EJEKIEL 3:27 - Bibəl ta Sar̄

²⁷ Ba ré m-ā m-āw̄ kə yá̰á̰ kógə̄ḿ yā kədadə́ kə ta kūlīí anī, m-ā m̄-rāāī ásə kɔr̄ najə̄ gogə́. Loo ń noō tə́ ā ə́dádə́ na: Najə̄ ń Kɔ́ɔ̄ɓē Nə́ɓā əda ní n toó. Ngé kə́rēý gə̄ a oōn̄ ō, ngé kə́rēý gə̄ a mbātə́n̄ koō ō. Tām̄ nin̄ i gír de kə́ ngé dum̄ naā gə̄.

Bible sar

²⁷ Ba ré m-ā m-āw̄ kə yá̰á̰ kógə̄ḿ yā kədadə́ kə ta kūlīí anī, m-ā m̄-rāāī ásə kɔr̄ najə̄ gogə́. Loo ń noō tə́ ā ə́dádə́ na: Najə̄ ń Kɔ́ɔ̄ɓē Nə́ɓā əda ní n toó. Ngé kə́rēý gə̄ a oōn̄ ō, ngé kə́rēý gə̄ a mbātə́n̄ koō ō. Tām̄ nin̄ i gír de kə́ ngé dum̄ naā gə̄.

EJEKIEL 3:27 Referans Kwoze

EJEKIEL 24:27

Ndɔ̄ ngeé ń noō tə́ ní, gír kəlā ndo̰í a do̰ō̰ naā to̰ alé, ā ī-tél yā kɔr̄ najə̄ gogə́, adə̄ ā ɔ̄r̄ najə̄ kə deē ń teē ta yo tə́ ní. Ā ī-tél i de kə́ nge tāā ngán Israel gə̄, loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 3:11

Ba gō tə́ anī āw̄ rɔ̄ ngákó̰ó̰í gə̄ ń i ngán Israel ní tə́, nin̄ ń ɔyn̄də́ dɔ gúú tə́ reēn̄ sedə́ laā ní. Ɔ̄r̄ najə̄ sedə́, ə́dádə́ na: Najə̄ ń Kɔ́ɔ̄ɓē Nə́ɓā əda ní n toó: Ká nin̄ oōn̄ najə̄ yāí aáā, oōn̄ aĺ aáā, ɔ̄r̄ najə̄ sedə́.

EJEKIEL 29:21

Dan ngeé ń noō tə́ ní, m-ā m̄-rāā kadə̄ ngán Israel gə̄ əngen̄ tɔ́gə́ ngá̰ý. Ba ḭ̄ Ejekiel, m-ā m-ādī tɔ́gə kadə̄ ā ɔ̄rəń najə̄ sedə́. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EPEJƏ 6:19

Ī-ndɔ̄yī tām̄ yāḿ mā tə́ ō, ādə̄ Nə́ɓā əndā najə̄ kə́ gō tə́ taḿ tə́, kadə̄ m-ɔ́jəń Najə̄ kə́ Majə ń to loo mundə̄ tə́ ní kanjə̄ ɓōĺ,

Najə̄ kə́ Majə yā Jeju ń Luk ndang ní 21:15

Tɔdɔ̄ mə̄kɔ́ m-ā m-ɔ́jə́sí loo kɔr̄ najə̄ kadə̄ ā ɔ̄rī ō, m-ā m-ādə̄sí kum kedə̄ ō, adə̄ deē kógə̄ḿ dan madə̄ ba̰ā̰sí gə̄ tə́ kə́ yā kadə̄ a dum̄sí kə najá gətóo ō, kə́ yā kɔsə najə̄ tasí tə́ kə̄ gogə́ a gətóo ō.

MATIYE 13:9

Náā nəkɔ́ ń i kə mbīneé yā koōń loo anī, ādə̄ oō.

MATIYE 11:15

Náā nəkɔ́ ń i kə mbīneé yā koōń najə̄ anī, ādə̄ kɔ́ɔ̄ oō.

EJEKIEL 33:32

Tām̄ yādə́ nin̄ tə́ ɓáa, ḭ̄ ī-to i tītə̄ nge kənī pā kə́ míndən nel̄ ngá̰ý, kə́ yá̰a̰ gōsə̄ kə́ ɓār̄ majə ngá̰ý a dān̄ gō pā yān beé. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé.

EJEKIEL 33:22

Kété pá tá kadə̄ deē ní reē ugə̄ ní, Kɔ́ɔ̄ɓē rāā adə̄ m̄-ger̄ gō tɔ́gən, tām̄ ni-rāā adə̄ m̄-tél m-ɔ̄r̄ najə̄ gogə́. Dan ń teē kə ndɔ̄ kə́ noō dəloí á deē ní reē ugə̄ ní, gír kəlā ndo̰ḿ do̰ō̰ naā to̰ alé, adə̄ m-ɔ̄r̄ najə̄.

EJEKIEL 11:25

Loo ń noō tə́ m-ə̄nī de gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní gotə yá̰a̰ malang ń Kɔ́ɔ̄ɓē rāā adə̄ m-á̰a̰ā̰ ní.

EJEKIEL 3:26

M-ā m̄-rāā kadə̄ ndo̰í a tə́ya̰ kem taí tə́, kadə̄ gír kəla ndo̰í do̰ō̰ naā yā kadə̄ ā ɔ̄r̄ najə̄ alé, adə̄ ā ásə́ ndán̄g gír de kə́ ngé dum̄ naā gə̄ ń noō to̰ alé.

EJEKIEL 3:9

M-ā m̄-rāā dɔí kadə̄ a ngan̄g tītə̄ mbal̄ diyamā̰a̰ beé ō, kadə̄ a ngan̄g mān̄ kɔkərɔ ō. Ī-lōō ɓōĺdə́ ō, ī-lōō ra ta kumdə́ tə́ a ndew ō. Tām̄ i gír de kə́ ngé mbātə́ najə̄ gə̄.

EJEKIEL 2:5

Ká ré nin̄ oōn̄ aáā oōn̄ aĺ aáā tām̄ nin̄ i gír de kə́ mbātə́ najə̄ gə̄ ní, a gerə̄n̄ kadə̄ nge koō ta kógə̄ḿ i dandə́ tə́.

EJEKIEL 2:4

I de kə́ ngé dɔ ngan̄g gə̄ ō, kə́ ngé kem ngan̄g gə̄ ō ń noō n m-ā m-ə́laī kə̄ rɔ̄də́ tə́ ní. Ā ə́dádə́ na: Najə̄ ń Kɔ́ɔ̄ɓē Nə́ɓā əda ní n toó: