EJEKIEL 29:3 - Bibəl ta Sar̄

³ Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

Bible sar

³ Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ *Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

EJEKIEL 29:3 Referans Kwoze

EJEKIEL 32:2

Ḭ̄ ngōn̄ deē, ə̄nī pā yo ń toō kə Parao̰, mban̄g kə́ Ejiptə tə́: Ī-to dan nápar de gə̄ tə́ tītə̄ balsáa ɓɔl beé. Banī ī-to tītə̄ mar kə́ to kum bā bo tə́ beé ō, ḭ̄ ī-yéȳ rɔ̄í kum bā yāí kə́ bo tə́, ḭ̄ ə́la njaí kum tə́ ī-rāań adə̄ kum man̄ majə alé. Ḭ̄ ī-rāā kum man̄ adə̄ kusə́rū.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

JEREMI 44:30

M-ā m-ə́la Parao̰ Hopəra, mban̄g kə́ Ejiptə kem jī madə̄ ba̰ā̰n gə̄ tə́, adə̄ i kem jī ngé gə̄ ń sāān̄ tɔ̄lən tə́ ní, tītə̄ ń m-ə́lań Sedekias, mban̄g kə́ Juda, kem jī madə̄ ba̰ā̰n Nabukodonosor tə́, mban̄g kə́ Babilon ń sāā tɔ̄lən ní.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

EJEKIEL 28:22

Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Ḭ̄ ɓē kə́ Sidon, m-ā m̄-rāā yá̰á̰ kə́ tōr̄ seí! I tītə̄ ń noō n m-ā m̄-rāań kadə̄ de gə̄ a̰a̰n̄ kɔsə gɔn yāḿ kem ɓēé ní. M-ā m̄-rāāī yá̰á̰ ń m̄-sāā rāā seí ní. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā. I tītə̄ ń noō n m-ā m-ɔ́jəń kadə̄ Nə́ɓā kə́ táĺ i mā ní.

EJEKIEL 28:2

Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.

PĀ GƏ̄ 76:7

Nə́ɓā yā Jakob, dan ń ī-ndán̄gdə́ ní, sə́nda gə̄ gə̄gē, ngé kaldə́ gə̄ gə̄gē, rɔ̄də́ oy yélélé.

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.

JEJU TEĒ KUM JA̰A̰ 20:2

Ni-əhɔ dā̰ kə́ to ɓōĺ ngá̰ý ń i lī kə́ jóó ō, i diabəl ō, i Sətan ō ní, do̰ō̰n kə súĺ kadə̄ rāā ɓāl̄ dūbú.

JEJU TEĒ KUM JA̰A̰ 16:13

Anī m-á̰á̰ ndíĺ kə́ yḛr kə́ tītə̄ karā̰ gə̄ mətá, teēn̄ ta dā̰ kə́ to ɓōĺ ngá̰ý ní tə́ ō, dā̰ kə́ rang tə́ ō, ta nge koō ta kə́ rɔ̄kum aĺ tə́ ō.

JEJU TEĒ KUM JA̰A̰ 13:11

Anī m-á̰a̰ dā̰ kə́ rang teē gír nángāá. Gajən gə̄ i jōó ba gajən gə̄ ní ton̄ tītə̄ yā ngōn̄ batə̄ beé ō, ni-ɔr̄ najə̄ tītə̄ dā̰ kə́ to ɓōĺ ngá̰ý beē ō.

JEJU TEĒ KUM JA̰A̰ 13:4

Nin̄-rɔȳn̄ dā̰ kə́ to ɓōĺ ní, tɔdɔ̄ ni-adə̄ dā̰ kə́ to tītə̄ kagə ní tɔ́gə, adə̄ de gə̄ rɔȳn̄ dā̰ kə́ to tītə̄ kagə ní ədan̄ na: I náā n to tītə̄ dā̰ ní ō, i náā n asə rɔ̄ɔ̄ seneé ō ní?

JEJU TEĒ KUM JA̰A̰ 13:2

Dā̰ ń m-á̰a̰n ní to tītə̄ kagə ō, njan to tītə̄ nja dā̰ úrsə ō, tan to tītə̄ ta ɓɔl beé ō. Ba dā̰ kə́ to ɓōĺ ní adə̄n tɔ́gə ō, kōr̄ kāgə̄ mbang yān ō, tɔ́gə́ kə́ ngá̰ý kadə̄ o̰o̰ń ɓē ō.

IJAI 51:9

Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

PĀ GƏ̄ 68:30

Dan ń mban̄g gə̄ a̰a̰n̄ kújə mban̄g yāí ń dɔn un dɔ kújə gə̄ malang kə́ Jerusalem tə́ ní anī, a reēn̄ kə kadə̄ karī yādə́ gēé yā ndējī.

EJEKIEL 30:12

M-ā m̄-rāā kadə̄ ta jī bā Nil kə́ tɔ̄gə̄ iīn̄ kɔ̄ɔ́ ō, m-ā m-ə́la ɓē kem jī de kə́ majaĺ gə̄ tə́ ō. M-ā m̄-nujə ɓē kɔ̄ɔ́ ō, M-ā m̄-nujə yá̰a̰ kənge yān gə̄ malang kɔ̄ɔ́ ō, kə ta kūl̄ tə̄rā gə̄. I mā Kɔ́ɔ̄ɓē n m-ə́da najə̄ ń noō ní.

EJEKIEL 30:22

Ba ngɔlaā ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m̄-rāā yá̰á̰ kə́ tōr̄ kə Parao̰, mban̄g kə́ Ejiptə. M-ā m̄-tētə̄ jīn jōó mbak kɔ̄ɔ́. Jīn kə́ to karī a to tītə̄ jīn kə́ tétə̄ kɔ̄ɔ́ beē. Loo ń noō tə́, m-ā m̄-rāā kadə̄ kaskar kə́ jīn tə́ teē əsō.

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

AMOS 6:13

Sḭḭ̄ ī-rāāī rɔ̄nel̄ tetə rɔ̄ɔ̄ yāsí kə́ Loo Dabar ń i ɓē ń ni i yá̰á̰ kógə̄ḿ aĺ ní. Sḭḭ̄ ə́daī na: Jə-taā ɓē kə́ Karnaim i kə ta kūl̄ tɔ́gə́jí rɔ̄kum, ɓē ń tɔ́gə i tū tə́ ní.