EJEKIEL 28:9 - Bibəl ta Sar̄

⁹ Dan ń ā ī-ra no ngé tɔ̄līí gə̄ tə́ ní, ā ə́da na ḭ̄ na i nə́ɓā kógə̄ḿ ɓáý a? Dan ń ḭ̄ i kem jī ngé tɔ̄līí gə̄ tə́ ní, yá̰á̰ kógə̄ḿ kə́ ɔjə kadə̄ ḭ̄ i nə́ɓā ní gətóo.

Bible sar

⁹ Dan ń ā ī-ra no ngé tɔ̄līí gə̄ tə́ ní, ā ə́da na ḭ̄ na i nə́ɓā kógə̄ḿ ɓáý a? Dan ń ḭ̄ i kem jī ngé tɔ̄līí gə̄ tə́ ní, yá̰á̰ kógə̄ḿ kə́ ɔjə kadə̄ ḭ̄ i nə́ɓā ní gətóo.

EJEKIEL 28:9 Referans Kwoze

EJEKIEL 28:2

Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.

IJAI 31:3

De kə́ Ejiptə tə́ gə̄ i deē ndul gə̄, nin̄ i nə́ɓā gə̄ alé. Sə́nda yādə́ gə̄ i dā̰ gə̄, nin̄ i yá̰á̰ kógə̄ḿ alé. Dan ń Kɔ́ɔ̄ɓē sə́ra jīn anī, nge rāā kə deé əsō ō, nge dəje kadə̄ rāān̄ seneé teē əsō kərim ō, nin̄ jōó mbak oyn̄.

PĀ GƏ̄ 82:7

ɓá tā banī ā óyiī tītə̄ yā de gə̄, ā ī-tə́sōī tītə̄ yā ngār gə̄.

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.

EJEKIEL 28:8

Nin̄ a rāāīn̄ kadə̄ ī-risə āw̄ ɓádá, ā oy yo kə́ majaĺ ngá̰ý dan bā boó.

EJEKIEL 28:10

Ā óy yo kə́ to rɔ̄sɔl̄ yā de gə̄ ń əjan̄ mɔtədə́ aĺ ní, jī tə̄rā gə̄ kə́ ngé tɔ́sī tə́. I mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.

SOPONI 2:15

Ninibə ń i ɓē kə́ ɔjə rɔ̄n ngá̰ý ní, a tél yā to i tītə̄ ń noō. De kə́ kemeé gə̄ ɔjə̄nə̄ń na yá̰a̰ na a rāādə́ aĺ ō, nin̄ gírə̄n̄ yá̰a̰ ədan̄ na de kə́ tītə̄də́ na gətóo ō. Adə̄ Ninibə tél i kɔkərɔ kə́ to dɔ naā tə́ bing, tél i loo ɓɔ̄ɔ̄ rɔ̄ yā dā̰ gə̄! De gə̄ malang ń mānə̄n̄ kadən tə́ ní, a əgan̄ kɔŕ kə́ ɔjə kadə̄ yá̰á̰ kə́ to ka̰ā̰ aĺ i noó ō, a rāān̄ i yá̰á̰ kə́ ɔjə kadə̄ nin̄ kídə̄n̄ loo ō.