EJEKIEL 30:11 - Bibəl ta Sar̄

¹¹ Nin̄ ō, gír deē yān gə̄ ō, ń rāā yá̰á̰ kə́ kə dɔ́nɔ́ yādə́ tɔȳ yā gotə nápar de gə̄ malang ní, a reēn̄ yā nujə ɓē ń toō kɔ̄ɔ́. Nin̄ a rɔ̄ɔ̄n̄ de kə́ Ejiptə gə̄ ō, nin̄ a rāān̄ kadə̄ nīń gə̄ a taān̄ loo kem ɓē ō.

Bible sar

¹¹ Nin̄ ō, gír deē yān gə̄ ō, ń rāā yá̰á̰ kə́ kə dɔ́nɔ́ yādə́ tɔȳ yā gotə nápar de gə̄ malang ní, a reēn̄ yā nujə ɓē ń toō kɔ̄ɔ́. Nin̄ a rɔ̄ɔ̄n̄ de kə́ Ejiptə gə̄ ō, nin̄ a rāān̄ kadə̄ nīń gə̄ a taān̄ loo kem ɓē ō.

EJEKIEL 30:11 Referans Kwoze

EJEKIEL 28:7

Tām̄ najə̄ ń noō tə́ ní, m-ā m-ə́la kə nápar de gə̄ ń nin̄ i ngé rāā yá̰a̰ kə dɔ́nɔ́ tɔȳ de gə̄ malang ní kadə̄ rɔ̄ɔ̄īn̄. Nin̄ a nujən̄ yá̰á̰ kə́ majə gə̄ ń ī-rāā kə ta kūl̄ kum kedə̄ yāí ní kɔ̄ɔ́ kə kaskaraá ō, nin̄ a kídə̄n̄ bo yāí ō.

EJEKIEL 39:4

Ḭ̄ ō, ngé rɔ̄ɔ̄ yāí gə̄ malang ō, de kə́ ngá̰ý gə̄ ń ɓoon̄ rɔ̄də́ tū yāí tə́ ní ō, ā óyiī dɔ mbal̄ gə̄ kə́ Israel tə́. M-ā m-ə́ya̰ mbal̄ gə̄ ō, dā̰ kə́ bembeé gə̄ ō, kadə̄ əsan̄ nīńsí.

EJEKIEL 35:8

M-ā m-ūtə̄ dɔ mbal̄ yāí gə̄ kə nīń de gēé. De gə̄ malang ń a tɔ̄lə̄n̄də́ ta rɔ̄ɔ̄ tə́ ní, a tə́sōn̄ dɔ ngán mbal̄ yāí gə̄ tə́ ō, kum wól loo yāí gə̄ tə́ ō, kum wól man̄ dɔ mbal̄ yāí gə̄ tə́ ō.

EJEKIEL 32:12

M-ā m-ə́la kə ngé rɔ̄ɔ̄ gə̄ kə́ nin̄ ton̄ ɓōĺ tɔȳn̄ nápar de gə̄ malang kadə̄ a tɔ̄lə̄n̄ de kə́ kem ɓē yāí tə́ gə̄ malang kɔ̄ɔ́. Nin̄ a nujən̄ ɓē kə́ Ejiptə ń i ɓē kə́ ɔjə rɔ̄n ngá̰ý ní kɔ̄ɔ́ ō, de kə́ kemeé gə̄ a gətóon̄ kɔ̄ɔ́ malang ō.

EJEKIEL 31:12

Loo ń noō tə́ tə̄rā gə̄ kə́ ngé rāā yá̰á̰ kə́ tɔ́gə́də́ tɔȳ yā nápar de gə̄ a gān̄gnən̄ naā tə́ ō, a əya̰nən̄ kɔ̄ɔ́ kə̄ loo ń noō tə́ ō. Ta jīn gə̄ malang tə́sōn̄ ō, taān̄ loo dɔ mbal̄ gə̄ tə́ ō, taān̄ loo kum wól loo gə̄ kə́ kem ɓēé tə́ ō. Ba de gə̄ kə́ dan gír de gə̄ tə́ malang ń kété ndin̄ ndíl kāgə̄ sedər tə́ ní, əya̰n̄ kāgə̄ sedər ba aw̄n̄ ō, nin̄ əya̰n̄ ɓē kɔ̄ɔ́ ō.

NDŪ NAJƏ̄ 28:50

I nápar de gə̄ kə́ kumdə́ o̰o̰də́ alé, kə́ a ɓōlə́n̄ ndíl de kə́ tɔgə ɓə́ga aĺ ō, a a̰a̰n̄ kum tō ndoō yā ngōn̄ kə́ dūú aĺ ō.

EJEKIEL 30:24

M-ā m̄-rāā mban̄g kə́ Babilon kadə̄ tɔ́gə jīn to tɔȳ kə́ kété ō, m-ā m-ə́la kaskar yāḿ jīn tə́ ō. M-ā m̄-tétə̄ jī mban̄g kə́ Ejiptə kɔ̄ɔ́ ō, ni a sōḿ tītə̄ de kə́ ənge do kə́ asə yon beé ō.

EJEKIEL 31:11

I tām̄ najə̄ ń noō tə́ n m-ə́ya̰n kɔ̄ɔ́ ō, m-ə́lan kem jī ngār kə́ dɔ nápar de gə̄ tə́ ō ní. Ni a rāā kāgə̄ sedər yá̰á̰ kə́ tōr̄ sɔɔ̄ ń yá̰á̰ kə́ majaĺ ń ni-rāā ní.