EJEKIEL 3:17 - Bibəl ta Sar̄

¹⁷ Ḭ̄ ngōn̄ deē, m-ə̄ndāī i nge kum̄ loo tə́ tām̄ yā ngán Israel gə̄ tə́. Ā ōō najə̄ kɔrə̄ḿ ō, ā ī-tāā ngán Israel gə̄ yā kadə̄m̄ ō.

Bible sar

¹⁷ Ḭ̄ ngōn̄ deē, m-ə̄ndāī i nge kum̄ loo tə́ tām̄ yā ngán *Israel gə̄ tə́. Ā ōō najə̄ kɔrə̄ḿ ō, ā ī-tāā ngán *Israel gə̄ yā kadə̄m̄ ō.

EJEKIEL 3:17 Referans Kwoze

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

IJAI 62:6

Jerusalem, m̄-tə́ndā ngé ngɔ̄m̄ loo gə̄ dɔ ndogə̄ mbal̄ yāí gə̄ tə́. Kadaá gē ndɔ̄ɔ́ gē ní, i gáŕ kadə̄ nin̄ a ndin̄ tadə́ mbóo alé. Sḭḭ̄ ngé ngɔ̄m̄ loo gə̄ ń ī-raī kə Kɔ́ɔ̄ɓēé kadə̄ əga kemən dɔ Jerusalem tə́ ní, ī-lōōī kɔr̄ koō.

IJAI 52:8

Ngé ngɔ̄m̄ loo gə̄ ń ī-tə́ndādə́ ní, ōō najə̄ yādə́. Nin̄ malang əgan̄ kɔŕ rɔ̄nel̄ ndɔ̄ naā tə́, tām̄ nin̄ a̰a̰n̄ Kɔ́ɔ̄ɓē loo tél reē tə́ gogə́ Siyo̰ kə kumdə́.

2 YÁ̰A̰ GƏ̄ 19:10

Kə dɔ reē ngákó̰ó̰sí gə̄ ń ḭḭn̄ kə̄ kem ɓē yādə́ gə̄ tə́ a reēn̄ kə najə̄ yādə́ gēé nosí tə́ noō, ká i najə̄ kə́ dɔ tɔ̄l̄ deē tə́, aké i kə́ dɔ ndū najə̄ tə́, aké i kə́ dɔ yá̰a̰ gə̄ ń ī-ndang kadə̄ yā rāā gə̄ ní tə́, aké i kə́ dɔ yá̰a̰ kāgə̄ ɓē tə́ anī, ī-ndóōīdə́ ādə̄ gerə̄n̄, na sōgə́ rāān̄ yá̰á̰ kə́ majaĺ kə Kɔ́ɔ̄ɓē kadə̄ najə̄ i dɔdə́ tə́. Loo ń noō tə́ wōn̄g a rāā Kɔ́ɔ̄ɓē sesí aĺ ō, wōn̄g a rāān kə ngákó̰ó̰sí gēé aĺ ō. Ī-rāāī tītə̄ ń noō anī najə̄ a əsō dɔsí tə́ alé.

KOLOSƏ 1:28

I Kərist ngeé ń toō n j-ɔjə de gə̄ malang najə̄ yān ní. Jə-tāādə́ kógə̄ḿ kógə̄ḿ ō, j-ɔjədə́ yá̰a̰ kə kum kedēé ō, kadə̄ de gə̄ kógə̄ḿ kógə̄ḿ télən̄ de kə́ majə ɔtə̄ kə taá gə̄ kə gō ɓoo naā yādə́ kə Kərist.

JEREMI 6:17

m̄-ɓāŕ ngé ngɔ̄m̄ loo gə̄ kadə̄ əndān̄ kumdə́ gíŕsí tə́. Ī-nēlī mbīsí majə ōōneé kōō tōw̄. Ba nin̄ ədan̄ na: J-a jə-nēl̄ mbījí alé.

1 TESALONIK 5:14

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

2 KORḚNTƏ 5:20

I Kərist n əlají rɔ̄sí tə́ yā kɔr̄ najə̄ sesí kə rīneé ní. Adə̄ i tītə̄ kə́ i ngarān̄g kum Nə́ɓā nəkɔ́ n ndə̄mā tají adə̄ńsí kɔjə̄ beé. Ní, jə-rāāsí ɓɔ́ kə rī Kərist, ādī əndān̄sí naā tə́ kə Nə́ɓāá, ba ī-lōōī mbātə́.

2 KORḚNTƏ 5:11

Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.

1 KORḚNTƏ 4:14

m̄-ndang yá̰a̰ gə̄ ń toō i yā rāań kadə̄ rɔ̄sí sɔl̄sí alé, banī m̄-tāāsí i mbéé kə́ ngáń kó tár yāḿ gə̄ tə́.

HABAKUK 2:1

Mā m̄-ndigə ra loo ngɔ̄m̄ loo ń əndāmə̄n̄ tū tə́ ní tə́. M-ā m̄-ra kə njaḿ dɔɔ́ dɔ ndogə̄ mbal̄ kə́ yā rɔ̄ɔ̄ń dɔ ɓē tə́ tə́. M-ā m̄-ngóō yā ger̄ yá̰á̰ ń Nə́ɓā a ədam̄ ní ō, yā ger̄ loo dal ń ni a dal nōō rɔ̄ yāḿ gə̄ ní ō.

IJAI 58:1

Kɔ́ɔ̄ɓē əda na: Ī-teē ngaāí ngá̰ý ə́gań kɔŕ! Ī-lōō kəhɔ rɔ̄í! Ī-rāā ndūí ādə̄ ɓār̄ tītə̄ bərúnjə beé! Ɔ́jə́ gír deē yāḿ gə̄ yá̰a̰ rāādə́ kə́ gōtə́ aĺ gə̄, ɔ́jə kojə yā Jakob gə̄ majaĺ yādə́ gə̄.

IJAI 56:10

Ngé ngɔ̄m̄ Israel gə̄ malang i məndō gə̄, nin̄ a̰a̰n̄ yá̰á̰ kógə̄ḿ gerə̄n̄ aĺ bátə́. Nin̄ malang i bísə́ kə́ gír kəlā ndo̰də́ gə̄ do̰ō̰ naā kɔ̄ɔ́ gə̄, ndōgə̄ gə̄gē nin̄ asən̄ ndōgə̄ alé. Nin̄ ton̄ nang tə́ ō, nī rāādə́ ō, ɓīī nel̄ tadə́ ō.

1 KORḚNTƏ 12:28

I beé n Nə́ɓā əndāń ngámbang kəla gə̄ kété kem Egəlijə tə́ ní. De gə̄ ń utə̄n̄ gōdə́ ní i ngé koō ta gə̄. Kə́ ko̰ mətá i nge ndóō de gə̄ yá̰a̰ gə̄. Gōdə́ nin̄ tə́ i ngé rāā yá̰á̰ kə́ yáā gə̄. Kutə gō anī i ngé kaw̄ kə tɔ́gə́ kə́ yā rāā kadə̄ rɔ̄ de gə̄ ngáā ō, ngé rāā kə deē madə̄də́ gēé ō, ngé kɔr no madə̄də́ gə̄ ō, ngé kɔr̄ najə̄ kə ta kə́ tayā gə̄ ō.

JEREMI 6:10

M-ā m-ɔ̄r̄ najə̄ i kə náā? I náā n i kə́ kum tə́ yāḿ kadə̄ de gə̄ oōneé najə̄ kɔrə̄ḿ ní? Á̰a̰ī, nin̄ mbīdə́ i kə́ kutə̄ kɔ̄ɔ́. Asən̄ nēl̄ mbīdə́ koōń najə̄ alé. Rāān̄ najə̄ yā Kɔ́ɔ̄ɓē i ndū kə́ deē tájə̄ tə́, adə̄ ndigən̄ koō alé.

IJAI 21:6

Yá̰á̰ ń Kɔ́ɔ̄ɓē ədam̄ ní n toó: Āw̄ kə nge kum̄ looó ə̄ndān loo kógə̄ḿ tə́ ādə̄ um̄ loo. Ni a əda yá̰á̰ ń ni a a̰a̰ ní.

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

IJAI 21:8

Anī nge kum̄ loo əga kɔŕ əda na: Ngol, m̄-rā dɔ kújə ngɔ̄m̄ ɓē kə́ ngāl̄ ɓururu tə́ dəloí bátə́ loo tíbə dɔḿ tə́, m̄-rā loo ń m-ā m̄-ngɔ̄məń loo tə́ ní ndɔ̄ɔ́ bátə́ loo tīī dɔḿ tə́.

PĀ KƏ́ MAJƏ 5:7

Ngé ngɔ̄m̄ loo gə̄ ń njə̄rān̄ a gīrə̄n̄ gidə ɓē ní əngemən̄. Nin̄ əndamə̄n̄ ō, adə̄mə̄n̄ do ō. Nin̄ ɔrə̄n̄ kūbə̄ ń m̄-seĺ dɔḿ tə́ ní kɔ̄ɔ́.

PĀ KƏ́ MAJƏ 3:3

Ngé ngɔ̄m̄ loo gə̄ ń njə̄rā a gīrə̄n̄ gidə ɓē ní əngemə̄n̄, m̄-dəjedə́ na: Nge ń kemḿ gḛyn ní á̰a̰niī a?

MATIYE 3:7

Dan ń Ja̰a̰ a̰a̰ Parijiyḛ gə̄ ngá̰ý ō, Sadusiyḛ gə̄ ngá̰ý ō, reēn̄ rɔ̄n tə́ kadə̄ n-rāādə́ batém anī ədadə́ na: Sḭḭ̄, gír kaa lī kakə́m gə̄, wōn̄g yā Nə́ɓā ń a reē ní, i náā n ɔjəsí loo ka̰ȳ ta tə́ kɔ̄ɔ́ ní?

EJEKIEL 2:7

Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.

EJEKIEL 11:4

I beé ní, ḭ̄ ngōn̄ deē, ī-teē kə gíŕdə́ dɔɔ́, kə ta kūl̄ najə̄ ń m-ə̄ndā taí tə́ ní.

EJEKIEL 11:25

Loo ń noō tə́ m-ə̄nī de gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní gotə yá̰a̰ malang ń Kɔ́ɔ̄ɓē rāā adə̄ m-á̰a̰ā̰ ní.

Makətūbə̄ yā Aje 1:13

Gō tə́ anī, Aje ń i nge kəla yā Kɔ́ɔ̄ɓē ní, ədadə́ najə̄ ń toō ń Kɔ́ɔ̄ɓē əndā tan tə́ ní: Mā Kɔ́ɔ̄ɓē m-ə́dásí kə̄ ndágá wáńg na mā i naā tə́ sesí.

JEREMI 1:7

Kɔ́ɔ̄ɓē ədam̄ na: Ī-lōō kəda na: Mā i ngōn̄ ngá̰ý ɓáý. Loo malang ń m-ə́laī tū tə́ ní, āw̄ tū tə́, yá̰a̰ malang ń m-ādī ndūḿ kadə̄ ə́dá ní, ā ə́dá yá̰á̰ ní.