EJEKIEL 3:18 - Bibəl ta Sar̄

¹⁸ Dan ń m-ā m-ə́da nge rāā majaĺ na: Ā óy rɔ̄kum, ba ré ī-tāān adə̄ tūr̄ hálən ba ndiń kə kumneé alé anī, nge rāā majaĺ ní a oy sɔɔ̄ń yá̰a̰ rāān kə́ gōtə́ aĺ gə̄, banī m-ā m-ə̄ndā najə̄ yon i dɔí ḭ̄ tə́.

Bible sar

¹⁸ Dan ń m-ā m-ə́da nge rāā majaĺ na: Ā óy rɔ̄kum, ba ré ī-tāān adə̄ tūr̄ hálən ba ndiń kə kumneé alé anī, nge rāā majaĺ ní a oy sɔɔ̄ń yá̰a̰ rāān kə́ gōtə́ aĺ gə̄, banī m-ā m-ə̄ndā najə̄ yon i dɔí ḭ̄ tə́.

EJEKIEL 3:18 Referans Kwoze

EJEKIEL 33:6

Banī yá̰á̰ ń asə kadə̄ a rāā yá̰á̰ ní n toó: Nge kum̄ loo a̰a̰ ngé rɔ̄ɔ̄ yā madə̄ ba̰ā̰ gə̄ loo reē tə́, ba kɔ̄ŕ bərúnjə alé adə̄ kósə de gə̄ i kə́ tāān̄də́ alé. Adə̄ madə̄ ba̰ā̰ reē tɔ̄l̄ deē kógə̄ḿ. Loo ń noō tə́ ní najə̄ i dɔ nge kum̄ loo tə́, adə̄ m-ā m̄-dəjen gír yo deē ní.

EJEKIEL 3:20

Yá̰á̰ kə́ rang ń a rāā yá̰a̰ to̰ ní n toó: Ré de kə́ gōtə́ tūr̄ gidən kɔ̄ɔ́ ta yá̰á̰ kə́ majə tə́, ba rāā yá̰á̰ kə́ majanī, m-ā m̄-rāā kadə̄ ni a əsō kum gūmbə̄ tə́ ō, ni a oy ō. Ré ḭ̄ ī-tāān najə̄ yá̰á̰ kə́ to yo ń to kété non tə́ ní aĺ anī, ni a oy sɔɔ̄ń yá̰a̰ rāān kə́ majaĺ gə̄. M-ā m-āw̄ gíŕ yá̰a̰ rāān kə́ majə kə́ kété gə̄ tə́ to̰ alé, banī m-ā m-ə̄ndā najə̄ yon i dɔí ḭ̄ tə́.

KƏLA RĀĀ 2:40

Piyer ɔr̄ najə̄ kə́ rang gə̄ ngá̰ý sedə́ loo de kə́ kum yá̰á̰ tə́ tə́ ɔjəńdə́ yá̰a̰ kadə̄ gerə̄n̄ ō, mēr̄də́ kəhɔ rɔ̄də́ tɔgə ō ədadə́ na: Ī-ndigiī yá̰á̰ ń i kajə ní ādə̄ ajən̄sí, loo ń noō tə́ ā ī-teēī kɔ̄ɔ́ dan gír de kə́ tadə́ tḭ̄ḭ̄ kɔ̄ɔ́ gə̄ ń toō tə́!

Najə̄ kə́ Majə yā Jeju ń Luk ndang ní 13:5

A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī kɔ̄ɔ́ malang tītə̄ ń noō ō.

1 TIMOTE 4:16

Ə̄ndā kumií gír rɔ̄í īkɔ́ tə́ ō, gíŕ yá̰á̰ ndóō yāí tə́ ō. Ə́hɔ rɔ̄í tɔgə tū yá̰a̰ gə̄ ń noō tə́. Loo ń ré ī-rāā beé anī, ā ájə rɔ̄í īkɔ́ ō, ā ájə́ ngé gə̄ ń oōn̄ najə̄ taí tə́ ní ō.

JA̰A̰ 8:21

Jeju ɔr̄ najə̄ sedə́ ɓáý to̰, ədadə́ na: M-ā m-āw̄, ba ā ī-sāāmī, banī ā óyiī kum majaĺ yāsí tə́. Loo ń m-ā m-āw̄ kə̄ tū tə́ ní, sḭḭ̄ ásiī kugə̄ tū tə́ alé.

EJEKIEL 18:20

I deē ń rāā majaĺ ní n sɔɔ̄ kadə̄ ni-oy ní. A əndan̄ ngán gə̄ tām̄ majaĺ yā bɔbə̄də́ gə̄ tə́ aĺ ō, a əndan̄ bɔbə̄ ngán gə̄ tām̄ majaĺ yā ngáńdə́ gə̄ tə́ aĺ ō. Deē ń rāā yá̰á̰ kə́ majə ní, a əndān̄ njan tām̄ yá̰a̰ rāān gə̄ kə́ gōtə́ tə́ ō, deē ń rāā yá̰á̰ kə́ majaĺ ní, a əndanən̄ tām̄ yá̰a̰ rāān kə́ majaĺ tə́ ō.

JA̰A̰ 8:24

I tām̄ najə̄ ń noō tə́ n m-ə́dásí na ā óyiī kum majaĺ yāsí gə̄ tə́ ní. Ré ī-taāī kem kadə̄ Mā i Mā ń m̄-ndi noó ní aĺ anī, ā óyiī kum majaĺ yāsí gə̄ tə́.

EJEKIEL 34:10

Mā Kɔ́ɔ̄ɓē Nə́ɓā m̄-tāāsí. M-ā m̄-rāā yá̰á̰ kógə̄ḿ sesí sḭḭ̄ ngé ngɔ̄m̄ yá̰a̰ kul̄ gēé. M-ā m̄-taā yá̰a̰ kul̄ yāḿ gə̄ jīsí tə́ kɔ̄ɔ́ ō, m-ā m-ɔ̄gə̄sí kɔr nodə́ ō. Loo ń noō tə́ sḭḭ̄ ā ásiī kənge yá̰á̰ kógə̄ḿ tū yá̰a̰ kul̄ yāḿ gə̄ tə́ to̰ alé. M-ā m̄-nār̄ batə̄ yāḿ gə̄ yā taādə́ tasí tə́ ō, ā ūlī rɔ̄sí kə batə̄ yāḿ gēé to̰ aĺ ō.

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

Gōsə̄ najə̄ gə̄ 14:32

Yá̰á̰ kə́ majaĺ yā nge kem ndul mbəre nge kem ndul ənīn, banī ká ré ni toń i ta yo tə́ gə̄gē de kə́ súmūú ənī kemən mámák.

1 TIMOTE 5:22

Ī-lōō tewle kəndā jīí dɔ deē kógə̄ḿ tə́. Əla rɔ̄í dan majaĺ yā deē tə́ alé. Ī-ngɔ̄m̄ hálí īkɔ́, ādə̄ ḭ̄ i de kə́ ūnjə̄ njáý njáý.

KƏLA RĀĀ 3:19

I beé ní ī-tūrī háĺsí ō, ī-tūrī rɔ̄sí kə̄ rɔ̄ Nə́ɓā tə́ ō, ādə̄ ni-ɔr̄ yá̰á̰ kə́ majaĺ gə̄ ń ī-rāāī ní kɔ̄ɔ́.

Najə̄ kə́ Majə yā Jeju ń Luk ndang ní 13:3

A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī malang tītə̄ ń noō ō.

EJEKIEL 18:13

Ni-adə̄ nar yān loo tə̄nā tə́ yā kəngeń manə̄n dɔ tə́ ō, yā kəngeń yá̰á̰ gírí ō. Ngōn̄ ń noō ní a ndi kə kumneé a? Rɔ̄kum, a ndi kə kumneé alé! Yá̰á̰ kə́ majaĺ ngá̰ý gə̄ malang ń noō ni-rāādə́. Adə̄ ni a oy ō, najə̄ yon a tél yā kəsō i dɔn nəkɔ́ tə́ ō.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

2 MBAN̄G 1:4

Ba gō tə́ anī kə ədadə́ na najə̄ ń Kɔ́ɔ̄ɓē əda tām̄ yā mban̄g kə́ Israel tə́ ní n toó: Tə̄rá ń ī-to dɔ tə́ toō ā ḭ́ḭ dɔ tə́ karī alé, a oy gáŕ. Anī Eli ɔtə aw̄.

TA KƏLA 2:17

ba ī-lōō kəsa kan̄ kāgə̄ kə́ ré deē əsa anī a ger̄ yá̰á̰ kə́ majə ō, yá̰á̰ kə́ majaĺ ō, tɔdɔ̄ ndɔ̄ ń ā ə́sá tə́ ní, ā óy.

2 SAMUEL 4:11

Anī ngé rāā majaĺ gə̄ kə́ tɔ̄lə̄n̄ de kə́ kanjə̄ najə̄ dɔn tə́, kə́ to kújú kem tə̄rá yān tə́ ní tá, kə m-ə̄ndā njadə́ kadə̄ tɔ̄ȳ nge ń noō aĺ a? Deē ń ī-tɔ̄lī ní mósən a əsō dɔsí tə́. M-ā m̄-rāā kadə̄ a ī-gətóoī kɔ̄ɔ́ dɔ nang tə́.

TƏ́DA 26:65

Tɔdɔ̄ Kɔ́ɔ̄ɓē ədadə́ na a oyn̄ kem dəla loo tə́. Nin̄ oyn̄ rɔ̄kum tām̄ deē kógə̄ḿ kə́ dandə́ tə́ kə́ teē gətóo, ba i Kaleb ngōn̄ Yepune ō, Jojue ngōn̄ Nun ō, ngóy n teēn̄ ní.

TA KƏLA 42:22

Ruben un najə̄ əda na ké n-ədadə́ kété aĺ wa. N-ədadə́ na kə rāān̄ yá̰á̰ kə́ majaĺ kə ngōn̄ ń noō alé anī na oōn̄ alé. Ní, kə a̰a̰n̄, i ni n a dəjen̄də́ kə̄rā mósən toó.

1 SAMUEL 8:9

Beé ní ōō yādə́ ba ɔ́jə́də́ loo ko̰o̰ ń mban̄g a o̰o̰ ɓē dɔdə́ tə́ ní kété ādə̄ gerə̄n̄.

EJEKIEL 33:12

Ba ḭ̄ ngōn̄ deē, de gə̄ kə́ dan gír deē yāí gə̄ tə́ ní, ə́dádə́ yá̰á̰ ń toō ɓáý to̰: Ré de kə́ nge rāā yá̰á̰ kə́ gōtə́ ḭḭ rāā yá̰á̰ kə́ majaĺ ndɔ̄ kə́rēý tə́ anī, yá̰á̰ kə́ majə ń ni-rāā kété ní, a ajən alé. Ré deē kógə̄ḿ kə́ majaĺ əya̰ róbə yān kə́ majaĺ ndɔ̄ kə́rēý tə́ anī, yá̰á̰ kə́ majaĺ ń ni-rāā kété ní, a rāā kadə̄ tan a tḭ̄ḭ̄ alé. Adə̄ háĺ kə́ majə yā de kə́ gōtə́ a rāā kadə̄ ni a ndi kə kumneé, ndɔ̄ ń ni a rāań yá̰á̰ kə́ majaĺ tə́ ní alé.