EJEKIEL 3:9 - Bibəl ta Sar̄

⁹ M-ā m̄-rāā dɔí kadə̄ a ngan̄g tītə̄ mbal̄ diyamā̰a̰ beé ō, kadə̄ a ngan̄g mān̄ kɔkərɔ ō. Ī-lōō ɓōĺdə́ ō, ī-lōō ra ta kumdə́ tə́ a ndew ō. Tām̄ i gír de kə́ ngé mbātə́ najə̄ gə̄.

Bible sar

⁹ M-ā m̄-rāā dɔí kadə̄ a ngan̄g tītə̄ mbal̄ diyamā̰a̰ beé ō, kadə̄ a ngan̄g mān̄ kɔkərɔ ō. Ī-lōō ɓōĺdə́ ō, ī-lōō ra ta kumdə́ tə́ a ndew ō. Tām̄ i gír de kə́ ngé mbātə́ najə̄ gə̄.

EJEKIEL 3:9 Referans Kwoze

EJEKIEL 2:6

Ní, ḭ̄ ngōn̄ deē ndul, ī-lōō ɓōĺdə́ ō, ī-lōō ɓōĺ najə̄ kɔr̄də́ ō. Nin̄ a ədan̄ najə̄ kə́ mbātə́ yāí ḭ̄. Adə̄ ā ɔ́jəń na ī-ndi i dan kōn̄ gə̄ tə́, aláa na i dan kókə́rang gə̄ tə́. Banī ī-lōō ɓōĺ najə̄ kɔr̄də́ ō, ī-lōō ɓōĺ ta kumdə́ ō. Tɔdɔ̄ nin̄ i gír de kə́ ngé mbātə́ najə̄ gə̄.

IJAI 50:7

Kɔ́ɔ̄ɓē Nə́ɓā reē dḭḭ̄m̄, i tām̄ najə̄ ń toō tə́ n ndū yādə́ ɔdə rɔ̄ḿ aĺ ní. m̄-rāā ta kumḿ adə̄ ngan̄g tītə̄ mbal̄ beé. m̄-ger̄ kadə̄ rɔ̄ɔ̄ a tetəm̄ alé.

JAKARI 7:12

Nin̄ rāān̄ kemdə́ adə̄ ngan̄g tītə̄ mbal̄ diyamā̰a̰ beé. Yá̰á̰ ndóō gə̄ ō, najə̄ gə̄ ō, ń Kɔ́ɔ̄ɓē kə́ bo kə́ tɔ́gən i ngá̰ý ɔjədə́ kə ta kūl̄ ndílən, kə ta kūl̄ ngé koō ta gə̄ kété jóó ní, nin̄ mbātə́n̄ koō. Loo ń noō tə́ wōn̄g rāā Kɔ́ɔ̄ɓē kə́ bo kə́ tɔ́gən i ngá̰ý ngá̰ý

JEREMI 1:8

Ī-lōō ɓōĺ deē kógə̄ḿ bátə́, mā i naā tə́ seí yā gān̄g dɔí. Najə̄ ń Kɔ́ɔ̄ɓē əda ní n noó.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

1 TIMOTE 2:3

I nge ń noō n i yá̰á̰ kə́ majə ō, i yá̰á̰ kə́ nel̄ Nə́ɓā nge kajəjí ō ní.

MISE 3:8

Ba mā ɓáa, kə ta kūl̄ ndíĺ Kɔ́ɔ̄ɓēé ní, tɔ́gə́ḿ i ngá̰ý ō, m̄-ger̄ yá̰á̰ kə́ gōtə́ ō, m-ə́hɔ rɔ̄ḿ tɔgə ngá̰ý ō. Adə̄ de gə̄ kə́ kem kojə yā Jakob tə́, ń i gír de gə̄ yā Israel ní, m-ásə kɔjədə́ kəsō wōn̄g yādə́ ō, mān̄ dɔ ndū najə̄ yādə́ ō, kadə̄ gerə̄n̄.

JEREMI 17:18

Ādə̄ rɔ̄sɔl̄ rāā ngé rāām̄ yá̰á̰ kə́ tōr̄ gə̄, ba ādə̄ rāām̄ mā alé. Ādə̄ i nin̄ n ndewn̄, ba i mā alé. Ī-rāā ādə̄ ndɔ̄ yá̰á̰ kə́ to kum kaȳ aĺ əsō dɔdə́ tə́. Ī-nujə sedə́ ba ī-tél ī-nujə sedə́ ɓáý to̰.

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

2 TIMOTE 2:6

I nge ndɔr̄ ń rāā kəla ngá̰ý ní n i nge kənge kōō ndɔrə̄n kété ní.

JEREMI 15:20

M-ā m̄-rāāī kadə̄ ḭ̄ i ndogə̄ mbal̄ kə́ ngan̄g ngá̰ý tām̄ yā gír de gə̄ ń toō tə́. I ndogə̄ kə́ rāā kə gində̄ nə̄ngá kasaá. A rɔ̄ɔ̄nī ba a tetənī rɔ̄ɔ̄ alé. Tɔdɔ̄ mā i naā tə́ seí yā taā dɔí ō, yā gān̄g dɔí ō. Najə̄ ń Kɔ́ɔ̄ɓē əda ní n noó.

EJEKIEL 3:8

Ba m-ā m̄ rāā kadə̄ dɔí a ngan̄g tītə̄ yādə́ ō, ā ī-dum̄ naā tītə̄ yādə́ ō.

EJEKIEL 3:10

Ni na̰y kə̄ loo kɔr̄ najə̄ tə́ seḿ ɓáý, əda na: Ḭ̄ ngōn̄ deē, ī-nēl̄ mbīí majə ōoń najə̄ ń m-ā m-ə́daī ní ō, ī-taā najə̄ yāḿ ə̄ndā ngarā̰ kemií tə́ ō.

EJEKIEL 44:6

Ā ə́dá Israel gə̄ adə̄ i ngé kəsō wōn̄g gə̄ ń noō na: Mā Kɔ́ɔ̄ɓē Nə́ɓā m-ə́dásí na yá̰á̰ kə́ majaĺ ngá̰ý gə̄ ń sḭḭ̄ Israel gə̄ ī-rāāī ní, asəm̄.