EJEKIEL 29:4 - Bibəl ta Sar̄

⁴ I beé ɓá ní m-ā m̄-mbútə̄ taí yā tə́la gində̄ kə́ ta rugə tū tə́. M-ā m̄-tə́ya̰ kānjə̄ gə̄ kə́ kum bā bo yāí tə́ tū kə̄yā̰ gidií gə̄ tə́.

Bible sar

⁴ I beé ɓá ní m-ā m̄-mbútə̄ taí yā tə́la gində̄ kə́ ta rugə tū tə́. M-ā m̄-tə́ya̰ kānjə̄ gə̄ kə́ kum bā bo yāí tə́ tū kə̄yā̰ gidií gə̄ tə́.

EJEKIEL 29:4 Referans Kwoze

EJEKIEL 38:4

M-ā m̄-mbutə taí kə gində̄ kə́ ruguú ō, m-ā m̄-ndɔ́rī dɔ gúú tə́ ō. M-ā m̄-teē seí kɔ̄ɔ́ ɓē yāí tə́, ḭ̄ ō, ngé rɔ̄ɔ̄ yāí gə̄ malang ō, sə́nda gə̄ ō, ngé kal̄ sə́nda gə̄ ō, sḭḭ̄ malang ní kə kūbə̄ kə́ majə ngá̰ý gēé rɔ̄sí tə́. Ā ī-téliī ɓūtə̄ áskar kə́ ngá̰ý gə̄, kə́ yá̰a̰ rɔ̄ɔ̄ yādə́ i der ō, kaskar ō.

2 MBAN̄G 19:28

ī-rāā wōn̄g seḿ ō, najə̄ kə́ to ngonjə̄ gə̄ ń ɔ̄r̄ dɔḿ tə́ ní m-ōō ō, Adə̄ m-ā m-ə́la nə̄ngá kó̰ní tə́ ō, m-ā m-ə́lá jámá taí tə́ ō. M-ā m-ādə̄ ā úń róbə́ gír njaí yā tél kaw̄ń gogə́ ɓēé.

AMOS 4:2

Kɔ́ɔ̄ɓē túbə̄ əda na: Tītə̄ nəkɔ́ ń mā i Nə́ɓā kə́ táĺ rɔ̄kum noó, ndɔ̄ a reē noó yā kadə̄ de gə̄ a əhɔn̄sí yā kaw̄ sesí ō, a ndɔ́rə̄n̄sí kógə̄ḿ kógə̄ḿ tītə̄ kānjə̄ gə̄ kə́ əhɔn̄də́ kə gində̄ kə́ ta ruguú, aláa kə kuyú beē yā kaw̄ń ndo̰ kanjāá.

IJAI 37:29

A̰á̰ā̰ wōn̄g rāāī dɔḿ tə́, najə̄ kə́ ɔjə kadə̄ ī-kídə̄m̄ ń ɔ̄r̄ ní m-ōō. I tām̄ najə̄ ń toō tə́ n m-ā m-ə́la gində̄ kə́ ta rugə kóní tə́ ō, m-ā m-ə́lá sáā gində̄ kógə̄ḿ mbo̰ō̰ ngāngīí kə́ dɔɔ́ gə̄ tə́ kə ngāngīí kə́ nang tə́ gə̄ tə́ ō ní. M-ā m̄-tél yā kaw̄ sesí gogə́ ɓēé kə róbə́ ń úń á ī-reēń laā ní.

JEREMI 25:33

Əla gír dām̄ dɔ nang kógə̄ḿ tə́ bátə́ gān̄g kə́ noō tə́ ní, de gə̄ a əndān̄ yo ngé gə̄ ń Kɔ́ɔ̄ɓē a tɔldə́ ní, ndɔ̄ ń noō tə́ alé. De gə̄ a ɔyn̄də́ yā dubə̄də́ alé, adə̄ a télən̄ dɔ bū loo kə́ dɔ nang tə́.