EJEKIEL 3:12 - Bibəl ta Sar̄

¹² Loo ń noō tə́ Ndíĺ Nə́ɓā unəm̄ nang tə́ kum kə̄ dɔɔ́, anī m-ōō najə̄ kə́ kun ndū kə̄ dɔɔ́ ngá̰ý kədań ń toō gidəḿ tə́: J-ənī pā tɔ̄ȳ Kɔ́ɔ̄ɓē loo ń ni-rāā yá̰á̰ kə́ to kɔsə gɔn yān tū tə́ ní.

Bible sar

¹² Loo ń noō tə́ Ndíĺ Nə́ɓā unəm̄ nang tə́ kum kə̄ dɔɔ́, anī m-ōō najə̄ kə́ kun ndū kə̄ dɔɔ́ ngá̰ý kədań ń toō gidəḿ tə́: J-ənī pā tɔ̄ȳ Kɔ́ɔ̄ɓē loo ń ni-rāā yá̰á̰ kə́ to *kɔsə gɔn yān tū tə́ ní.

EJEKIEL 3:12 Referans Kwoze

KƏLA RĀĀ 8:39

Dan ń teēn̄ kum man̄ tə́ anī, Ndíĺ Kɔ́ɔ̄ɓē un Pilipə aw̄ seneé kɔ̄ɔ́. Áji mbang ní a̰a̰n to̰ alé, ba ni-un róbə yān kə rɔ̄nelēé.

EJEKIEL 8:3

Ni-əla yá̰á̰ kógə̄ḿ kə́ to tītə̄ jīn beé əhɔń nənga. Anī loo ka̰a̰ yá̰á̰ kə́ ḭḭ rɔ̄ Nə́ɓā tə́ ngeé ń noō ní, Ndíl unəm̄ aw̄ seḿ ɓōdə̄ loo tə́, dɔ dán dɔ rā̰ nin̄ kə dɔ nangaá tə́, ba aw̄ seḿ Jerusalem. Ta róbə́ kə́ dām̄ mbɔ́r ɓē kə́ ko̰ó̰ tə́ kə́ yā kudəń kə̄ kem ɓēé ní, m-á̰a̰ rɔ̄ḿ i kemeé, loo ń udən̄ ɓesə̄ tū tə́ ní tə́. Ɓesə̄ ní i ndū kə́ tájə̄n̄neé Nə́ɓā.

EJEKIEL 11:1

Ndíl Kɔ́ɔ̄ɓē unəm̄ nang tə́ kum kə̄ dɔɔ́, ba aw̄ seḿ ta kújə yā Kɔ́ɔ̄ɓē kə́ dām̄ kə́ gír ɓēé tə́. De kə́ dəngam gə̄ kutə jōó gidə i mí ndin̄ ta róbə́ tə́. M-á̰a̰ ngār gə̄ yā ngán Israel gə̄ jōó dandə́ tə́ m̄-ger̄də́. I Yajania kə́ ngōn̄ Ajur ō, Pelatia kə́ ngōn̄ Benaya ō.

KƏLA RĀĀ 2:2

Anī kōō yá̰á̰ kógə̄ḿ teē dɔ rā̰ tə́ rétə́ gēé tītə̄ kōō néĺ kə́ əla kə tɔ́gɔ́ ngá̰ý beé. Kōō yá̰á̰ ní taā kem kújə́ ń nin̄-ndin̄ kemeé ní malang.

EJEKIEL 3:14

Ndíĺ unəm̄ nang tə́ kum kə̄ dɔɔ́ ní, aw̄ seḿ. Kɔ́ɔ̄ɓē əhɔm̄ kə tɔ́gəneé i kəhɔ kə́ m-ásə dum̄ tan aĺ ō, m-āw̄ i kə kemḿ kə́ nelə̄m̄ aĺ ō, wōn̄g rāām̄ ō.

JEJU TEĒ KUM JA̰A̰ 19:6

Gō tə́ anī, m-ōō kōō yá̰á̰ kə́ ɓār̄ tītə̄ kōō kósə de kə́ ngá̰ý gə̄ beé ō, tītə̄ man̄ bā kə́ ngá̰ý ō, tītə̄ kōō man̄ kə́ ndang ngá̰ý ō. Kósə de gə̄ ní ədan̄ na: Aleluya! Tɔdɔ̄ Kɔ́ɔ̄ɓē Nə́ɓā yājí kə́ bo kə́ tɔ́gən i ngá̰ý o̰o̰ ɓē.

JEJU TEĒ KUM JA̰A̰ 1:15

Njan to tītə̄ gində̄ nə̄ngá kasə kə́ nō horoó beé ō, ndūn ɓār̄ tītə̄ kōō man̄ kə́ ngá̰ý kə́ a ɓār̄ beé ō.

JEJU TEĒ KUM JA̰A̰ 1:10

Ndíĺ Nə́ɓā reē dɔḿ tə́ ndɔ̄ yā Kɔ́ɔ̄ɓē tə́, əhɔm̄ adə̄ m̄-ger̄ gōn, anī m-ōō ndū deē kógə̄ḿ ɓār̄ ngá̰ý tītə̄ kōō bərúnjə beé gōḿ tə́,

EJEKIEL 10:4

Kɔsə gɔn yā Kɔ́ɔ̄ɓē ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ kil̄ man̄ reē taā kem kújə yā Kɔ́ɔ̄ɓē ō, loo kə́ unjə̄ kow yā kɔsə gɔn yā Kɔ́ɔ̄ɓē taā loo ndágə loo kə́ gīr̄ gidə kújə yā Kɔ́ɔ̄ɓē tə́.

EJEKIEL 9:3

Anī kɔsə gɔn yā Nə́ɓā yā Israel ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə́ kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ Kɔ́ɔ̄ɓē ɓāŕ deē ń o̰ō̰ kūbə̄ lḛ́ḛ ba do̰ō̰ bar ndang yá̰a̰ tū ndāŕ kə́ ɓōdə̄n tə́ ní,

EJEKIEL 2:2

Dan ń ni ədam̄ najə̄ ń noō anī, Ndíl udə kemḿ tə́ ba un udəm̄ dɔɔ́. Adə̄ m-ōō najə̄ yā deē ń a ɔr̄ najə̄ seḿ ní.

IJAI 6:3

Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!

PĀ GƏ̄ 148:2

Sḭḭ̄ ń ī-ndiī loo kə́ dɔɔ́ gə̄ tə́ ní ī-tɔ̄ȳniī. Deē yān gə̄ kə́ dɔ rā̰ tə́ malang ī-tɔ̄ȳniī. Ɓūtə̄ yān gə̄ malang ī-tɔ̄ȳniī.

2 MBAN̄G 2:16

ba ədanən̄ na n-aw̄n̄ kə de kə́ kəhɔ rɔ̄də́ tɔgə gə̄ kutə mí adə̄ na n-a n-əlan̄də́ sāā kɔ́ɔ̄n tə́. Tɔdɔ̄ Ndíĺ Kɔ́ɔ̄ɓē ń na un kɔ́ɔ̄n aw̄ seneé ní majanī na aw̄ ənīn dɔ mbal̄ kógə̄ḿ tə́, aláa wól loo kə́rēý tə́. Elije tél ədadə́ na: Ī-lōōī kəla deē!

1 MBAN̄G GƏ̄ 18:12

Ré m-ə́ya̰ī ba m-ɔ́tə kɔ̄ɔ́ anī, Ndíĺ Kɔ́ɔ̄ɓē a reē yā kuniī kaw̄ seí loo kə́ m-ā m̄-ger̄ aĺ tə́. Ré m-ə́da Akab kōōí ba əngeī aĺ anī a tɔ̄lə̄m̄. Tá mā m-ə́lá gír ɓōĺ Kɔ́ɔ̄ɓē i dan ń mā i balsáá ɓáý ní.

EJEKIEL 3:11

Ba gō tə́ anī āw̄ rɔ̄ ngákó̰ó̰í gə̄ ń i ngán Israel ní tə́, nin̄ ń ɔyn̄də́ dɔ gúú tə́ reēn̄ sedə́ laā ní. Ɔ̄r̄ najə̄ sedə́, ə́dádə́ na: Najə̄ ń Kɔ́ɔ̄ɓē Nə́ɓā əda ní n toó: Ká nin̄ oōn̄ najə̄ yāí aáā, oōn̄ aĺ aáā, ɔ̄r̄ najə̄ sedə́.

PĀ GƏ̄ 26:8

Kɔ́ɔ̄ɓē, kújə́ ń ī-ndi kemeé ní nelə̄m̄ ō, loo ń kɔsə gɔn yāí i tū tə́ ní nelə̄m̄ ō.

EJEKIEL 43:4

Kɔsə gɔn yā Kɔ́ɔ̄ɓē udə kem kújə yā Kɔ́ɔ̄ɓē tə́, kə ta róbə́ kə́ dām̄ kə́ gír ɓē tə́.

EJEKIEL 43:5

Ndíĺ Nə́ɓā unəm̄ dɔɔ́ ba aw̄ seḿ ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́. M-á̰a̰ kadə̄ kɔsə gɔn yā Kɔ́ɔ̄ɓē taā loo kem kújə yā Kɔ́ɔ̄ɓē tə́.