄ tə́, adə̄ i kem jī ngé gə̄ ń sāān̄ tɔ̄lən tə́ ní, tītə̄ ń m-ə́lań Sedekias, mban̄g kə́ Juda, kem jī madə̄ ba̰ā̰n Nabukodonosor tə́, mban̄g kə́ Babilon ń sāā tɔ̄lən ní.

EJEKIEL 39:3

Gō tə́ anī m-ā m-ə́ndaī: M-ā m̄-tetə ga̰ gərā yāí kə́ jī gelií tə́ kɔ̄ɔ́ ō, m-ā m̄-rāā kum gərā yāí gə̄ kə́ jī ko̰í tə́ kadə̄ teē tə́sōn̄ nang tə́ kɔ̄ɔ́ ō.

JAKARI 11:17

I yá̰á̰ kə́ to kum kaȳ aĺ kə́ ba̰ý beē tām̄ yā nge kul̄ yá̰á̰ kə́ ger̄ yá̰a̰ aĺ ngá̰ý, kə́ əya̰ yá̰a̰ kul̄ gə̄ kɔ̄ɔ́ tə́! Ādə̄ ta rɔ̄ɔ̄ tə́ ɓáa jīn kə́ ko̰ó̰ gān̄g kɔ̄ɔ́ ō, kumən kə́ dām̄ kə́ ko̰ó̰ tə́ ɔr̄ kɔ̄ɔ́ ō! Ādə̄ jīn i kə́ tutə njururu malang ō, ādə̄ kumən kə́ dām̄ kə́ ko̰ó̰ tə́ a̰a̰ loo to̰ aĺ ō!

2 MBAN̄G 24:7

Mban̄g kə́ Ejiptə tə́ teē loo to̰ alé, tɔdɔ̄ əla gír i man̄ kə́ Ejiptə tə́ bátə́ ugə̄ń bā Opəratə tə́ ní, mban̄g kə́ Babilon taā yá̰a̰ malang ń kété i yā mban̄g kə́ Ejiptə ní jīn tə́ kɔ̄ɔ́.

PĀ GƏ̄ 89:43

Ī-rāā ādə̄ madə̄ ba̰ā̰n gə̄ tél ngangə̄n̄, ī-rāā ādə̄ ngé gə̄ malang ń rɔ̄ɔ̄nən̄ ní rɔ̄də́ nel̄də́.