EJEKIEL 3:20 - Bibəl ta Sar̄

²⁰ Yá̰á̰ kə́ rang ń a rāā yá̰a̰ to̰ ní n toó: Ré de kə́ gōtə́ tūr̄ gidən kɔ̄ɔ́ ta yá̰á̰ kə́ majə tə́, ba rāā yá̰á̰ kə́ majanī, m-ā m̄-rāā kadə̄ ni a əsō kum gūmbə̄ tə́ ō, ni a oy ō. Ré ḭ̄ ī-tāān najə̄ yá̰á̰ kə́ to yo ń to kété non tə́ ní aĺ anī, ni a oy sɔɔ̄ń yá̰a̰ rāān kə́ majaĺ gə̄. M-ā m-āw̄ gíŕ yá̰a̰ rāān kə́ majə kə́ kété gə̄ tə́ to̰ alé, banī m-ā m-ə̄ndā najə̄ yon i dɔí ḭ̄ tə́.

Bible sar

²⁰ Yá̰á̰ kə́ rang ń a rāā yá̰a̰ to̰ ní n toó: Ré de kə́ gōtə́ tūr̄ gidən kɔ̄ɔ́ ta yá̰á̰ kə́ majə tə́, ba rāā yá̰á̰ kə́ majanī, m-ā m̄-rāā kadə̄ ni a əsō kum gūmbə̄ tə́ ō, ni a oy ō. Ré ḭ̄ ī-tāān najə̄ yá̰á̰ kə́ to yo ń to kété non tə́ ní aĺ anī, ni a oy sɔɔ̄ń yá̰a̰ rāān kə́ majaĺ gə̄. M-ā m-āw̄ gíŕ yá̰a̰ rāān kə́ majə kə́ kété gə̄ tə́ to̰ alé, banī m-ā m-ə̄ndā najə̄ yon i dɔí ḭ̄ tə́.

EJEKIEL 3:20 Referans Kwoze

EJEKIEL 18:24

Ba ré de kə́ majə lōō gír rāā yá̰á̰ kə́ gōtə́ tə́ ba rāā yá̰á̰ kə́ majaĺ, tām̄ ni ndájə̄ yá̰a̰ rāā kə́ majaĺ ngá̰ý gə̄ malang yā de kə́ majaĺ gə̄ anī, ɔ́jiīń na a ndi kə kumneé a? I beé alé! Yá̰a̰ malang kə́ majə gə̄ ń ni-rāā ní, dɔdə́ a ndígə̄nal dɔ tə́ kɔ̄ɔ́. Ni a oy sɔɔ̄ń ra kə́ ni-ra dɔ ndūn tə́ aĺ ō, yá̰á̰ kə́ majaĺ kə́ ni-rāā ō.

EJEKIEL 3:18

Dan ń m-ā m-ə́da nge rāā majaĺ na: Ā óy rɔ̄kum, ba ré ī-tāān adə̄ tūr̄ hálən ba ndiń kə kumneé alé anī, nge rāā majaĺ ní a oy sɔɔ̄ń yá̰a̰ rāān kə́ gōtə́ aĺ gə̄, banī m-ā m-ə̄ndā najə̄ yon i dɔí ḭ̄ tə́.

HEBƏRO 10:38

Deē ń i de kə́ gōtə́ yāḿ ní a ndi kə kumneé i kə ta kūl̄ taā kem. Banī ré ni-ɔr̄ rɔ̄n kə́ gogə́ anī, a nelə̄m̄ seneé alé.

EJEKIEL 18:26

Tītə̄ ń toō ré deē kógə̄ḿ kə́ nge rāā yá̰a̰ majə lōō gír rāā yá̰á̰ kə́ gōtə́, ba rāā yá̰a̰ majə aĺ, oy ō anī, oy i tām̄ yá̰á̰ kə́ majaĺ ń ni-rāā tə́ ní.

PĀ GƏ̄ 125:5

Banī ngé gə̄ ń unən̄ róbə́ kə́ súmūú aĺ gə̄ ní Kɔ́ɔ̄ɓē, majə kadə̄ ī-tə̄ɓādə́ kɔ̄ɔ́ naā tə́ kə ngé rāā madə̄də́ gə̄ yá̰á̰ kə́ majaĺ gēé! Ādə̄ lápə́ya reē kem ɓē kə́ Israel tə́!

1 JA̰A̰ 2:19

Nin̄-teēn̄ i danjí tə́, banī nin̄ i deē yājí gə̄ alé. Tām̄ ré nin̄ i deē yājí gə̄ anī, a ndin̄ sejí. Ba nge ń noō ɔjə kə̄ ndágá kadə̄ nin̄ i deē yājí gə̄ alé.

1 PIYER 2:8

Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.

EJEKIEL 33:18

Dan ń de kə́ gōtə́ əya̰ gō hálən kə́ gōtə́ ba rāā yá̰á̰ kə́ gōtə́ aĺ anī, ni a oy tāmən tə́.

JEREMI 6:21

I tām̄ ń toō tə́ n najə̄ ń Kɔ́ɔ̄ɓē əda ní n toó ní. m̄-tə́ndā gīgə̄ gə̄ no gír de gə̄ ń toō tə́, kadə̄ tə́gādə́ kadə̄ bḭ́ḭ̄n̄ ba tə́sōn̄. Bɔbə̄ ngōn̄ ō, ngōn̄ ō a bḭ́ḭ̄n̄ naā tə́ mbak. Madə̄ ɓē naā gə̄ ō, madə̄ naā gə̄ ō, a oyn̄.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

EJEKIEL 33:6

Banī yá̰á̰ ń asə kadə̄ a rāā yá̰á̰ ní n toó: Nge kum̄ loo a̰a̰ ngé rɔ̄ɔ̄ yā madə̄ ba̰ā̰ gə̄ loo reē tə́, ba kɔ̄ŕ bərúnjə alé adə̄ kósə de gə̄ i kə́ tāān̄də́ alé. Adə̄ madə̄ ba̰ā̰ reē tɔ̄l̄ deē kógə̄ḿ. Loo ń noō tə́ ní najə̄ i dɔ nge kum̄ loo tə́, adə̄ m-ā m̄-dəjen gír yo deē ní.

EJEKIEL 14:3

Ḭ̄ ngōn̄ deē, ōō! De gə̄ ń noō aw̄n̄ kə nə́ɓā yādə́ kə́ rɔ̄kum aĺ gə̄ ngarā̰ kemdə́ tə́ noō. Kemdə́ gḛy yá̰á̰ ń na rāādə́ adə̄ a tə́sōn̄ kum majaĺ tə́ ní ngá̰ý. Ní kə m-ə́ya̰ rɔ̄ḿ kadə̄ kə dəjemə̄n̄ najə̄ a?

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

IJAI 8:14

Tām̄ yā ɓē ko̰o̰ kə́ jōó gə̄ yā Israel tə́ ní, ni i loo kə́ táĺ, ni i mbal̄ kə́ nge kəga deē, mbal̄ kə́ nge rāā deē kadə̄ əsō. Ndɔ̄ń tə́ ni i gūmbə̄ tām̄ yā de kə́ Jerusalem gə̄ tə́.

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

1 KORḚNTƏ 1:23

Banī jḭḭ j-ɔjə i najə̄ yā Kərist kə́ əndanən̄ kə máyá̰ tū kāgə̄ kə́ dēsə́ tə́. I najə̄ kə́ əga Jipə gə̄ bə̄dē tə́, banī de gə̄ ń nin̄ i Jipə aĺ gə̄ ní, i najə̄ kə́ to mbóo ta kumdə́ nin̄ tə́.

Makətūbə̄ ń Pol ndang adə̄ Rom gə̄ ní 11:9

Dabid əda yān ō na: Kadə̄ yá̰a̰ kəsa yādə́ tél i gūmbə̄ kə́ kadə̄ əhɔdə́ ō, réng ō, mbḛ̄ kə́ kadə̄ tə́sōn̄ kemeé ō, yá̰á̰ kə́ tōr̄ kə́ kadə̄ rāādə́ ō.

Najə̄ kə́ Majə yā Jeju ń Luk ndang ní 8:15

Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

DANIEL 9:18

Ɓɔ́ Nə́ɓā yāḿ, ī-nēl̄ mbīí ōoń! Ī-teē kumií ba á̰a̰ loo yājí kə́ nujə sák sák gə̄ ō, á̰a̰ ɓē ń rīí ɓār̄ dɔ tə́ ní ō! tɔdɔ̄ jə-rāāī ɓɔ́ i kə ta kūl̄ yá̰a̰ rāājí kə́ gōtə́ gə̄ alé, ba i tām̄ kum ko̰ yāí kə́ ngá̰ý tə́.

EJEKIEL 7:19

Nin̄ a ɓōkə́n̄ gində̄ arjā̰a̰ yādə́ kum róbə kɔsə gə̄ tə́. Lɔ́r yādə́ a to i tītə̄ dɔ bū loo beé tām̄ yādə́ tə́. Gində̄ arjā̰a̰ yādə́ ō, lɔ́r yādə́ ō, a asən̄ kajədə́ ndɔ̄ wōn̄g yā Kɔ́ɔ̄ɓē tə́ alé. Nin̄ a əsan̄ yá̰a̰ to̰ aĺ ō, yá̰a̰ kəsa a gətóo kem tiīdə́ tə́ ō. Tɔdɔ̄ kété ní, gində̄ arjā̰a̰ yādə́ ō, lɔ́r yādə́ ō, rāān̄ rɔ̄də́ i gūmbə̄ tə́ tām̄ yādə́ tə́.

Gōsə̄ najə̄ gə̄ 25:12

Kɔ̄l̄ yā de kə́ nge kum kedə̄ to i tītə̄ kulūm̄ lɔ́r ō məde lɔ́r kə́ kərē ō, tām̄ yā deē ń nēl̄ mbīn majə oō ń tə́ ní.

PĀ GƏ̄ 119:165

Ngé gə̄ ń ndū najə̄ yāí nel̄də́ ngá̰ý ní, ī-sɔl̄ kemdə́ ngá̰ý, yá̰á̰ kógə̄ḿ kə́ əgadə́ bə̄dē tə́ gətóo.

PĀ GƏ̄ 36:3

Ni gír̄ kadə̄ ni i de kə́ majə, adə̄ ger̄ majaĺ yān aĺ ō, mbātə́ majaĺ yān aĺ ō.

2 YÁ̰A̰ GƏ̄ 25:15

Wōn̄g rāā Kɔ́ɔ̄ɓē seneé adə̄ əla nge koō ta kógə̄ḿ adə̄ reē ədan na: Nə́ɓā gə̄ yā gír de gə̄ ń toō ń asən̄ taādə́ jīí tə́ aĺ ní ī-rɔȳdə́ i tām̄ rí tə́?

2 YÁ̰A̰ GƏ̄ 24:2

Joas rāā yá̰á̰ kə́ gōtə́ ta kum Kɔ́ɔ̄ɓē tə́ kə dɔ ndɔ̄ gə̄ malang ń Yoyada nge tun̄ yá̰a̰ ndiń kə kumneé ní.

NDŪ NAJƏ̄ 13:3

Ká ré yá̰á̰ ní reē rāā yá̰a̰ rɔ̄kum tītə̄ ń ədań ní gə̄gē, ba ni mēr̄sí rāā ɓesə̄ gə̄ ō, rāā kəla kadə̄ ɓesə̄ gə̄ ń i nə́ɓā kə́ rang gə̄ kə́ sḭḭ̄ ī-gerīdə́ aĺ ní ō anī,

LEBI GƏ̄ 19:17

Ī-lōō gír̄ do kim̄ ngōkó̰ó̰í tə́. Ré ngōn̄ nge ɓē madí rāā yá̰á̰ kə́ gōtə́ aĺ anī, ī-gɔríyɔ̄n na sōgə́ najə̄ i dɔí tə́ tām̄ yān tə́.

Najə̄ kə́ Majə yā Jeju ń Luk ndang ní 2:34

Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

MATIYE 18:15

Ré ngōkó̰ó̰í rāā yá̰á̰ kə́ majaĺ kógə̄ḿ seí anī, āw̄ ə́ngen kə kérneé ba ɔ́jən yá̰á̰ kə́ gōtə́ aĺ ń ni-rāā ní. Ré ni-oō najə̄ yāí anī, ə́nge ngōkó̰ó̰í ní kɔ̄ɔ́.

JEREMI 34:16

Ba ī-tél ī-tūrī ndūsí ī-nujiīneé kə rīḿ. Sḭḭ̄ kógə̄ḿ kógə̄ḿ ī-tél ī-sāāī nja ɓəlo kə́ dəngam gə̄ ō, kə́ dəyá̰ gə̄ ō ń əya̰īdə́ dɔɔ́ ní kadə̄ rāān̄ kəla adə̄n̄sí gogə́.