EJEKIEL 3:19 - Bibəl ta Sar̄

¹⁹ Ba ré ḭ̄ ī-tāān banī ni-lōō gíŕ yá̰a̰ rāān kə́ gōtə́ aĺ gə̄ tə́ aĺ ō, lōō gíŕ hálən kə́ majaĺ tə́ aĺ ō anī, ni a oy sɔɔ̄ń yá̰a̰ rāān kə́ gōtə́ aĺ gə̄, banī ḭ̄ ā ájə rɔ̄í

Bible sar

¹⁹ Ba ré ḭ̄ ī-tāān banī ni-lōō gíŕ yá̰a̰ rāān kə́ gōtə́ aĺ gə̄ tə́ aĺ ō, lōō gíŕ hálən kə́ majaĺ tə́ aĺ ō anī, ni a oy sɔɔ̄ń yá̰a̰ rāān kə́ gōtə́ aĺ gə̄, banī ḭ̄ ā ájə rɔ̄í

EJEKIEL 3:19 Referans Kwoze

EJEKIEL 33:9

Ba ré ḭ̄ ī-tāā de kə́ majaĺ ní, ī-dəjen kadə̄ tūr̄ hálən, banī ni-rāā nge ń noō alé. Anī deē ngeé ń noō a oy najə̄ yá̰a̰ rāān gə̄ kə́ gōtə́ aĺ tə́, banī ḭ̄ ā ájə rɔ̄í.

1 TIMOTE 4:16

Ə̄ndā kumií gír rɔ̄í īkɔ́ tə́ ō, gíŕ yá̰á̰ ndóō yāí tə́ ō. Ə́hɔ rɔ̄í tɔgə tū yá̰a̰ gə̄ ń noō tə́. Loo ń ré ī-rāā beé anī, ā ájə rɔ̄í īkɔ́ ō, ā ájə́ ngé gə̄ ń oōn̄ najə̄ taí tə́ ní ō.

EJEKIEL 14:20

Ká ré Noe ō, Danel ō, Job ō, nin̄ i dan de kə́ kem ɓēé gə̄ tə́ anī, ra dɔ ndūdə́ tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā kə́ ndi kə kumneé n m-ə́da na i rɔ̄kum ní: Ngán kemdə́ nin̄ kɔ́ gə̄ gə̄gē nin̄ a asən̄ kajədə́ alé.

EJEKIEL 14:14

Ká ré de kə́ mətá kə́ tītə̄ Noe ō, Danel ō, Job ō, nin̄ i dan de gə̄ kə́ kem ɓē ń toō tə́ gə̄ tə́ anī, ra dɔ ndū tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā n m-ə́da najə̄ ń noō ní.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

KƏLA RĀĀ 20:26

Adə̄ m-ə́dásí wáńg ɓōólaā: Ré deē kógə̄ḿ kə́ dansí tə́ tḭ̄ḭ̄ ta rɔ̄n anī najə̄n i dɔḿ tə́ alé.

EJEKIEL 33:5

Ni oō kōō bərúnjə, ba usən dɔ tāā ń tāānən̄ tə́ ní alé. Adə̄ najə̄ yon i dɔn nəkɔ́ tə́. Ré usən i dɔ tə́ anī, loo kə́ beē tə́ ni a ajə rɔ̄n.

EJEKIEL 3:21

Ba ré ī-tāā de kə́ gōtə́ ní kadə̄ rāā yá̰á̰ kə́ majaĺ alé ō, ni-lōō gírí ō anī, ni a ndi kə kumneé sɔɔ̄ń tāā ń ī-tāān ní ō, ḭ̄ ā ájə rɔ̄í ō.

EJEKIEL 3:18

Dan ń m-ā m-ə́da nge rāā majaĺ na: Ā óy rɔ̄kum, ba ré ī-tāān adə̄ tūr̄ hálən ba ndiń kə kumneé alé anī, nge rāā majaĺ ní a oy sɔɔ̄ń yá̰a̰ rāān kə́ gōtə́ aĺ gə̄, banī m-ā m-ə̄ndā najə̄ yon i dɔí ḭ̄ tə́.

Gōsə̄ najə̄ gə̄ 29:1

Deē ń ndán̄gnən̄ ba dum̄ naā ní, a tétə̄n̄ kə̄ngōn̄ rárák gidə kógə̄ḿ ō, a gətóo ō!

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

EJEKIEL 33:3

Dan ń nge kum̄ loo a̰a̰ ngé rɔ̄ɔ̄ gə̄ yā madə̄ ba̰ā̰ loo reē tə́ anī, ni kɔ̄ŕ bərúnjə yā tāań de gə̄.