EJEKIEL 30:16 - Bibəl ta Sar̄

¹⁶ M-ā m-ə́la hor dɔ Ejiptə tə́, ɓōĺ a rāā de kə́ Sin gə̄ adə̄ nin̄ a ndewn̄. A mbutən̄ bəlo kógə̄ḿ tū ndogə̄ mbal̄ kə́ Tebə tə́, adə̄ man̄ a taā loo kem ɓēé.

Bible sar

¹⁶ M-ā m-ə́la hor dɔ Ejiptə tə́, ɓōĺ a rāā de kə́ Sin gə̄ adə̄ nin̄ a ndewn̄. A mbutən̄ bəlo kógə̄ḿ tū ndogə̄ mbal̄ kə́ Tebə tə́, adə̄ man̄ a taā loo kem ɓēé.

EJEKIEL 30:16 Referans Kwoze

EJEKIEL 28:18

Dan ń ā ī-rāań gātə̄ yāí gə̄ tə́ ní, ḭ̄ ā ī-rāā i yá̰á̰ kə́ gōtə́ aĺ tá dejə ō, ḭ̄ i de kə́ rɔ̄kum aĺ ō. I tītə̄ ń noō n ī-kídəń loo kə́ táĺ yāí gə̄ ní. I tām̄ najə̄ ń toō tə́ n m̄-rāā hor kógə̄ḿ kə́ a nujiī kɔ̄ɔ́ kem ɓē yāí tə́ ní. M-ā m̄-rāāī kadə̄ ā ī-tél bū hor ta kum de gə̄ malang ra a a̰a̰īn̄ tə́ ní.

JEREMI 44:1

Kɔ́ɔ̄ɓē əndā najə̄ ta Jeremi tə́ kadə̄ ɔr̄ kə Juda gə̄ malang ń aw̄ ndin̄ Ejiptə tə́ adə̄ i kem ɓē kə́ Migədol tə́ ō, Tapanes tə́ ō, Mempis tə́ ō, gō nang kə́ Patəros tə́ ō ní:

EJEKIEL 30:13

Najə̄ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: M-ā m̄-rāā kadə̄ ɓesə̄ gə̄ gətóon̄ kɔ̄ɔ́ ō, m-ā m̄-rāā kadə̄ yá̰á̰ kə́ tɔ́sə̄ kum gotədə́ gə̄ ń ton̄ kem ɓē kə́ Mempis tə́ ní gətóon̄ kɔ̄ɔ́ ō. Ngār gə̄ a ton̄ dɔ nang kə́ Ejiptə tə́ to̰ aĺ ō, m-ā m-ə́la ɓōĺ kem de gə̄ tə́ kem ɓēé malang kə taá ō.

EJEKIEL 30:14

M-ā m̄-nujə ɓē kə́ Ejiptə kə́ dām̄ mbɔ́r ɓē kə́ geleé tə́ kɔ̄ɔ́ ō, m-ā m-ə́la hor dɔ ɓē kə́ Soan tə́ ō, m-ā m-ún sarya gāngə̄ḿ yā rāań yá̰a̰ kə ɓē kə́ Tebə ō.

EJEKIEL 30:15

Sin ń i ɓē kə́ nge ngɔ̄m̄ ɓē kə́ Ejiptə tə́ ní, m-ā m̄-bə̄gā wōn̄g yāḿ kə́ ngá̰ý dɔn tə́ ō, m-ā m̄-rāā kadə̄ de kə́ Tebə gə̄ ń nin̄ i ngá̰ý ní gətóon̄ kɔ̄ɔ́ ō.

EJEKIEL 30:17

A tɔ̄lə̄n̄ balsáa gə̄ kə́ On ō, kə́ Pi Beset ō, ta rɔ̄ɔ̄ tə́. Ba gotə de kə́ rang kə́ kem ɓēé gə̄ ń a na̰yn̄ ní, a ɔyn̄də́ yā kaw̄ sedə́ dɔ ɓē kə́ rang tə́ dɔ gúú tə́.

EJEKIEL 39:6

M-ā m-ə́la hor dɔ ɓē yā Magog tə́ ō, dɔ ɓē yā de gə̄ ń ndin̄ kə̄ dɔ dor̄ loo gə̄ tə́ á gírə̄n̄ kadə̄ yá̰á̰ kógə̄ḿ na a rāādə́ aĺ ní ō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

OJEE 9:6

Dan ń ā ī-teēī kɔ̄ɔ́ kem ɓē yāsí kə́ nujə tə́ anī, ɓē kə́ Ejiptə a əhɔsí kə̄ rɔ̄n tə́, banī ɓē kə́ Mempis a tél i bəlo yosí. Mu kə́ majaĺ gə̄ a ɔrən̄ rɔ̄ɔ̄ dɔ yá̰a̰ yāsí gə̄ kə́ gātə̄də́ i ngá̰ý tə́, túpə kōn̄ gə̄ a taān̄ loo kem kújə yāsí gə̄ tə́.