EJEKIEL 28:2 - Bibəl ta Sar̄

² Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.

Bible sar

² Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.

EJEKIEL 28:2 Referans Kwoze

EJEKIEL 28:9

Dan ń ā ī-ra no ngé tɔ̄līí gə̄ tə́ ní, ā ə́da na ḭ̄ na i nə́ɓā kógə̄ḿ ɓáý a? Dan ń ḭ̄ i kem jī ngé tɔ̄līí gə̄ tə́ ní, yá̰á̰ kógə̄ḿ kə́ ɔjə kadə̄ ḭ̄ i nə́ɓā ní gətóo.

2 TESALONIK 2:4

Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.

IJAI 31:3

De kə́ Ejiptə tə́ gə̄ i deē ndul gə̄, nin̄ i nə́ɓā gə̄ alé. Sə́nda yādə́ gə̄ i dā̰ gə̄, nin̄ i yá̰á̰ kógə̄ḿ alé. Dan ń Kɔ́ɔ̄ɓē sə́ra jīn anī, nge rāā kə deé əsō ō, nge dəje kadə̄ rāān̄ seneé teē əsō kərim ō, nin̄ jōó mbak oyn̄.

Gōsə̄ najə̄ gə̄ 16:18

Kɔjə rɔ̄ i róbə́ ń deē a nujəń sák sák ní ō, gán̄g rɔ̄ i róbə ń deē a əsōń ní ō.

PĀ GƏ̄ 9:20

Kɔ́ɔ̄ɓē, ḭ́ḭ dɔɔ́! Ādə̄ tɔ́gə deē ndul tɔȳ yāí alé! Āw̄ kə gíŕ nápar de kə́ rang gēé ta loo gān̄g sarya yāí tə́!

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

1 TIMOTE 3:6

Kadə̄ ni i de kə́ taā kem ngɔr ɓáý alé, na sōgə́ kɔjə rɔ̄ kə́ kemən tə́ rāā adə̄ Nə́ɓā gān̄g sarya dɔn tə́ tītə̄ ń gāngəń dɔ diabəl tə́ ní.

HABAKUK 2:4

Ī-ndang najə̄ ń toō: Deē ń gír̄ kə́ kemən tə́ i kə́ majaĺ ní, tɔ́gən gətóo. Banī deē ń ra dɔ ndūn tə́ kə Nə́ɓāá ní, i nge rāā yá̰á̰ kə́ gōtə́. I tītə̄ ń noō n ni ndiń kə kumneé ní

EJEKIEL 31:10

Ngɔlaā ní mā Kɔ́ɔ̄ɓē Nə́ɓā m-ə́da na: Kāgə̄ sedər tɔgə, dɔn ɔdə kil̄ man̄ gə̄ ō, kɔjə rɔ̄ udə kemən tə́ ō.

EJEKIEL 28:17

Majə ń ī-majə deē ní rāāī adə̄ ɔ́jə rɔ̄í. Teēń ī-teē deē ní rāāī adə̄ dɔí ndi gōtə́ aĺ kɔ̄ɔ́. I tām̄ najə̄ ń noō tə́ n m-ə̄nī nang tə́ m-ādə̄ mban̄g kə́ rang gə̄ a̰a̰īn̄ ní.

Gōsə̄ najə̄ gə̄ 18:12

Dan ń deē nujə sák sák aĺ ɓáý ní ni ɔjə rɔ̄n ngá̰ý, sɔl̄ dɔ i kété pá tá kɔsə gɔn utə̄ gō.

2 YÁ̰A̰ GƏ̄ 26:16

Banī tɔ́gə̄n ní rāān adə̄ ɔjə rɔ̄n, ba kɔjə rɔ̄ yān kə́ kemən tə́ ní aw̄ seneé bátə́ tḭ̄ḭ̄ tan. Ni-rāā háĺ kə́ sew aĺ kə Kɔ́ɔ̄ɓē Nə́ɓā yānneé, udə kem kújə yā Kɔ́ɔ̄ɓē tə́ yā róō kajaja dɔ loo róō ndujə̄ yá̰á̰ kə́ kotə majə tə́ yā kadə̄ Kɔ́ɔ̄ɓē.

NDŪ NAJƏ̄ 8:14

ī-lōōī kɔjə rɔ̄sí ō, ī-lōōī kadə̄ dɔsí ndígə̄nal dɔ Kɔ́ɔ̄ɓē Nə́ɓā yāsí tə́ ō. I ni n i nge kɔr̄sí ɓəloó kɔ̄ɔ́ kem ɓē kə́ Ejiptə tə́ ní.

TA KƏLA 3:5

Tām̄ Nə́ɓā ger̄ kadə̄ ndɔ̄ ń ā ə́saī tə́ anī, kumsí a teē kadə̄ ā ī-toī tītə̄ Nə́ɓā ō, ā ī-gerī yá̰á̰ kə́ majə ō, yá̰á̰ kə́ majaĺ ō.

JEJU TEĒ KUM JA̰A̰ 17:3

Loo ń noō tə́ ni-un ndílə́ḿ aw̄ń kem dəla loo tə́, adə̄ m-á̰a̰ dəyá̰ kógə̄ḿ kə́ ndi dɔ dā̰ kógə̄ḿ kə́ kərē pírírí tə́, ba ndangən̄ rī kə́ to ndájə̄ najə̄ dɔ Nə́ɓā tə́ gə̄ rɔ̄ dā̰ ní tə́ malang. Dā̰ ní dɔn i sīrí ba gajən gə̄ i kutə.

JEJU TEĒ KUM JA̰A̰ 18:7

Ī-rāāin̄ yá̰á̰ kə́ tōr̄ gə̄ ō, ī-rāāin̄ ādə̄ əhɔ ndoō ō, ādə̄ asə kə gō kɔr ń ni ɔr ta rɔ̄n ní ō, ādə̄ asə kə gō tə́ndā ń ni tə́ndā yá̰á̰ kə́ majə ngá̰ý yān gə̄ kə ta naá ní ō. Tɔdɔ̄ ni-əda kemən tə́ na n ndi na i kə́ mban̄g kə́ dəyá̰ tə́ ō, ngaan na oy aĺ ō, na n əhɔ ndoō aĺ i kə́ bátə́ gə̄ tə́ ō.

IJAI 23:8

Kété ní ɓē kə́ Tir i ɓē kə́ nge nə̄ɓō de gə̄ jākā mbang gə̄. Kété ní ngé kigə yá̰a̰ yān gə̄ i ngán ngār gə̄. Kété ní ngé rāā gātə̄ yān gə̄ i de kə́ bo gə̄ kə́ dɔ nang tə́ laā. I náā n un ndūn yā nujə ɓē ń toō ní?

IJAI 47:8

Ngɔlaā ní, ḭ̄ ń ī-gḛy rɔ̄nel̄ ngá̰ý ní, ōō yá̰á̰ ń toō: Ḭ̄ ī-ndi nang tə́ jəke ī-gírəń najə̄ ń toō ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo. M-ā m̄-tél dəyá̰ kə́ ngaa koy aĺ i kə́ bátə́ gə̄ tə́ ō, m-ā m̄-tḭ̄ḭ̄ ta ngánə́ḿ gə̄ aĺ ō!

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.

EJEKIEL 26:17

Nin̄ a unən̄ pā yo ń toō dɔí tə́: Ajá, nujiīn̄ kɔ̄ɔ́, ḭ̄ ɓē ń rīí ɓār̄ ngá̰ý ní, ī-gətóo kɔ̄ɔ́ dan bā boó! Kété ní, de gə̄ ń ndin̄ kemií tə́ ní, tɔ́gə́də́ i ngá̰ý dɔ bā bo tə́, adə̄ de gə̄ malang ɓōlə́n̄də́.

EJEKIEL 28:1

Kɔ́ɔ̄ɓē ɔr̄ najə̄ seḿ, ədam̄ na:

SOPONI 2:15

Ninibə ń i ɓē kə́ ɔjə rɔ̄n ngá̰ý ní, a tél yā to i tītə̄ ń noō. De kə́ kemeé gə̄ ɔjə̄nə̄ń na yá̰a̰ na a rāādə́ aĺ ō, nin̄ gírə̄n̄ yá̰a̰ ədan̄ na de kə́ tītə̄də́ na gətóo ō. Adə̄ Ninibə tél i kɔkərɔ kə́ to dɔ naā tə́ bing, tél i loo ɓɔ̄ɔ̄ rɔ̄ yā dā̰ gə̄! De gə̄ malang ń mānə̄n̄ kadən tə́ ní, a əgan̄ kɔŕ kə́ ɔjə kadə̄ yá̰á̰ kə́ to ka̰ā̰ aĺ i noó ō, a rāān̄ i yá̰á̰ kə́ ɔjə kadə̄ nin̄ kídə̄n̄ loo ō.

JAKARI 9:2

Hamat ń i ngɔr kə̄ Damas ní, ni-ɔr̄ najə̄ tū tə́ ō, ɓē gə̄ kə́ Tir ō, kə́ Sidon ō, ń de kə́ kemeé gə̄ jīdə́ ger̄ yá̰á̰ ngá̰ý ní, ni-ɔr̄ najə̄ tū tə́ ō.

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

EJEKIEL 29:9

A nujən̄ ɓē kə́ Ejiptə ō, ni a tél dəla loo ō. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā. Ḭ̄ ə́da na bā Nil na i yāí ḭ̄, ə́da na i ḭ̄ n na ī-rāā bā Nil.

DANIEL 11:12

Mban̄g kə́ dām̄ mbɔ́r ɓē kə́ geleé tə́ a ɔjə rɔ̄n ngá̰ý kə tetə rɔ̄ɔ̄ ngeé ń noō. Ni a tɔ̄l̄ ngé rɔ̄ɔ̄ gə̄ dūbú ngá̰ý ɓá tā ba tetə rɔ̄ɔ̄ yān ń noō i kə́ márwāy gə̄ tə́ alé.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

DANIEL 11:37

A usə mban̄g ní dɔ nə́ɓā yā kaan gə̄ tə́ aĺ ō, nə́ɓā ń nel̄ dəyá̰ gə̄ seneé ngá̰ý ní a usən dɔn tə́ aĺ ō. N i a ɔsə rɔ̄n kə̄ dɔɔ́ dɔ nə́ɓā gə̄ tə́ malang, adə̄ a usən dɔ nə́ɓā kógə̄ḿ tə́ alé.

Najə̄ kə́ Majə yā Jeju ń Luk ndang ní 14:9

tá nəkɔ́ ń mēr̄sí kəsa yá̰a̰ mbak ní, reē ədaī na kə ə́ya̰ loo kə́ kété, kə ādə̄ madí ní anī, loo ń noō tə́ ní ḭ́ḭ kə rɔ̄sɔlɔ̄ɔ́ ta kaw̄ loo kə́ gogə́ tə́.