EJEKIEL 3:26 - Bibəl ta Sar̄

²⁶ M-ā m̄-rāā kadə̄ ndo̰í a tə́ya̰ kem taí tə́, kadə̄ gír kəla ndo̰í do̰ō̰ naā yā kadə̄ ā ɔ̄r̄ najə̄ alé, adə̄ ā ásə́ ndán̄g gír de kə́ ngé dum̄ naā gə̄ ń noō to̰ alé.

Bible sar

²⁶ M-ā m̄-rāā kadə̄ ndo̰í a tə́ya̰ kem taí tə́, kadə̄ gír kəla ndo̰í do̰ō̰ naā yā kadə̄ ā ɔ̄r̄ najə̄ alé, adə̄ ā ásə́ ndán̄g gír de kə́ ngé dum̄ naā gə̄ ń noō to̰ alé.

EJEKIEL 3:26 Referans Kwoze

EJEKIEL 24:27

Ndɔ̄ ngeé ń noō tə́ ní, gír kəlā ndo̰í a do̰ō̰ naā to̰ alé, ā ī-tél yā kɔr̄ najə̄ gogə́, adə̄ ā ɔ̄r̄ najə̄ kə deē ń teē ta yo tə́ ní. Ā ī-tél i de kə́ nge tāā ngán Israel gə̄, loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

PĀ GƏ̄ 137:6

Ré m̄-gír̄ dɔí tə́ to̰ alé, ré i ḭ̄ n m̄-rāā rɔ̄nelí tɔȳ gotə yá̰a̰ gə̄ malang aĺ ní anī, ādə̄ ndo̰ḿ tə́ya̰ ngangáḿ tə́.

PĀ GƏ̄ 51:15

Ngé mān̄ dɔ ndū najə̄ yāí gə̄ ní, m-ā m̄-ndóōdə́ gō róbə yāí gə̄. Loo ń noō tə́ ngé rāā majaĺ gə̄ a télən̄ yā reē gogə́ rɔ̄í tə́.

AMOS 5:10

Nge gɔŕyɔ̄ ngé rāā sarya gə̄ ní, nel̄sí sḭḭ̄ seneé aĺ ngá̰ý ō, nge kəda najə̄ kə́ rɔ̄kum ní, nel̄sí seneé aĺ ō.

OJEE 4:17

Epəraim gə̄ əhɔn̄ gō Nə́ɓā kə́ rɔ̄kum aĺ gə̄ ní, ə́ya̰īdə́!

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

IJAI 1:2

Dɔ rā̰, ōō! Ba ḭ̄ dɔ nang, ī-nēl̄ mbīí! I Kɔ́ɔ̄ɓē n a ɔr̄ najə̄ ní: M-ūl̄ ngán gə̄ adə̄ tɔgən̄, m-ə̄tō ngán gə̄, banī nin̄ əsōn̄ wōn̄g taḿ tə́ kɔ̄ɔ́.

EJEKIEL 33:22

Kété pá tá kadə̄ deē ní reē ugə̄ ní, Kɔ́ɔ̄ɓē rāā adə̄ m̄-ger̄ gō tɔ́gən, tām̄ ni-rāā adə̄ m̄-tél m-ɔ̄r̄ najə̄ gogə́. Dan ń teē kə ndɔ̄ kə́ noō dəloí á deē ní reē ugə̄ ní, gír kəlā ndo̰ḿ do̰ō̰ naā to̰ alé, adə̄ m-ɔ̄r̄ najə̄.

DANIEL 10:15

Dan ń deē ní a ɔr̄ najə̄ gə̄ ń noō seḿ ní, m-ə́la dɔḿ nang tə́ kɔ̄ɔ́ ō, m-ɔ̄r̄ najə̄ aĺ ō.

OJEE 4:4

Kɔ́ɔ̄ɓē əda na: Á̰a̰ī majə tá! Deē a əndā najə̄ dɔ deē tə́ kə̄ noó aĺ ō, deē a kɔ̄l̄ i kə de gēé malang aĺ ō. M-ā m̄-rāā sarya i sesí sḭḭ̄ ngé tun̄ yá̰a̰ gēé.

EJEKIEL 12:2

Ḭ̄ ngōn̄ deē, ī-ndi dan de kə́ ngé mbātə́ najə̄ gə̄ tə́. Kumdə́ i noó yā ka̰a̰ń loo ɓá ta banī nin̄ a̰ā̰n̄ loo alé. Mbīdə́ i noó kadə̄ koōń loo ɓá tā banī nin̄ oōn̄ loo alé. Tɔdɔ̄ i gír de kə́ ngé mbātə́ najə̄ gə̄.

EJEKIEL 12:3

I beé ní, ḭ̄ ngōn̄ deē, ɔ́sə nja yá̰a̰ mbā yāí kə̄ naā tə́ dan kadaá, ta kum de gə̄ tə́ malang tām̄ yā de kə́ a aw̄n̄ seneé kə̄ dɔ ɓē kə́ rang tə́ dɔ gúú tə́ tə́. Gō tə́ anī ī-ndɔ́tə̄ loo ń ī-ndi tū tə́ ní tə́ kɔ̄ɔ́ ba āw̄ loo kə́ rang tə́, ta kum de gə̄ tə́ malang. Na majanī a a̰a̰n̄ kadə̄ nin̄ i gír de kə́ ngé mbātə́ najə̄ gə̄.