EJEKIEL 3:11 - Bibəl ta Sar̄

¹¹ Ba gō tə́ anī āw̄ rɔ̄ ngákó̰ó̰í gə̄ ń i ngán Israel ní tə́, nin̄ ń ɔyn̄də́ dɔ gúú tə́ reēn̄ sedə́ laā ní. Ɔ̄r̄ najə̄ sedə́, ə́dádə́ na: Najə̄ ń Kɔ́ɔ̄ɓē Nə́ɓā əda ní n toó: Ká nin̄ oōn̄ najə̄ yāí aáā, oōn̄ aĺ aáā, ɔ̄r̄ najə̄ sedə́.

Bible sar

¹¹ Ba gō tə́ anī āw̄ rɔ̄ ngákó̰ó̰í gə̄ ń i ngán *Israel ní tə́, nin̄ ń ɔyn̄də́ dɔ gúú tə́ reēn̄ sedə́ laā ní. Ɔ̄r̄ najə̄ sedə́, ə́dádə́ na: Najə̄ ń Kɔ́ɔ̄ɓē Nə́ɓā əda ní n toó: Ká nin̄ oōn̄ najə̄ yāí aáā, oōn̄ aĺ aáā, ɔ̄r̄ najə̄ sedə́.

EJEKIEL 3:11 Referans Kwoze

EJEKIEL 2:7

Sɔɔ̄ń dɔ ngan̄g yādə́ ní, ká nin̄ oōn̄ najə̄ yāí aáā, oōn̄ najə̄ yāí aĺ aáā, yá̰á̰ ń m-ā m-ə́daī ní, ə́dádə́.

EJEKIEL 3:27

Ba ré m-ā m-āw̄ kə yá̰á̰ kógə̄ḿ yā kədadə́ kə ta kūlīí anī, m-ā m̄-rāāī ásə kɔr̄ najə̄ gogə́. Loo ń noō tə́ ā ə́dádə́ na: Najə̄ ń Kɔ́ɔ̄ɓē Nə́ɓā əda ní n toó. Ngé kə́rēý gə̄ a oōn̄ ō, ngé kə́rēý gə̄ a mbātə́n̄ koō ō. Tām̄ nin̄ i gír de kə́ ngé dum̄ naā gə̄.

EJEKIEL 33:30

Ḭ̄ ngōn̄ deē, ōō! Israel gə̄ ɔrə̄n̄ najə̄ yāí kə gō kadə ndogə̄ mbal̄ gə̄ kem ɓēé, aláa ta róbə́ kújə yādə́ gə̄ tə́. Nin̄ ədan̄ naā dɔ dáńdə́ tə́ na: I beé ní, ādə̄ j-aw̄ j-oōī yá̰á̰ Kɔ́ɔ̄ɓē əda ní.

EJEKIEL 33:17

Ngán Israel gə̄ ədan̄ na: Loo rāā yá̰a̰ yā Kɔ́ɔ̄ɓē na majə alé. Banī i loo rāā yá̰a̰ yādə́ nin̄ n i kə́ majaĺ ní!

EJEKIEL 33:12

Ba ḭ̄ ngōn̄ deē, de gə̄ kə́ dan gír deē yāí gə̄ tə́ ní, ə́dádə́ yá̰á̰ ń toō ɓáý to̰: Ré de kə́ nge rāā yá̰á̰ kə́ gōtə́ ḭḭ rāā yá̰á̰ kə́ majaĺ ndɔ̄ kə́rēý tə́ anī, yá̰á̰ kə́ majə ń ni-rāā kété ní, a ajən alé. Ré deē kógə̄ḿ kə́ majaĺ əya̰ róbə yān kə́ majaĺ ndɔ̄ kə́rēý tə́ anī, yá̰á̰ kə́ majaĺ ń ni-rāā kété ní, a rāā kadə̄ tan a tḭ̄ḭ̄ alé. Adə̄ háĺ kə́ majə yā de kə́ gōtə́ a rāā kadə̄ ni a ndi kə kumneé, ndɔ̄ ń ni a rāań yá̰á̰ kə́ majaĺ tə́ ní alé.

EJEKIEL 33:2

Ḭ̄ ngōn̄ deē, loo ń ré m̄-rāā adə̄ rɔ̄ɔ̄ reē dɔ ɓē kógə̄ḿ tə́ anī, ī-ter̄ kem ngán Israel gə̄ dɔ yá̰á̰ ń rāā yá̰á̰ tə́ ní. De kə́ kem ɓē ní tə́ gə̄ gə̄rān̄ deē kógə̄ḿ kə́ dandə́ tə́ kadə̄ ni i nge kum̄ loo.

EJEKIEL 2:5

Ká ré nin̄ oōn̄ aáā oōn̄ aĺ aáā tām̄ nin̄ i gír de kə́ mbātə́ najə̄ gə̄ ní, a gerə̄n̄ kadə̄ nge koō ta kógə̄ḿ i dandə́ tə́.

DANIEL 12:1

Dan ngeé noō tə́ ní Misel i ngār yā de kə́ dɔ rā̰ tə́ gə̄ ō, i nge rɔ̄ɔ̄ dɔ gír deē yāí gə̄ tə́ ō ní, a teē hɔy. I dan kə́ deē a sōlə̄n̄ tə́. Ndɔ̄ ń nápar de gə̄ əlan̄neé gír ndi dɔ nang tə́, bátə́ ugə̄ń kum mbang ngeé ń noō tə́ ní, sōĺ kə́ tītə̄ ń noō gətóó ɓáý. Loo ń noō tə́ de gə̄ malang kə́ dan gír deē yāí gə̄ tə́ ń rīdə́ i kə́ ndang kem makətūbə̄ ndi kə kumuú tə́ ní a ajən̄.

DANIEL 6:13

Tā anī nin̄ aw̄n̄ rɔ̄ mban̄g tə́ ba ədanən̄ na: Kɔ́ɔ̄ ɓē gə̄, ī-ndang ndū najə̄ kógə̄ḿ kə́ kadə̄ kem ndɔ̄ kutə mətá ní deē ń a ndɔ̄ȳ nə́ɓā kə́rēý, aláa a ndɔ̄ȳ de kə́ rang ba i ḭ̄ mban̄g aĺ ní kadə̄ ənīn̄ kɔ́ɔ̄ bəlo ɓɔl gə̄ tə́ aĺ a? Mban̄g tūr̄ əda na: Yá̰á̰ ń i kə́ ra dɔ tə́ kə gō ndū najə̄ yā Medə gə̄ ō Persə gə̄ ō ń i ndū najə̄ kə́ deē a ɔr̄ kɔ̄ɔ́ alé ní n noó rɔ̄kum.

EJEKIEL 37:18

De gə̄ kə́ dan gír deē yāí gə̄ tə́ a dəjeīn̄ kadə̄ kə ɔ́jə́də́ kum yá̰á̰ ń noō.

EJEKIEL 3:15

M-ūgə̄ Telabib, rɔ̄ de gə̄ ń əhɔn̄də́ aw̄n̄ sedə́ dɔ gúú tə́ adə̄ ndin̄ kadə bā Kebar tə́ ní. m̄-ndi sedə́ ndɔ̄ sīrí kə ángaləḿ kə́ nujə sák sák kɔ̄ɔ́.

NDŪ NAJƏ̄ 9:12

ba ədam̄ na: Ḭ́ḭ dɔɔ́ ba ī-risə láẃ, tɔdɔ̄ gír deē yāí gə̄ ń ī-teē sedə́ kɔ̄ɔ́ kem ɓē kə́ Ejiptə tə́ ní, rāān̄ yá̰á̰ kə́ majaĺ ngá̰ý. Róbə́ ń m-ɔ́jə́də́ ní nin̄ tɔ̄ɔ̄n̄ gō tə́ kɔ̄ɔ́ ɓá. Nōn̄ gində̄ horoó rāān̄ ɓesə̄ tə́ tām̄ yādə́ tə́.

Teē Ngán Israel gə̄ 32:7

Anī Kɔ́ɔ̄ɓē əda Moijə na kə risə nang tə́ láẃ, tɔdɔ̄ ngán Israel gə̄ ń na teē sedə́ kem ɓē kə́ Ejiptə tə́ kɔ̄ɔ́ ní na rāān̄ yá̰á̰ kə́ majaĺ ngá̰ý,

EJEKIEL 3:10

Ni na̰y kə̄ loo kɔr̄ najə̄ tə́ seḿ ɓáý, əda na: Ḭ̄ ngōn̄ deē, ī-nēl̄ mbīí majə ōoń najə̄ ń m-ā m-ə́daī ní ō, ī-taā najə̄ yāḿ ə̄ndā ngarā̰ kemií tə́ ō.

EJEKIEL 3:12

Loo ń noō tə́ Ndíĺ Nə́ɓā unəm̄ nang tə́ kum kə̄ dɔɔ́, anī m-ōō najə̄ kə́ kun ndū kə̄ dɔɔ́ ngá̰ý kədań ń toō gidəḿ tə́: J-ənī pā tɔ̄ȳ Kɔ́ɔ̄ɓē loo ń ni-rāā yá̰á̰ kə́ to kɔsə gɔn yān tū tə́ ní.

EJEKIEL 20:27

Ḭ̄ ngōn̄ deē, ɔr̄ najə̄ kə ngán Israel gə̄, ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toō: Kaasí gə̄ tájə̄mə̄n̄ ɓáý to̰, tām̄ nin̄ ran̄ dɔ ndūdə́ tə́ seḿ alé.

JEREMI 29:20

Sḭḭ̄ de gə̄ malang ń m̄-rāā ādə̄ əhɔn̄sí Jerusalem aw̄n̄ sesí Babilon tə́ ní, ōōī najə̄ yā Kɔ́ɔ̄ɓē.

EJEKIEL 2:4

I de kə́ ngé dɔ ngan̄g gə̄ ō, kə́ ngé kem ngan̄g gə̄ ō ń noō n m-ā m-ə́laī kə̄ rɔ̄də́ tə́ ní. Ā ə́dádə́ na: Najə̄ ń Kɔ́ɔ̄ɓē Nə́ɓā əda ní n toó: