EJEKIEL 3:3 - Bibəl ta Sar̄

³ Gō tə́ anī ni ədam̄ na: Ḭ̄ ngōn̄ deē, ə́sa ndāŕ ndang najə̄ kə́ ɓír̄ gidə naā tə́ ń m-ādī ní ādə̄ ndān̄ kemií ō, ūləń rɔ̄í ō. Adə̄ m-ə́sa ndāŕ ndang najə̄ ní. Anī ndāŕ ní nel̄ kem taḿ tə́ tītə̄ yibə̄ tejə beé.

Bible sar

³ Gō tə́ anī ni ədam̄ na: Ḭ̄ ngōn̄ deē, ə́sa ndāŕ ndang najə̄ kə́ ɓír̄ gidə naā tə́ ń m-ādī ní ādə̄ ndān̄ kemií ō, ūləń rɔ̄í ō. Adə̄ m-ə́sa ndāŕ ndang najə̄ ní. Anī ndāŕ ní nel̄ kem taḿ tə́ tītə̄ yibə̄ tejə beé.

EJEKIEL 3:3 Referans Kwoze

JEREMI 15:16

Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

PĀ GƏ̄ 119:103

Yá̰a̰ gə̄ ń ɔ́sə kə de gēé ta rāā ní nel̄ taḿ tɔȳ yibə̄ tejə.

PĀ GƏ̄ 19:10

Ɓōĺ ndíĺ Kɔ́ɔ̄ɓē i yá̰á̰ kə́ majə ō, to ngándáńg kə dɔ ɓāl̄ gə̄ ō. Ndū gə̄ ń Kɔ́ɔ̄ɓē ra dɔ tə́ ní i ndū kə́ rɔ̄kum gə̄, i ndū kə́ gōtə́ gə̄ malang.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

PĀ GƏ̄ 119:97

Ndū najə̄ yāí nelə̄m̄ ngá̰ý. m̄-gír̄ dɔ tə́ kə dɔ ndɔ̄ gə̄ malang.

PĀ GƏ̄ 119:11

m̄-ngɔ̄m̄ yá̰a̰ gə̄ ń ɔ́sə kə de gēé ta rāā ní kemḿ tə́, kadə̄ m̄-rāań majaĺ seí alé.

JA̰A̰ 7:38

Deē ń taā kemḿ anī, tītə̄ ń ndangən̄neé kem makətūbə̄ tə́ ní, man̄ kə́ ngá̰ý kə́ a rāā kadə̄ deē ndi kə kumneé a kə̄rā kemən tə́ tiriri.

EJEKIEL 2:10

Jī deē ní tútə ndāŕ ndang najə̄ ní gidə naā tə́ ta kumḿ tə́. Ndangən̄ najə̄ kemeé ō, gidə tə́ ō. Yá̰á̰ ń ndangən̄ ní i pā rɔ̄nel̄ aĺ gə̄ ō, i pā yo gə̄ ō, nōō rɔ̄ gə̄ ō.

JEREMI 20:9

Ba ré m-ə́da na m-ā m̄-gír̄ dɔ tə́ to̰ aĺ ō, m̄-rāā rɔ̄ḿ i kújə dəngáý tə́ tām̄ yā najə̄ ní tə́. M-ə́hɔ rɔ̄ḿ tɔgə yā kɔgə̄n teē ndágá tā ba tɔ́gə́ḿ asə alé.

JEREMI 6:11

Wōn̄g kə́ ngá̰ý yā Kɔ́ɔ̄ɓē rosə kemḿ. M-ə́hɔ rɔ̄ḿ dɔ tə́ sétə́. I bə̄gā wōn̄g ní dɔ ngáń kə́ kum róbó gə̄ tə́ ō, balsáa gə̄ ń ɔsən̄ dɔdə́ naā tə́ malang ní ō. Əhɔn̄ de kə́ dəngam gə̄ ō, de kə́ dəyá̰ gə̄ ō, de kə́ tɔgə ɓə́ga ō, de kə́ ɓālə̄n i ngá̰ý ō.

Makətūbə̄ yā Job 23:12

Yá̰á̰ ń ni-əda na kə m̄-rāā ní, m̄-mbātə́ alé. m̄-ndigə yá̰a̰ gə̄ ń ni ndang kadə̄ yā rāā ní tɔȳ gír̄ yāḿ mə̄kɔ́ ń m̄-rā dɔ tə́ yā rāań yá̰á̰ ní.

EJEKIEL 2:8

Ba ḭ̄ Ngōn̄ deē ndul, ī-lōō rāā dɔ ngan̄g tītə̄ yādə́, banī ōō yá̰á̰ ń m-ā m-ə́daī ní. Ī-teē taí ba ə́sá yá̰á̰ ń m-ā m-ādī ní.

EJEKIEL 3:4

Deē ń a ɔr̄ najə̄ ní ədam̄ na: Ḭ̄ ngōn̄ deē, āw̄ rɔ̄ ngán Israel gə̄ tə́, ba ə́dádə́ najə̄ ń m-ā m-ə́daī ní.

PĀ GƏ̄ 19:11

Adə̄ nel̄ kem de gə̄ ngá̰ý tɔȳ lɔ́r, tɔȳ dūbə̄ lɔ́r kə́ unjə̄ njáý njáý. Adə̄ nel̄də́ ngá̰ý tɔȳ yibə̄ tejə, tɔȳ yibə̄ tejə kə́ kijə.