EJEKIEL 3:23 - Bibəl ta Sar̄

²³ M-ḭ́ḭ dɔɔ́ m-āw̄ kem wól loo tə́ ō, anī kɔsə gɔn yā Kɔ́ɔ̄ɓē ɔjə rɔ̄n kə̄ ndágá loo ngeé ń noō tə́. Kɔsə gɔn ní to tītə̄ nge ń m-á̰a̰ kadə bā Kebar tə́ ní. Loo ń noō tə́ m-ə̄sō m̄-sébə kumḿ nang tə́.

Bible sar

²³ M-ḭ́ḭ dɔɔ́ m-āw̄ kem wól loo tə́ ō, anī *kɔsə gɔn yā Kɔ́ɔ̄ɓē ɔjə rɔ̄n kə̄ ndágá loo ngeé ń noō tə́. *Kɔsə gɔn ní to tītə̄ nge ń m-á̰a̰ kadə bā Kebar tə́ ní. Loo ń noō tə́ m-ə̄sō m̄-sébə kumḿ nang tə́.

EJEKIEL 3:23 Referans Kwoze

EJEKIEL 1:28

Loo kə́ unjə̄ kow ń gīr̄ gidən ní, to tītə̄ kə́ dēsə́ bā kə́ teē tū kil̄ man̄ tə́ ndɔ̄ man̄ kə́ edə tə́ beē. Yá̰á̰ ní ɔjə i kum gotə kɔsə gɔn yā Kɔ́ɔ̄ɓē. Dan ń m-á̰a̰ā̰ anī, m̄-teē m-ə̄sō m̄-sébə kumḿ nang tə́. Anī m-oō ndū deē kógə̄ḿ ɔr̄ najə̄ seḿ.

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

KƏLA RĀĀ 7:55

Ndíĺ kə́ Táĺ rosə kem Etiyen. Ni-ənī kumən kə̄ dɔɔ́ anī a̰a̰ kɔsə gɔn yā Nə́ɓā ō, a̰a̰ Jeju ra kə njan kə́ dɔɔ́ dɔ jī ko̰ Nə́ɓā tə́ ō.

JEJU TEĒ KUM JA̰A̰ 5:14

Anī yá̰á̰ kə́ kə kumuú kə́ sɔ́ gə̄ ní ədan̄ na: Adə̄ i tītə̄ ń noō. Loo ń noō tə́ kum kɔɔ̄ gə̄ ní əsōn̄ kə̄ nang tə́ rɔȳnəń.

JEJU TEĒ KUM JA̰A̰ 5:8

Ba dan ń ni-taā makətūbə̄ ní oy anī, yá̰á̰ kə́ kə kumuú kə́ sɔ́ gə̄ ní ō, kum kɔɔ̄ kə́ kutə jōó gidə i sɔ́ gə̄ ní ō, əsōn̄ kə̄ nang tə́ non tə́. Kənde i jīdə́ gə̄ tə́ kógə̄ḿ kógə̄ḿ ō, kópə gə̄ kə́ rāā kə lɔ́rɔ́ kə́ ítər rosə kem gə̄ i jīdə́ gə̄ tə́ ō. Yá̰a̰ gə̄ ń noō i ndɔ̄ȳ yā de gə̄ kə́ ɔrə̄n̄ kam̄də́ tām̄ yā Nə́ɓā tə́.

JEJU TEĒ KUM JA̰A̰ 4:10

kum kɔɔ̄ kə́ kutə jōó gidə i sɔ́ gə̄ əsōn̄ kə̄ nang tə́ no nge ń ndi dɔ kōr̄ kāgə̄ mbang tə́ ní, nin̄-rɔȳn̄ nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, nin̄-ɓōkə́n̄ jākā mbang yādə́ gə̄ nang tə́ no kōr̄ kāgə̄ mbang tə́ ō ba ədan̄ na:

DANIEL 8:17

Gabəriyel reē ngɔr kadə loo ń m̄-rā tū tə́ ní tə́. Dan ń a reē ní ɓōĺ rāām̄ ngá̰ý adə̄ m-ə̄sō m̄-sébə kumḿ nang tə́ kɔ̄ɔ́. Ni ədam̄ na: Ngōn̄ deē, majə kadə̄ ī-ber̄ kadə̄ yá̰á̰ ń á̰a̰ā̰ ní i tām̄ yā ndɔ̄ gə̄ kə́ ta ngóy tə́.

EJEKIEL 10:18

Kɔsə gɔn yā Kɔ́ɔ̄ɓē ndɔ́tə̄ kɔ̄ɔ́ ta kújə yā Kɔ́ɔ̄ɓē tə́ ba aw̄ ra dɔ Serubḛ gə̄ tə́.

EJEKIEL 9:3

Anī kɔsə gɔn yā Nə́ɓā yā Israel ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə́ kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ Kɔ́ɔ̄ɓē ɓāŕ deē ń o̰ō̰ kūbə̄ lḛ́ḛ ba do̰ō̰ bar ndang yá̰a̰ tū ndāŕ kə́ ɓōdə̄n tə́ ní,

TƏ́DA 16:19

Kore ɓāŕ de kə́ gōn tə́ gə̄ malang adə̄ reē ran̄ ta kújə́ ní tə́. Anī kɔsə gɔn yā Kɔ́ɔ̄ɓē teē ta kum ngán Israel gə̄ tə́ malang adə̄ a̰a̰n̄.

EJEKIEL 8:4

Kɔsə gɔn yā Nə́ɓā yā Israel teē hɔy kə̄ rɔ̄ḿ tə́ loo ní tə́, tītə̄ ń teēń hɔy kə̄ rɔ̄ḿ tə́ kété kem wól loo tə́ ní.

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.

EJEKIEL 43:3

Yá̰á̰ ń m-á̰a̰ā̰ ní, to tītə̄ yá̰á̰ ń m-á̰a̰ā̰ kété dan ń Kɔ́ɔ̄ɓē reēń nujə ɓē kə́ Jerusalem tə́ ō, dan ń m̄-rāń kadə bā Kebar tə́ ní ō. Loo ń noō tə́ m̄-tétə̄ kejəḿ nang tə́ ō, m-ɔ́sə noḿ nang tə́ ō.

EJEKIEL 44:4

Gō tə́ anī deē ní teē seḿ kə ta róbə́ kə́ dām̄ kə́ mbɔ́r ɓē kə́ ko̰ó̰ tə́ ba aw̄ seḿ bátə́ ta kújə yā Kɔ́ɔ̄ɓē tə́. M-á̰a̰ loo anī m-á̰a̰ kɔsə gɔn yā Kɔ́ɔ̄ɓē kə́ taā kem kújə yā Kɔ́ɔ̄ɓē malang. Anī m-ɔ́sə kejəḿ nang tə́ ba m-ɔ́sə noḿ nang tə́.

JOJUE 5:14

Deē ní tél ədan na: Mā i de kə́ dām̄ yāsí tə́ aĺ ō, kə́ dām̄ yā madə̄ ba̰ā̰sí gə̄ tə́ aĺ ō. Mā i ngol kósə́ ngé rɔ̄ɔ̄ gə̄ yā Kɔ́ɔ̄ɓē ba m-ūgə̄ i ngɔr ɓáý. Tā anī Jojue əsō sébə kumən nang tə́ rɔȳnneé ba ədan na: Mā i nge kəla yāí, i rí n kə m̄-rāā?