EJEKIEL 3:7 - Bibəl ta Sar̄

⁷ Banī ngán Israel gə̄ a ndigən̄ koō najə̄ yāí alé, tɔdɔ̄ nin̄ ndigən̄ koō najə̄ yāḿ alé. Tām̄ nin̄ malang ní dɔdə́ ngan̄g ngá̰ý ō, dumə̄n̄ naā ngá̰ý ō.

Bible sar

⁷ Banī ngán *Israel gə̄ a ndigən̄ koō najə̄ yāí alé, tɔdɔ̄ nin̄ ndigən̄ koō najə̄ yāḿ alé. Tām̄ nin̄ malang ní dɔdə́ ngan̄g ngá̰ý ō, dumə̄n̄ naā ngá̰ý ō.

EJEKIEL 3:7 Referans Kwoze

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

EJEKIEL 2:4

I de kə́ ngé dɔ ngan̄g gə̄ ō, kə́ ngé kem ngan̄g gə̄ ō ń noō n m-ā m-ə́laī kə̄ rɔ̄də́ tə́ ní. Ā ə́dádə́ na: Najə̄ ń Kɔ́ɔ̄ɓē Nə́ɓā əda ní n toó:

1 SAMUEL 8:7

Anī Kɔ́ɔ̄ɓē tél əda Samuel na: Ōō najə̄ yā ngán Israel gə̄ ba ī-rāā yá̰a̰ malang ń dəjenī ní. Tɔdɔ̄ i ḭ̄ n mbātə́nī ní alé ba i mā n mbātə́mə̄n̄ ní. Ndigən̄ kadə̄ m-ó̰o̰ ɓē dɔdə́ tə́ to̰ alé.

Najə̄ kə́ Majə yā Jeju ń Luk ndang ní 19:14

Ba madə̄n gə̄ kə́ gō nang yān tə́ imə̄nən̄ ngá̰ý, adə̄ ɔrə̄n̄ de gə̄ əlan̄də́ gōn tə́ kadə̄ aw̄ ədan̄ na: Jḭḭ jə-gḛy kadə̄ ni-o̰o̰ ɓē dɔjí tə́ alé.

Najə̄ kə́ Majə yā Jeju ń Luk ndang ní 13:34

Jerusalem, Jerusalem, ḭ̄ nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé.

EJEKIEL 24:7

Mósə́ ń Jerusalem ɓōkə́ nang tə́ ní to kem ɓēé ɓáý. Ɓōkə́n̄ mósə́ ní i dɔ mbal̄ kə́ ndágə doy tə́. De kə́ ɓōkə́ mósə́ ní dɔ dā̰ nang tə́ gətóo ō, de kə́ əga nán̄g dɔ tə́ gətóo ō.

JEREMI 44:16

Ɔ̄r̄ najə̄ sejí i kə rī Kɔ́ɔ̄ɓēé ɓá tā ba j-a j-oō najə̄ yāí alé.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

JEREMI 3:3

Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

IJAI 3:9

Nin̄ a sāān̄ i ger̄ ta kum deē tá yā rāań majə seneé aĺ. Yá̰á̰ ń noō ń nin̄ rāān̄ ní, reē kə nājāá dɔdə́ tə́. Nin̄ mundə̄n̄ majaĺ yādə́ alé, tītə̄ ń de kə́ Sodom gə̄ rāanəń ní ō, ədan̄ najə̄ majaĺ yādə́ ta kum de gə̄ tə́ malang ō. Yá̰á̰ ń to gō jī aĺ ní, nin̄ əndān̄ i dɔ yá̰á̰ kə́ to kum kaȳ aĺ danaá tām̄ yādə́ nin̄ kɔ́ gə̄ tə́!

IJAI 48:4

Sḭḭ̄ i gír de gə̄ kə́ dɔdə́ ngan̄g, adə̄ m̄-ger̄. Sḭḭ̄ ī-ndigiī koō yá̰á̰ kógə̄ḿ aĺ ō, dɔsí ngan̄g ō.

EJEKIEL 3:6

Ré i gír de kə́ ngá̰ý gə̄ kə́ ta kɔr̄də́ i ta tə̄rā kə́ loo ger̄ kum ngan̄g ngá̰ý, adə̄ ḭ̄ ī-ger̄ ta yādə́ ní alé n m-ə́laī kə̄ rɔ̄də́ tə́ ní anī, nin̄ a oōn̄ najə̄ yāí.

EJEKIEL 3:8

Ba m-ā m̄ rāā kadə̄ dɔí a ngan̄g tītə̄ yādə́ ō, ā ī-dum̄ naā tītə̄ yādə́ ō.

JAKARI 7:12

Nin̄ rāān̄ kemdə́ adə̄ ngan̄g tītə̄ mbal̄ diyamā̰a̰ beé. Yá̰á̰ ndóō gə̄ ō, najə̄ gə̄ ō, ń Kɔ́ɔ̄ɓē kə́ bo kə́ tɔ́gən i ngá̰ý ɔjədə́ kə ta kūl̄ ndílən, kə ta kūl̄ ngé koō ta gə̄ kété jóó ní, nin̄ mbātə́n̄ koō. Loo ń noō tə́ wōn̄g rāā Kɔ́ɔ̄ɓē kə́ bo kə́ tɔ́gən i ngá̰ý ngá̰ý

JEREMI 6:10

M-ā m-ɔ̄r̄ najə̄ i kə náā? I náā n i kə́ kum tə́ yāḿ kadə̄ de gə̄ oōneé najə̄ kɔrə̄ḿ ní? Á̰a̰ī, nin̄ mbīdə́ i kə́ kutə̄ kɔ̄ɔ́. Asən̄ nēl̄ mbīdə́ koōń najə̄ alé. Rāān̄ najə̄ yā Kɔ́ɔ̄ɓē i ndū kə́ deē tájə̄ tə́, adə̄ ndigən̄ koō alé.

JEREMI 6:17

m̄-ɓāŕ ngé ngɔ̄m̄ loo gə̄ kadə̄ əndān̄ kumdə́ gíŕsí tə́. Ī-nēlī mbīsí majə ōōneé kōō tōw̄. Ba nin̄ ədan̄ na: J-a jə-nēl̄ mbījí alé.

JEREMI 7:27

Ɔ́jə́də́ kum najə̄ gə̄ ń noō malang, ba oōn̄ ndūí alé. Ī-ɓāŕdə́, ba dalnī najə̄ tə́ alé.

JAKARI 7:11

Banī de gə̄ mbātə́n̄ koō najə̄ ń toō kété kɔ̄ɔ́ ɓá. Nin̄ tūrə̄n̄ gidədə́ ta tə́ ō, utə̄n̄ mbīdə́ kɔ̄ɔ́ ō, yā koōń najə̄ ní alé.