EJEKIEL 28:5 - Bibəl ta Sar̄

⁵ Ḭ̄ ī-rāā adə̄ yá̰a̰ kənge yāí ḭḭ dɔ madə̄ tə́ kə ta kūl̄ ger̄ kə́ ī-ger̄ rāā gātə̄ ngá̰ý, ba yá̰a̰ kənge ní rāā adə̄ kɔjə rɔ̄ i ngá̰ý kemií tə́.

Bible sar

⁵ Ḭ̄ ī-rāā adə̄ yá̰a̰ kənge yāí ḭḭ dɔ madə̄ tə́ kə ta kūl̄ ger̄ kə́ ī-ger̄ rāā gātə̄ ngá̰ý, ba yá̰a̰ kənge ní rāā adə̄ kɔjə rɔ̄ i ngá̰ý kemií tə́.

EJEKIEL 28:5 Referans Kwoze

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

PĀ GƏ̄ 52:7

Adə̄ Nə́ɓā a nujiī kɔ̄ɔ́ i kə́ njɔ́ḿ gə̄ tə́. Ni a ndɔ́rī yā teē seí kɔ̄ɔ́ kem kújə tandā yāí tə́. A ɔrī kɔ̄ɔ́ kə ngəraí gēé dɔ nang ń de kə́ kə kumuú gə̄ ndin̄ tū tə́ ní tə́.

OJEE 13:6

M-ɔ́riī ta róbə m-āw̄ seí ko̰ó̰ ō, ə́sá yá̰a̰ adə̄ tɔ̄l̄ ɓōí ō. Ba dan ń ī-ndān̄ anī, ɔ́jə rɔ̄í ō, dɔí ndígə̄naləḿ kɔ̄ɔ́ ō.

EJEKIEL 28:2

Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.

Gōsə̄ najə̄ gə̄ 11:28

De kə́ nge kəndā kemən dɔ yá̰a̰ kənge yān tə́ a əsō, banī de kə́ súmūú gə̄ a tḭ̄ḭ̄n̄ rɔ̄də́ tītə̄ kāgə̄ kə́ mbīn dībə̄ dii beē.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

Makətūbə̄ ń Pol ndang adə̄ Rom gə̄ ní 12:16

Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

IJAI 5:21

I yá̰á̰ kə́ to kum kaȳ aĺ kə́ ba̰ý beē, tām̄ yā de gə̄ ń noō ń a̰a̰n̄ rɔ̄də́ kadə̄ nin̄ i ngé kum kedə̄ gə̄ ō, nin̄ ɔjənə̄ń na kur̄ dɔdə́ na to ō ní!

Gōsə̄ najə̄ gə̄ 26:12

Ré ə́nge de kə́ taā kem kadə̄ kumən edə ngá̰ý anī, majə kadə̄ ī-ger̄ na kəndā kem dɔ de kə́ mbóó tə́ i só tə́ t ɔȳ kəndā kem dɔ de kə́ beé tə́.

JAKARI 9:3

Tir əndā ndogə̄ mbal̄ gə̄ kə́ yā rɔ̄ɔń dɔ rɔ̄n tə́. Ni kán̄ gində̄ arjā̰a̰ ngá̰ý kə̄ dɔ naā tə́ tītə̄ bumbə́ru kə́ kum róbə kɔsə gə̄ tə́ ō, kán̄ lɔ́r ngá̰ý kə̄ dɔ naā tə́ tītə̄ bɔr kə́ kum kə̄lá róbə gə̄ tə́ beē ō.

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.

IJAI 23:8

Kété ní ɓē kə́ Tir i ɓē kə́ nge nə̄ɓō de gə̄ jākā mbang gə̄. Kété ní ngé kigə yá̰a̰ yān gə̄ i ngán ngār gə̄. Kété ní ngé rāā gātə̄ yān gə̄ i de kə́ bo gə̄ kə́ dɔ nang tə́ laā. I náā n un ndūn yā nujə ɓē ń toō ní?

IJAI 23:3

Yá̰á̰ ń de gə̄ dubə̄n̄ kə gō kadə bā Nil ní, yá̰á̰ ń de gə̄ əjan̄ kə gō kadə bā Nil ní, kété i yá̰a̰ kənge yā ɓē kə́ Sidon. Kété ní, ɓē ní tél i súkə̄ yā nápar de gə̄.

Gōsə̄ najə̄ gə̄ 30:9

na sōgə́ m-ə́ngé yá̰á̰ ngá̰ý al̄ naā anī m̄-nējə̄ ndūḿ m-ə́da na ké Kɔ́ɔ̄ɓē i náā wa. Aláa m̄-ndoō ngá̰ý al̄ naā anī m̄-ɓogə adə̄ m-ə́la rɔ̄sɔl̄ dɔ Nə́ɓā yāḿ tə́.

2 YÁ̰A̰ GƏ̄ 25:19

Ḭ̄ Amasia, i tām̄ tetə ń ī-tetə Edom gə̄ rɔ̄ɔ̄ ní n ā ɔ́jə rɔ̄í noō. Ní, ɔ́r ta rɔ̄í ba ī-ndi ɓēé looí. Ī-ndigə kəla gír rɔ̄ɔ̄ kə́ ta tɔ̄l̄ ta a majə aĺ tām̄ yāí tə́ i najə̄ rí tə́? Tɔdɔ̄ a tetənī rɔ̄ɔ̄ naā tə́ kə ngé rɔ̄ɔ̄ kə́ Juda tə́ gə̄ malang loo rɔ̄ɔ̄ ní tə́.

JEREMI 49:4

Sḭḭ̄ gír de kə́ ta tḭ̄ḭ̄ kɔ̄ɔ́ gə̄, i tām̄ rí tə́ á ɔ́jiī rɔ̄sí kə wól loo yāsí ní? Man̄ nūgə́ ngá̰ý kem wól loo yāsí tə́, adə̄ ə̄ndāī kemsí dɔ dūbə̄ yá̰a̰ kənge yāsí tə́ ba ə́daī na: I náā n a ənījí rɔ̄ɔ̄?

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.

2 MBAN̄G 14:10

Ba Joas əda gō tə́ na: I tām̄ tetə̄ ń ī-tetə Edom gə̄ rɔ̄ɔ̄ ní n ā ɔ́jə rɔ̄í noō. Ní, ɔ́r ta rɔ̄í ba ī-ndi ɓēé looí! Ī-sāā kəla gír rɔ̄ɔ̄ kə́ ta tɔ̄l̄ ta a majaĺ tām̄ yāí tə́ i najə̄ rí tə́? Tɔdɔ̄ a tetiīn̄ rɔ̄ɔ̄ naā tə́ kə ngé rɔ̄ɔ̄ kə́ Juda tə́ gə̄ malang loo rɔ̄ɔ̄ ní tə́.

PĀ GƏ̄ 62:11

Ī-lōōī kəndā kemsí dɔ dɔ́nɔ́ tə́, ī-lōōī kəndā kemsí dɔ yá̰á̰ kə́ ɓogə tə́. Ré yá̰a̰ kənge yāsí reē ngá̰ý kə̄ dɔ naā tə́ anī, ī-lōōī kəndā kemsí dɔ tə́.

EJEKIEL 28:17

Majə ń ī-majə deē ní rāāī adə̄ ɔ́jə rɔ̄í. Teēń ī-teē deē ní rāāī adə̄ dɔí ndi gōtə́ aĺ kɔ̄ɔ́. I tām̄ najə̄ ń noō tə́ n m-ə̄nī nang tə́ m-ādə̄ mban̄g kə́ rang gə̄ a̰a̰īn̄ ní.

DANIEL 11:12

Mban̄g kə́ dām̄ mbɔ́r ɓē kə́ geleé tə́ a ɔjə rɔ̄n ngá̰ý kə tetə rɔ̄ɔ̄ ngeé ń noō. Ni a tɔ̄l̄ ngé rɔ̄ɔ̄ gə̄ dūbú ngá̰ý ɓá tā ba tetə rɔ̄ɔ̄ yān ń noō i kə́ márwāy gə̄ tə́ alé.